Kolossa 3:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Intong na, subay kam pandoy natasan salla arat pagkahi bi. Bong luu pagsaggaan bi ka pagkahi bi, siampun-ampun kam. Intomun bi, kaam pun ina, lay du kam bay inampun meꞌ Papuꞌ. Dari sapatut na, subay du kam ngampun.

Kolossa 3:13 ပူးပေါင်းရင်းမြစ်များ

Matiyu 5:44

Sugaꞌ ituu jaꞌ meꞌ ku ka kaam: Kaasean bi sagannap ma manta kaam maka pakuhan bi duwaa sagannap ma ngalaugan kaam.

Matiyu 6:12

Maka ampunun doꞌ kami ni dusa kami batan lay na du kami ngampun sagannap ma dusahan ningkami.

Malkus 11:25

Sugaꞌ bila kam maku duwaa, subay kam duhuꞌ ngampun soysoy dusahan ningkaam supaya inampun na du kam meꞌ Mmaꞌ bi ni sulgaꞌ.

Lukas 11:4

Maka Maꞌ, maku kami kaampunan ni bay dusa kami. Ndang-ndang lay na du kami ngampun sikamimon ma dusahan ningkami. Maka maku kami tabang ningkau mari yaꞌ kami takoleꞌ meꞌ jinisan sasat.’ ”

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Suwat si Pol pa mman Baanan Sukuꞌ si Isa ndooy ni Rom 15:7

Sangkon sihasi-hasi kam. Yana meꞌ Almasi bay ngahasi kaam, subay du kam ngahasi mbuwaꞌ danganakan bi sukuꞌ si Isa, pamaehe bantug pa Tuhan.

2 Korin 2:10

Dari batnaa tu, bong kam ngampun lalla looy, mastiꞌ ampun ku na du ya. Maka bong bistahan bi luu dusa na niyaku, ilu na Almasi pakale-kale, mastiꞌ ampun ku na du ya kalnaꞌ kaam,

2 Korin 6:6

Maka tandaꞌ kami sosohoan Tuhan, yaꞌ luu pabuwat kami oy maka oy na man kami taawnan sabu. Boꞌ na, tumatandaꞌ du luu pangahati kami ni kitab. Sarī gi, tahaꞌ pasensiya kami maka manimbang kami ni jama. Maka tumatandaꞌ du pinagmundaan kami meꞌ Rū Sutsiꞌ. Maka hilas jaꞌ aseꞌ kami ni mimon manusiyaꞌ.

Galatiya 6:2

Pakutuun bi meꞌ bi sitabang-tabang mari tumatandaꞌ ngasip na kam ni panohoan Almasi sikaaseꞌ-kaaseꞌ.

Epesus 4:2

Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Epesus 4:32

Batan meꞌ kitabi itu sukuꞌ Tuhan, subay kitabi sikaaseꞌ-kaaseꞌ maka sikaluuy-kaluuy sampay siampun-ampun. Akig tabi na Tuhan bay ngampun kitabi man sabapan pabuwatan Almasi.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

Yaꞌkub 2:13

Batan pag ina mintu taabut llaw hukuman, soysoy yaꞌ bay manimbang ni pagkahi na manusiyaꞌ, yaꞌ du ya pinanimbangan meꞌ Tuhan. Sugaꞌ sagannap ma bay manimbang, yaꞌ na luu katawuhan da ni llaw hukuman.

1 Pitel 2:21

Batan lay na kam bay lliyun meꞌ Tuhan pa jawom okoman na supaya kam buwat kaayaran san gi man bi bininsanaꞌ. Sangkon tusun bi na limpaꞌ Almasi ma bay natasan kabinsanaan kalnaꞌ kitabi.