Kolossa 2:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Almasi ina magbayaꞌ ni mimon ma ngantanan kawasa-kapatut sampay siga seytan ka malaikat. Sangkon kaam ina, langkap-samat na kam sabap tibuuk na kam ka iya.

Kolossa 2:10 ပူးပေါင်းရင်းမြစ်များ

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Yahiya 1:16

Na sabap biddaꞌ na ehe aseꞌ Anak Tuhan, tinggi-maninggi na supaat bay takoleꞌ tabi sikamimon ma pitsayaꞌ niiya.

1 Korin 15:24

Pus meꞌ looy, pina-ntan na meꞌ Almasi pamarinta na pa mman Mmaꞌ na Tuhan. Sugaꞌ subay lay doꞌ duhuꞌ katis talloban Almasi mimon banta na, yana mimon kawasa-kapatut ka ga panghuluꞌ ma naggaꞌ pamarinta na.

Epesus 3:10

Maksud Tuhan ina, njataꞌ kawul-piil sagannap ma pitsayaꞌ ni Almasi, pakitahan na mimon malaikat ka siga seytan bong pooy lawom akka na ka pangahati na majatu garaꞌ na.

Epesus 3:19

Kamura-murahan pasampun boꞌ pasampun na pin pangahati bi ni aseꞌ na supaya taakig bi na ngabut sampay sumibuꞌ na arat-tabiat bi ka Tuhan.

Kolossa 2:15

Boꞌ na, man sabapan kapatoy na taꞌ tehang, lay na lappiꞌ meꞌ Tuhan Ibilis ka ga pagkahi na siga seytan ma ngantanan kawasa-kapatut. Dari ko ngawon, lay na sila hinaꞌ meꞌ Tuhan ni awpan sikamimon man sabapan toklas kapatoy Almasi.

Kolossa 3:11

Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.