Kolossa 3:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 3:16 ပူးပေါင်းရင်းမြစ်များ

Matiyu 26:30

Pag-anu, lay sila ngalang kalangan pudji pa Tuhan boꞌ da pōꞌ song pilay pa Punu Jaytun.

Lukas 2:51

Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Yahiya 15:7

Sugaꞌ basta kam langkit ka aku boꞌ kanna bi du bitsala ku, oy-oy paku bi man Mmaꞌ ku, basta nduwan jaꞌ du sina kam.

Suwat si Pol pa mman Baanan Sukuꞌ si Isa ndooy ni Rom 10:17

Sugaꞌ san baw meꞌ looy, luu gi du baw tu pitsayaꞌ. Danan da pitsayaꞌ sabap lay sila kale umanat mahap pasal Almasi. Maka kon da bay kale sabap luu bay masaplagan sila.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

1 Korin 14:15

Dari pagka meꞌ looy, aku itu, bong ku maku duwaa, tamūd maku ku duwaa ni pallun nyawa ku ma ag-agan, maka tamūd makoy ku pallun ku ma tahati meꞌ sikamimon. Damikiyan, bong ku ngalang kalangan pudji, tamūd makoy du ku pallun nyawa ku maka tamūd makoy ku pallun ku ma tahati.

1 Korin 14:26

Na siga danganakan, bila kam kumpo-kumpo numba, ituu palbiatan ku ningkaam. Mahap sina bong kasohean ngalang kalangan pudji pa Tuhan; maka mahap du bong kasohean nganasihat maka kasohean masampay umanat ma bay pinalahil meꞌ Rū Sutsiꞌ ninsila. Maka mahap du bong kasohean mitsala ni siga pallun ag-agan, basta luu jaꞌ tukang muwan maana. Sugaꞌ junjung ku na ningkaam, oy-oy pabuwat bi, subay kasambu ni siga nyawa sikamimon njawom baanan bi.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Epesus 5:17

Sangkon, daa papondokun bi pamiki bi, arapun hatiyun bi bana bong oy kahandak Papuꞌ Isa ningkaam, boꞌ pabuwatun bi.

Epesus 5:19

Maka bila kam kumpo-kumpo, subay kam sipataggu-pataggu iman bi makoy bitsala man kitab ka jinisan kalangan pudji ni Papuꞌ. Maka kalangan bi Papuꞌ ni kaehe gāk atay bi.

Epesus 5:26

supaya kitabi dari sukuꞌ na. Pag batnaa, lay na baw kitabi sinutsiꞌ meꞌ na sabap meꞌ tabi bay pitsayaꞌ ni umanat na sampay bay pinandi.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 4:6

Bila kam magbitsala ka sila, subay kam magmaltabat ninsila maka makoy bitsala mahap. Maka miha kam lawang man bi matabeꞌ bitsala ma kasambu ni nyawa da. Maka subay kam saddiya ka tampung ayad bong luu nual kaam. Bong siꞌ ina kam kabitsala meꞌ looy siꞌ, sibuꞌ du kam ka bay nongan sila lawuk tabaan.

1 Tesaloneka 1:8

Maka sabapan bi, lataꞌ na man umanat mahap pasal Papuꞌ Isa pinasaplag ni sikaliput Masidunya ka Akaya sampay pa kalahat-lahatan ni katāhan. Batan paninggai-paninggai jaꞌ kami, ndaꞌ kami luu na jaꞌ jama bay kaakahan pasal pangando bi ni Tuhan. Dari san kami yaꞌ na bay magtuyuꞌ mahati ninsila oy maka oy na.

1 Tesaloneka 4:18

Na ni bay bitsala ku ilay siꞌ, inaa na pakoyun bi man bi sipaintom-paintom mari kagamgaman pamiki bi saliꞌ-saliꞌ.

2 Tesaloneka 3:15

Daa jaꞌ baw sila pabuwatun bi subay ga banta bi. Arapun paintoman bi sadjaꞌ sila. Ndang-ndang danganakan bi du sila njawman si Isa.

1 Timuti 6:17

Na ni kapasal sukuꞌ si Isa ma dayahan meꞌ altaꞌ junyaꞌ, daa sila sohoun langkaw atay da. Maka daa sila sohoun mangasa ni altaꞌ batan bosbos ina luu, bosbos lungay. Ilooy ya subay asahan da yana Tuhan, batan iya sina muwanan kitabi mimon-mimon para ni kagakan tabi.

