Kolossa 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na kitabi itu ma pitsayaꞌ ni Almasi, meꞌ tabi ngingat, lay na kitabi tabeꞌ niiya pinakallum pabalik sabap lay na kitabi buwanan Tuhan kaallum bahau. Sangkon, isbat tabi na hāl sulgaꞌ man Almasi ningkōꞌ ni bihing Tuhan huwin pa kawnan.

Kolossa 3:1 ပူးပေါင်းရင်းမြစ်များ

Matiyu 22:44

‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Matiyu 26:64

Iya tampung si Isa niiya, “Meꞌ halling sambat nu na du bilay siꞌ. Maka baan ta kam banahan, luu du sina masa ni sinōng, takita bi Anak Manusiyaꞌ ningkōꞌ huwin pa kawnan man Tuhan Sangat Kawasa. Maka bbos-bbos takita bi du sina ya takka man sulgaꞌ taꞌ tayiꞌ baliyu.”

Matiyu 6:20

Arapun buwat kam kaayaran ma nulut ni kahandak Tuhan. Meꞌ looy ilay sibuꞌ du kam ka ngumpo altaꞌ ni sulgaꞌ. Boꞌ altaꞌ ni sulgaꞌ ina, mastiꞌ yaꞌ tapakaat meꞌ mananap maka yaꞌ kuhi ginahaꞌ. Boꞌ na, yaꞌ lagi tatangkaw meꞌ sugaru.

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Malkus 12:36

Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Malkus 14:62

Pag tampung si Isa, “Bana, aku na situ. Maka luu gi sina masa ni sinōng takita bi aku, Anak Manusiyaꞌ, ningkōꞌ huwin pa kawnan ni bihing Tuhan Sangat Kawasa. Maka takita bi du sina ku duwai man sulgaꞌ njawom tayiꞌ baliyu.”

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Lukas 12:33

Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 20:42

Sugaꞌ ongoy baw Sultan Daud bay ngawnan panubuꞌ na Papuꞌ na. Saꞌ ba, luu njawom Kitab Jabul ilooy ma yuk Sultan Daud mattoꞌ, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan,

Lukas 22:69

Sugaꞌ yaꞌ na situ hallom, ndooy na jaꞌ ku, yana Anak Manusiyaꞌ, ningkōꞌ ni bihing Tuhan Sangat Kawasa huwin pa kawnan na.”

Salsila siga Rasul 2:34

“Na buktiꞌ ni hāl meꞌ Almasi bay inangkat pa sulgaꞌ, luu du silay bay sinuwatan meꞌ Nabi Daud, ilooy ma yuk na, ‘Halling Tuhan ni Papuꞌ ku, “Ningkōꞌ na ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.” ’ Dari tumatandaꞌ na Nabi Daud yaꞌ bay mitsala dī na batan Papuꞌ na yana si Isa Almasi, bay inangkat pa sulgaꞌ, saꞌ ga iya.

Salsila siga Rasul 7:55

Kuwan si Esteben baw siꞌ tu, ssob na meꞌ Rū Sutsiꞌ. Dari pag hangad na pa taꞌ langit, takita na na sahayaꞌ Tuhan maka si Isa nangge ni bihing Tuhan huwin pa kawnan.

Suwat si Pol pa mman Baanan Sukuꞌ si Isa ndooy ni Rom 8:34

Maka bong luu halling mastiꞌ pinidjalaꞌ jaꞌ kitabi bbos-bbos sabapan dusa tabi, magsāꞌ sila, batan lay na bay tinanggung meꞌ si Isa dusa tabi jaman na bay nongan umu na kalnaꞌ kitabi. Kahapan, lay na du ya pinakallum pabalik sampay lay na pinatingkōꞌ ni bihing Tuhan huwin pa kawnan. Boꞌ ndooy na ya wā makuhan kitabi tabang pa Tuhan.

Suwat si Pol pa mman Baanan Sukuꞌ si Isa ndooy ni Rom 8:6

Na bong ina kita maabak meꞌ ta nganduwan napsu ta, ilooy du takoleꞌ ta katiksaan nyawa. Sugaꞌ bong ina kita makutuꞌ meꞌ ta nganduwan kahandak Rū Sutsiꞌ, ilooy ya takoleꞌ ta kasampulnaan nyawa ka kasannangan njawom atay ta.

2 Korin 4:18

Dari kitabi itu, kon tabi natas batan ilooy pinandang meꞌ tabi ma yaꞌ takita, yana hāl Tuhan. Batan siga pakaradjaan ma takita ina ntuu ni junyaꞌ, sandaꞌ-sandaꞌ jaꞌ. Boꞌ siga ilooy ma yaꞌ takita natas saumu-umu.

Epesus 4:10

Maka subay tahati tabi iya bay duwai pa junyaꞌ sampay pabeleng pa sulgaꞌ supaya tumatandaꞌ sinakup meꞌ na sikaliput alam.

Epesus 5:22

Ni hāl jama sitampu, kuwan kaam siga karandahan, subay kam lillaꞌ ni lla bi meꞌ karuha meꞌ bi maglillaꞌ ni Papuꞌ Isa.

Kolossa 2:20

Na kitabi itu sukuꞌ Almasi, meꞌ tabi ngingat, lay na kitabi tabeꞌ ni kapatoy na. Sangkon paddus na kitabi man siga aturan ma binista meꞌ kasohean subay binogbogan man da salamat. Sugaꞌ kaam baw tu, tatammu bi na baw ga mean siga aturan ma inikut meꞌ jama ma saꞌ sukuꞌ Almasi. Kuhi-kuhi jaꞌ kam mmeꞌ bong yuk da,

Kolossa 3:2

Pandangun bi na hāl ma hagaan pa Tuhan. Bong hāl junyaꞌ, san daa na.

Hibrani 1:13

Maka disu gi tandaꞌ Anak Tuhan patingkat man siga malaikat meꞌ tuu: Sila ilay, yaꞌ luu san disu bay baan Tuhan meꞌ bay halling na ni Anak na, ilooy ma yuk na, “Ningkōꞌ na ko ni bihing ku huwin pa kawnan boꞌ nnaꞌ ku mimon banta nu ni diyoꞌ pāt battis nu.”

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 10:12

Boꞌ ni panghuluꞌ imam ma asahan tabi ilay, yana si Isa Almasi, ilooy ya bay songan na yana baran na mismu sakayi labba du man muwasan dusa manusiyaꞌ. Boꞌ tasakup na na silay saumu-umu. Pag-anu, boꞌ na lay na ningkōꞌ ni bihing Tuhan huwin pa kawnan.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Hibrani 8:1

Na hantak bitsala ku ilay siꞌ, luu na panghuluꞌ imam asahan tabi ma lay na ningkōꞌ ni bihing Tuhan Sangat Kawasa huwin pa kawnan ndooy ni sulgaꞌ.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.