Kolossa 3:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Pandangun bi na hāl ma hagaan pa Tuhan. Bong hāl junyaꞌ, san daa na.

Kolossa 3:2 ပူးပေါင်းရင်းမြစ်များ

Matiyu 16:23

Pag-anu, ilooy ma paawop si Isa ni si Pitel sambayan na halling, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Matiyu 6:19

Pag-anu, yuk si Isa lagi, “Daa kam ngumpohan dī bi altaꞌ ntuu ni junyaꞌ, batan altaꞌ ni junyaꞌ ina tapakaat lagi meꞌ mananap maka ginahaꞌ, boꞌ tatangkaw lagi.

Lukas 12:15

Pag-anu siꞌ, yuk si Isa ninsila sikamimon ndooy, “Iyakin kam. Ilagan bi napsu mulakab ni altaꞌ. San du ina dangoy eka altaꞌ manusiyaꞌ, yaꞌ du kasampulnaꞌ ni nyawa da.”

Lukas 16:11

Bong ina kam yaꞌ magkanaalla ngantan altaꞌ junyaꞌ tuu, mastiꞌ yaꞌ du hinalap meꞌ Tuhan ningkaam altaꞌ sabanna man sulgaꞌ.

Pilipi 1:23

Kaawran ku mamiki. Bong siꞌ aku kabean, doman na ku ngambanan junyaꞌ tuu batan mas mahap gi niyaku kapagdambuwaꞌ na ka Almasi.

Kolossa 3:1

Na kitabi itu ma pitsayaꞌ ni Almasi, meꞌ tabi ngingat, lay na kitabi tabeꞌ niiya pinakallum pabalik sabap lay na kitabi buwanan Tuhan kaallum bahau. Sangkon, isbat tabi na hāl sulgaꞌ man Almasi ningkōꞌ ni bihing Tuhan huwin pa kawnan.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.