Kolossa 2:23 - Sabahagiꞌ Kitab Tawrat: Panagnaan ni Awwal Jaman maka Kitab Injil

²³ Bong ndaꞌ mata, katuwaꞌ na sila mogbogan siga aturan meꞌ looy, saula-ula diyoꞌ pangatayan da. Maka meꞌ bantuk bana-bana sa sila bal-iman. Lagiꞌ na, meꞌ bantuk yaꞌ sa sila mandang hāl junyaꞌ sabap meꞌ da niksaꞌ baran da. Boꞌ ko, ni mimon taat da, yaꞌ luu san disu katabang nalloban napsu da ni kalaatan.

Kolossa 2:23 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 13:14

Akig tabi arat-tabiat Papuꞌ tabi si Isa Almasi. Maka paayad-ayad kitabi mari yaꞌ taduwan tabi oy-oy pamiki magnapsu ni kalaatan.

Epesus 5:29

Yaꞌ sina luu jama yaꞌ maasean baran na, gam pin umiran na lagi paayad sabap tud sēng ya. Almasi pun ina, mastiꞌ ngumiran kitabi du ma pitsayaꞌ niiya

Kolossa 2:18

Sangkon daa na kam hidjab bong luu māꞌ yaꞌ sā kasalamatan bi bong kam yaꞌ bay niksaꞌ dī bi ngikut jinisan aturan agama da. Maka daa kam mmeꞌ ni ilmuꞌ kasohean ma nohoꞌ jama numba siga malaikat. Ga jama meꞌ looy ilay tinagi nuntutan kaam kajinisan bahasa bay pinalahil meꞌ Tuhan ninsila. Mingkan, ilooy du mehe ninsila ngabbu, meꞌ ndang tabiat manusiyaꞌ ma mandang hāl junyaꞌ.

Kolossa 2:22

Siga aturan meꞌ looy ilay yana panohoan ka tōꞌ lakka man manusiyaꞌ sadjaꞌ, saꞌ ga man Tuhan. Sarī gi, lawuk ina ka inuman ma tinagga meꞌ da, sandaꞌ-sandaꞌ jaꞌ, bosbos luu, bosbos katis. Hāl meꞌ naa ina, yaꞌ luu sukuꞌ na ni kasalamatan jama.

Kolossa 2:8

Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.