Kolossa 2:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Isu-isu Almasi kabuwanan kitabi akka lawom mari tahati tabi hāl Tuhan. Boꞌ pangahati ni hāl Tuhan ina yana ladjikiꞌ hagaan.

Kolossa 2:3 ပူးပေါင်းရင်းမြစ်များ

Matiyu 10:26

Yuk si Isa lagi, “Daa kam tawuhan siga jama ma lammis ningkaam. Batan mimon pabuwatan da ma sinipuk, luu jaꞌ sina masa bungka kalaatan da. Batan oy-oy ina bay llimbuhan, bbos-bbos tinayang du. Maka oy-oy bay sinipuk, pinalahil du ni sinōng.

Lukas 11:49

Sangkon, ni kalawom akka Tuhan, ndang luu na bay garaꞌ na mungka kalaatan bi. Yuk Tuhan maruhuꞌ, ‘Sohoꞌ ku du sina mintu kanabi-nabihan ka ga rasul pa mman bangsa Yahudi. Pag pōꞌ da ina mintu, kasohean bininsanaꞌ, kuwan kasohean sampay pinapatoy!’ ”

Suwat si Pol pa mman Baanan Sukuꞌ si Isa ndooy ni Rom 11:33

Tuhan ina, tud kahaylan-haylan kaayaran na. Yaꞌ tabista tabi ehe lawom akka na ka kapandoyan na. Tunmanūn meꞌ jama kahati siga garaꞌ na ka pabuwatan na.

1 Korin 1:24

Boꞌ ningkitabi baw tu ma lay na lliyun meꞌ Tuhan binuwat sukuꞌ na, bangsa Yahudi atawa ssaꞌ, tabista tabi na Almasi ngantanan kawasa ka kapandoyan Tuhan.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

Epesus 1:8

Aseꞌ na ina lay na hinudhuran njataꞌ tabi. Lay gi ya muwanan kitabi kapandoyan ka pangahati supaya tahati tabi garaꞌ na.

Kolossa 1:19

Batan ndang bay silay ginaraꞌ meꞌ Tuhan subay mimon arat-tabiat na ka kawasa pagkaTuhan na takita njataꞌ Anak na.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 3:3

Batan pagkajama tabi ina maruhuꞌ lay na matoy. Pag batnaa, luu na kaallum tabi bahau njawom okoman Tuhan batan tibuuk na kitabi ka Almasi.

2 Pitel 1:5

Sangkon subay pagbuli-bulihan bi meꞌ bi matabeꞌ kawul-piil ayad ni pangando bi ni Papuꞌ Isa. Maka subay du pagbuli-bulihan bi meꞌ bi koleꞌ pangahati pasal kahandak Tuhan ningkaam.

Siga Pakaradjaan bay Pinalahil 2:17

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Na soysoy ina kanaalla mmeꞌ niyaku tanne-pasuꞌ, malaingkan buwanan ku ya kinakan man sulgaꞌ inawnan manna. Maka buwanan ku ya disu batu poteꞌ man bay nuwatan awon na bahau ma yaꞌ luu toon sarī man iya ma binuwanan.”