Kolossa 3:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ Maka katoonan bi na du sina, pagka kam maghulas-sangsāꞌ kalnaꞌ Papuꞌ Isa, mastiꞌ luu jaꞌ sina mintu tungbas ayad ningkaam. Tungbas ningkaam yana mimon kaayaran ma bay hinalliꞌ ni sukuꞌ na.

Kolossa 3:24 ပူးပေါင်းရင်းမြစ်များ

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Matiyu 10:41

Soysoy ngahasi disu sosohoan Tuhan, koleꞌ jaꞌ sina ya tungbas meꞌ ilooy ma pamuwan Tuhan ni siga sosohoan na. Damikiyan, soysoy ina ngahasi jama intong, koleꞌ du sina ya tungbas meꞌ ilooy ma pamuwan Tuhan ni jama intong.

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Matiyu 5:46

Daa kam mista luu tungbas ayad man Tuhan ngagad kaam bong ilooy du kaasean bi isu-isu sagannap ma maasean kaam. Minsan ina siga tukang ninga sukay ma tanyag baldusa maaseꞌ du ni sagannap ma maaseꞌ ninsila.

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Yahiya 12:26

Soysoy doman buwat kahandak ku, subay du nūs lān ku supaya nnoy-nnoy mman ku, ndooy du ya. Maka sagannap ma buwat kahandak ku, mastiꞌ pinaehe sina mintu meꞌ Mmaꞌ ku.”

Salsila siga Rasul 20:32

“Batnaa tu, paku ku pa Tuhan, iya sa ngayaran kaam. Kannahun bi na pin umanat mahap pasal aseꞌ-tabang na ningkitabi. Umanat tuu itu kapahallot pangando bi supaya takoleꞌ bi mimon supaat ma bay janjiꞌ Tuhan ni sagannap ma bay pabuwat na sukuꞌ na.

Suwat si Pol pa mman Baanan Sukuꞌ si Isa ndooy ni Rom 1:1

Suwat tuu itu lakka man aku, yana si Pol, disu ata si Isa Almasi. Aku itu bay lliyun meꞌ Tuhan binuwat rasul nohoꞌ masaplag umanat mahap pasal kasalamatan.

Suwat si Pol pa mman Baanan Sukuꞌ si Isa ndooy ni Rom 14:18

Na sagannap ma makutuꞌ hāl meꞌ looy sambayan da ngisbat Almasi, mastiꞌ kinahopan jaꞌ sina meꞌ manusiyaꞌ awla na Tuhan.

1 Korin 11:23

Batnaa, paintoman ta doꞌ kam bay tōꞌ ku ningkaam pasal pangintoman ni kapatoy Papuꞌ Isa. Ituu tu bay sinohoꞌ meꞌ Papuꞌ Isa inikut niyaku. Ni sangom man na bay tinipu, buwatan na, lay ya ngaddoꞌ dambatang tinapay,

1 Korin 3:8

Ilooy ilay ma nabud sampay ilooy ma nataꞌ, sibuꞌ du maksud da. Maka saliꞌ-saliꞌ du sina mintu sila tinungbasan meꞌ Tuhan magpataꞌ ka bay hulas-sangsāꞌ da.

1 Korin 7:22

Ituu jaꞌ kannahun bi: San ina kam ata, pagka lay na kam lliyun mmeꞌ ni Almasi, malaingkan luu na kaadaan bi bahau. Batan luu na kasumunsayaan bi ma yaꞌ tasayu jama. Damikiyan, kaam pun ma saꞌ ata, luu na du sina kaadaan bi bahau. Batan pag taabut bi bay lliyun mmeꞌ ni Almasi, lay na kam dari ata na.

Galatiya 1:10

Na ni hāl bay halling ku ilay siꞌ, katoonan ku du luu nnaa kasohean yaꞌ kasulutan niyaku. Sugaꞌ basta lay jaꞌ ku nulut ni kahandak Tuhan, yaꞌ du dari oy na san ku yaꞌ na kinahopan meꞌ manusiyaꞌ. Bong siꞌ itu masi puhung ku subay na pin ku kinahopan leꞌ manusiyaꞌ, yaꞌ du ku pataꞌ inawnan sosohoan si Isa Almasi.

Epesus 6:6

Daa subay na pin ni awpan papuꞌ bi boꞌ bi buwat paayad. Arapun takita kam atawa niyaꞌ, subay kam magkanaalla buwat. Ingatun bi dī bi ata Almasi tiggo buwat kahandak Tuhan.

Epesus 6:8

Katoonan bi du sina, oy-oy jaꞌ kaayaran pabuwat tabi, mastiꞌ tinungbasan du meꞌ Papuꞌ Isa, saꞌ biddaꞌ bong kitabi ata atawa ssaꞌ.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

Hibrani 10:35

Sangkon daa na labbahan bi pangando bi ni Papuꞌ, batan pangando bi ina, inaa na poonan man bi koleꞌ tungbas ayad saꞌ alang-alang.

Hibrani 11:6

Na bong inawnan nulut ni kahandak Tuhan, tunmanūn meꞌ jama kasulut niiya bong yaꞌ luu pangando da niiya. Sarī man naa, soysoy doman patapit pa Tuhan subay pitsayaꞌ luu ya. Maka subay ya pitsayaꞌ Tuhan nupaatan sagannap ma magkainagon lungbid ka iya.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

1 Pitel 1:4

koleꞌ kitabi mimon ma ndang luu na bay hinalliꞌ meꞌ Tuhan ni sulgaꞌ para ni siga sukuꞌ na. Boꞌ ilooy na silay tabilang pusaka ma yaꞌ luu masa na, yaꞌ luu salla na, sampay yaꞌ kuhi baluba.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.