2 Timuti 3:15

Man kadikiꞌ nu lagi, ndang lay na ko tinoan kabanahan njawom kitab. Inaa na sina man nu bay koleꞌ pangahati pasal kasalamatan para ni soysoy pitsayaꞌ ni si Isa Almasi.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

Yaꞌkub 5:13

Bong luu ni baanan bi tuwaꞌ kasusahan, subay ya maku tabang pa Tuhan. Kuwan kaam baw ma njawom kagakan, subay kam ngalang pudji pa Tuhan.

1 Yahiya 2:14

Siga anak, kon bi suwatan ku sabap katoonan bi na Mmaꞌ tabi Tuhan. Kaam pun siga matatoa, meꞌ halling sambat ku na siꞌ, suwatan ta na kam sabap katoonan bi ilooy ma ndang luu man awwal tagnaꞌ. Maka kaam ma siga anak-anak bahau, suwatan ta du kam sabap basag pangando bi ni si Isa maka lay na nganggamut palman Tuhan njawom atay bi. Boꞌ na, lay na kam tumanjataꞌ man ilooy ma poonan kalaatan.

1 Yahiya 2:24

Sangkon amay-amay kannahun bi na pin tōꞌ ma bay takale bi jaman bi bahau jaꞌ bay pitsayaꞌ. Meꞌ looy ilay, mastiꞌ yaꞌ maglumba meꞌ bi lungbid ka Mmaꞌ tabi Tuhan ka Anak na.

1 Yahiya 2:27

Boꞌ ni sabana na, san sina kam yaꞌ na pinagpandoyan meꞌ soy maka soy na. Ndang-ndang lay na du kam bay pinaasokan Rū Sutsiꞌ meꞌ Almasi. Rū Sutsiꞌ ina tattog njawom atay bi. Maka iya magpandoyan kaam ni oy-oy ma talpaksaꞌ subay katoonan bi. Boꞌ na, oy-oy jaꞌ ina pamāꞌ na ningkaam bana jaꞌ, yaꞌ sina luu palsu. Sangkon bean bi jaꞌ suwara na mari yaꞌ maglumba meꞌ bi lungbid ka Almasi.

2 Yahiya 1:2

Kaasean kami kam sabap saliꞌ-saliꞌ kitabi pitsayaꞌ ni kabanahan, boꞌ kabanahan naa ina, yaꞌ na kuhi lakka man jawom atay tabi saumu-umu.

Siga Pakaradjaan bay Pinalahil 14:3

Kuwan ga jama looy siꞌ ma dahatus mpatpuꞌ-mpat libu, bbuwatan da ngalang kalangan bahau ni awpan paningkoan Tuhan ka ni awpan ga balnyawa looy siꞌ sika-mpat sampay ga matatoa looy sikaduwampuꞌ-mpat. Boꞌ yaꞌ luu toon kalangan looy sarī man ga jama looy siꞌ sikadahatus mpatpuꞌ-mpat libu, yana sagannap ma lay na nilakkat meꞌ Bili-bili looy man komkoman Ibilis jaman da masi ni junyaꞌ.

Siga Pakaradjaan bay Pinalahil 15:3

sambayan da ngalang kalangan ata Tuhan mattoꞌ, yana Nabi Musa. Kalangan looy siꞌ yana kalangan Bili-bili looy du. Kalangan looy siꞌ meꞌ tuu: “Papuꞌ, meꞌ kau Tuhan Sangat Kawasa, mimon pabuwat nu kainu-inu ka biddaꞌ na hāp na. Kau sultan mimon kabangsa-bangsahan. Mimon-mimon ma pabuwat nu intong jaꞌ maka yaꞌ luu salla na.

Siga Pakaradjaan bay Pinalahil 19:10

Pag takale ku meꞌ looy, ilooy ma lay na ku sujud ni battis na numba iya. Sugaꞌ yuk na, “Daa ko ba buwat meꞌ naa. Tuhan jaꞌ sumbahun. Aku bitu ata Tuhan sadjaꞌ meꞌ kaam du ka siga danganakan nu ma ngantanan umanat Papuꞌ Isa. Boꞌ umanat looy ilay ma bay pinasampay meꞌ Papuꞌ Isa yana kabanahan ma bay tinunaꞌ meꞌ kanabi-nabihan mattoꞌ.”

Siga Pakaradjaan bay Pinalahil 5:9

Maka bbuwatan da ngalang kalangan bahau man mudji Bili-bili looy, yuk da, “Kau du tawop ngaddoꞌ suwat naa sampay ngalukap siga kanjiꞌ na sabap lay ko bay nongan umu nu man maddusan manusiyaꞌ man komkoman Ibilis. Lahaꞌ nu bay pinaduwai supaya dari sukuꞌ Tuhan na jama ni mimon kalahat-lahatan ka mimon kabangsa-bangsahan, kaniya-kaniya ka jinisan pallun da.