Kolossa 2:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

Kolossa 2:8 ပူးပေါင်းရင်းမြစ်များ

Matiyu 10:17

Iyakin kam batan luu sina mintu masa bi sinungkuban sampay binoo gi pa mman baanan kapakihan nohoꞌ hinukum. Boꞌ llagpiꞌ gi sina kam ni pag-awpan siga jamaa ni siga langga da.

Matiyu 16:6

Pag-anu, yuk si Isa ninsila, “Paayad-ayad kam. Iyakinan bi pasulig siga Parisi ka ga Saddusi.”

Matiyu 7:15

“Iyakin kam ni siga jama ma magbawuꞌ-bawuꞌ tukang masampay ga umanat man Tuhan. Ndaꞌ mata ina dambuwaꞌ mukalnaꞌ sila ka kaam. Boꞌ ko, sarī njawom atay da. Bong ina kam yaꞌ jaga, sibuꞌ du sina mintu karuha bi ka baanan bili-bili ma bay katis sinalik meꞌ idoꞌ tawun.

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 17:32

Na pag takale da bitsala si Pol hāl jama matoy pinakallum, kuwan kasohean, ngaludjum lagi. Boꞌ kasohean baw, yuk da, “Bong siꞌ luu gi dapat, doman gi kami la pakale ningkau pabalik.”

Suwat si Pol pa mman Baanan Sukuꞌ si Isa ndooy ni Rom 16:17

Siga danganakan, junjung ku na ningkaam, iyakin kam ni siga jama ma moo pagsaggaan ni baanan bi sabap meꞌ da nulang kabanahan ma bay tinōꞌ ningkaam. Ilagan bi sila

1 Korin 10:12

Sangkon, soysoy kam nnaa mista takkoꞌ banahan pangando bi pa Tuhan, paayad-ayad kam, taggahaꞌ bong yaꞌ iyakinan bi dī bi, lay du kam mintu kapabuwat dusa meꞌ karuha sila du mattoꞌ.

1 Korin 8:9

Sugaꞌ san ina kita sumunsayaꞌ na mangan oy maka oy na, subay du kita paayad-ayad taggahaꞌ ndusa siga danganakan ta ma kulang pangahati sabapan ta.

2 Korin 10:5

Maka mimon abbu, yana poonan man manusiyaꞌ yaꞌ toon Tuhan, talangkat du meꞌ siga pakakas kami. Dari mimon pamiki maat atawa yaꞌ tuwaꞌ, mastiꞌ halin kami supaya magbēꞌ ka kahandak Almasi.

Galatiya 1:14

Jaman looy ilay, tud bay ngamasag ku mogbogan jinisan taat kabboꞌ-bboan ku Yahudi. Maka tud bay ku magtuyuꞌ ngadjiꞌ. Bong inawnan siga pagkahi ku ma sibuꞌ-sibuꞌ umu ku du, tud bay meka tamban meꞌ ku.

Galatiya 4:3

Damikiyan, meꞌ naa du sina bay karuha tabi halloman yaꞌ gi bay takka Almasi. Sibuꞌ du karuha tabi ka anak-anak ma subay na pin njagahan. Batan maruhuꞌ, ilooy du katoonan tabi meꞌ mogbogan jinisan aturan ka tōꞌ siga kabboꞌ-bboan tabi.

Galatiya 4:9

Lipara batnaa katoonan bi na Tuhan sabanna. Boꞌ na, kaayaran labi man naa, batnaa iya na mismu ngahasi kaam. Sugaꞌ pag batnaa, ituu baw tu man ku jayip, meꞌ ga doman na baw kam pabeleng pa bay kahalan bi maruhuꞌ mogbogan jinisan aturan. Mingkan, yaꞌ san silay katabang ningkaam man bi kinahopan meꞌ Tuhan. Ongoy baw taggahaꞌ pabalik na baw kam buwat dī bi ata siga aturan?

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 4:20

Boꞌ ningkaam baw ina, yaꞌ luu arat-tabiat meꞌ ninsila bay takoleꞌ bi man tōꞌ pasal Almasi.

