Kolossa 2:20 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁰ Na kitabi itu sukuꞌ Almasi, meꞌ tabi ngingat, lay na kitabi tabeꞌ ni kapatoy na. Sangkon paddus na kitabi man siga aturan ma binista meꞌ kasohean subay binogbogan man da salamat. Sugaꞌ kaam baw tu, tatammu bi na baw ga mean siga aturan ma inikut meꞌ jama ma saꞌ sukuꞌ Almasi. Kuhi-kuhi jaꞌ kam mmeꞌ bong yuk da,

Kolossa 2:20 ပူးပေါင်းရင်းမြစ်များ

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

2 Korin 10:3

Bana du baw situ luu napsu kami meꞌ karuha mimon manusiyaꞌ. Sugaꞌ iya bean kami kahandak Tuhan, saꞌ ga napsu kami. Dari bong luu pamiki ma yaꞌ nulut ni kahandak Tuhan, wā situ lobloban kami. Dari ko ngawon, wā njawom sibonoꞌ jaꞌ situ kami ka pamiki maat.

Galatiya 4:3

Damikiyan, meꞌ naa du sina bay karuha tabi halloman yaꞌ gi bay takka Almasi. Sibuꞌ du karuha tabi ka anak-anak ma subay na pin njagahan. Batan maruhuꞌ, ilooy du katoonan tabi meꞌ mogbogan jinisan aturan ka tōꞌ siga kabboꞌ-bboan tabi.

Galatiya 6:14

Boꞌ aku tu, ilooy du pinag-abbu meꞌ ku yana kapatoy Papuꞌ tabi si Isa Almasi taꞌ tehang kalnaꞌ kitabi. Meꞌ ku ngingat, bay pagkajama ku maruhuꞌ lay na tabeꞌ ni si Isa nilansang taꞌ tehang. Pag batnaa, sarī na pagkajama ku. Sangkon lay na matoy kainagon ku ni kalaatan ma pinaabak meꞌ jama ma mandang hāl junyaꞌ. Boꞌ jama ma mandang hāl junyaꞌ ina, yaꞌ du luu kainagon da ni siga pakaradjaan ma hagaan niyaku.

Kolossa 2:14

Ni sabana na, kitabi itu sikamimon bay jaꞌ du pingkaꞌ buwat jinisan dusa. Dari ko ngawon, tahaꞌ na bay listahan dusa tabi ngalangga siga saraꞌ Tuhan. Lipara, lay na bay pawman Tuhan. Batan lay na tanggung Almasi dusa tabi jaman na bay nilansang taꞌ tehang.

Kolossa 2:16

Sangkon, pagka kam tibuuk na ka Almasi, daa na parulihun bi bong luu manding kaam pa kalaatan sukat kam yaꞌ mmeꞌ ni siga aturan agama da pasal lawuk atawa inuman. Maka daa parulihun bi bong kam sinahawi sukat kam yaꞌ mogbogan siga paballangan ma tinaat meꞌ agama da atawa siga llaw mulliya meꞌ sapantun sahali buwan ka Llaw Pahali.

Kolossa 2:21

“Daa ntanan bi ituu. Daa kakanun bi inaa. Daa sagirun bi ilooy.”

Kolossa 2:8

Iyakin kam taggahaꞌ takawum na baw kam meꞌ jama ma mōꞌ tōꞌ palsu. Batan luu sina jinisan ilmuꞌ pinōꞌ ma mahap pinakale, sugaꞌ yaꞌ luu kapuspusan na. Luu ina mōꞌ tōꞌ lakka man arat kabboꞌ-bboan da, bong saꞌ tōꞌ lakka man jinisan aturan pinabuwat-buwat meꞌ manusiyaꞌ. Tōꞌ da ina saꞌ lakka man Almasi.

Kolossa 3:3

Batan pagkajama tabi ina maruhuꞌ lay na matoy. Pag batnaa, luu na kaallum tabi bahau njawom okoman Tuhan batan tibuuk na kitabi ka Almasi.

Hibrani 13:9

Sangkon, daa na kam kuhi binoo magsiꞌ ka jinisan tōꞌ ma yaꞌ sikatuwaꞌ ka kabanahan bay hasi bi. Kasohean ina nōꞌ luu lawuk haram. Tōꞌ meꞌ looy ilay yaꞌ du luu paluntungan na ninsila ma mogbog. Batan hāl makanan ina yaꞌ du kasambu ni nyawa tabi. Arapun iya kasambu yana aseꞌ-tabang Tuhan ningkitabi.

Yaꞌkub 4:4

Bong ina pakaradjaan meꞌ naa paabak bi, yaꞌ kam magkanaalla pa Tuhan. Ilooy ya meꞌ punu njawom atay bi hāl junyaꞌ. Bong yaꞌ katoonan bi, tiyap-tiyap ina pakaradjaan junyaꞌ inisbat meꞌ bi, malaingkan nikutan kam Tuhan maka sibuꞌ du kam ka manta iya.

1 Yahiya 5:19

Maka katoonan tabi du san mimon manusiyaꞌ ma yaꞌ pitsayaꞌ ni si Isa lay na takawum leꞌ Ibilis, bong kitabi, niyaꞌ na, batan sukuꞌ Tuhan na kitabi.