Epesus 5:6

Daa kam kuhi ndupang meꞌ jama ma māꞌ yaꞌ du maat siga kalaatan meꞌ looy siꞌ. Basta mehe baw silay laat na. Batan siga kalaatan meꞌ looy ilay yana poonan man Tuhan mōꞌ mulkaꞌ na ni mimon ma amu-amu nulang kahandak na.

Pilipi 3:2

Iyakin kam sabap luu sina nnaa kasohean mōꞌ tōꞌ palsu. Sila ina tadalil pa idoꞌ pangeket, batan tōꞌ da ina kabinasa ni jama. Baꞌ-bāꞌ da, bong kitabi yaꞌ bay inislam, yaꞌ kitabi dari sukuꞌ Tuhan.

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

Kolossa 2:20

Na kitabi itu sukuꞌ Almasi, meꞌ tabi ngingat, lay na kitabi tabeꞌ ni kapatoy na. Sangkon paddus na kitabi man siga aturan ma binista meꞌ kasohean subay binogbogan man da salamat. Sugaꞌ kaam baw tu, tatammu bi na baw ga mean siga aturan ma inikut meꞌ jama ma saꞌ sukuꞌ Almasi. Kuhi-kuhi jaꞌ kam mmeꞌ bong yuk da,

Kolossa 2:22

Siga aturan meꞌ looy ilay yana panohoan ka tōꞌ lakka man manusiyaꞌ sadjaꞌ, saꞌ ga man Tuhan. Sarī gi, lawuk ina ka inuman ma tinagga meꞌ da, sandaꞌ-sandaꞌ jaꞌ, bosbos luu, bosbos katis. Hāl meꞌ naa ina, yaꞌ luu sukuꞌ na ni kasalamatan jama.

Kolossa 2:23

Bong ndaꞌ mata, katuwaꞌ na sila mogbogan siga aturan meꞌ looy, saula-ula diyoꞌ pangatayan da. Maka meꞌ bantuk bana-bana sa sila bal-iman. Lagiꞌ na, meꞌ bantuk yaꞌ sa sila mandang hāl junyaꞌ sabap meꞌ da niksaꞌ baran da. Boꞌ ko, ni mimon taat da, yaꞌ luu san disu katabang nalloban napsu da ni kalaatan.

1 Timuti 6:20

Katapusan bitsala ku Timuti, iyakin ko supaya yaꞌ kasallukan tōꞌ ma bay halap ku ningkau ka tōꞌ palsu. Ilagan nu tōꞌ ma yaꞌ luu kapuspusan na, ma yaꞌ san luu kabigiꞌ-bigian na ni hāl ma puntukan pa Tuhan. Palawak ko man tōꞌ ma nulang ni kabanahan, ma pinagbahasa “ilmuꞌ lawom” minsan ssaꞌ.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

1 Pitel 1:18

Intomun bi doꞌ bong pooy ehe gastus man Tuhan bay maddusan kaam man arat-tabiat bi maruhuꞌ. Yaꞌ silay luu sōng na arat-tabiat bi maruhuꞌ ma bay labuꞌ pa kaam man kabboꞌ-bboan bi. Kahapan, lay na kam pinaddusan man arat-tabiat looy. Sugaꞌ saꞌ ga silay mmas atawa pilak porol ma yaꞌ natas saumu bay man maddusan kaam.

2 Pitel 3:17

Sangkon, siga kakasi ku, pagka katoonan bi na mimon bay sabbut ku siꞌ, iyakinan bi tōꞌ jama ma yaꞌ ngisbat Tuhan, taggahaꞌ lay na baw kam mintu takoleꞌ da binoo magsiꞌ sampay man bi na ngalabbahan ntan bi.

2 Yahiya 1:8

Sangkon iyakin kam mari yaꞌ senseng mimon bay hulas-sangsāꞌ kami noan kaam maka supaya takoleꞌ bi du mimon supaat ma bay hinalliꞌ meꞌ Tuhan ningkaam.