Kolossa 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 1:9 ပူးပေါင်းရင်းမြစ်များ

Yahiya 7:17

Soysoy ina doman mean kahandak Tuhan, malaingkan tasilang na jaꞌ bong tōꞌ ku tud lakka man Tuhan atawa lakka man dī ku sadjaꞌ.

Salsila siga Rasul 12:5

Kuwan siga sukuꞌ si Isa baw siꞌ tu, pag taaka da si Pitel lay njīl, buwatan da sigi-sigi makuhan iya duwaa pa Tuhan.

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

1 Korin 1:5

Man sabapan pagkatibuuk bi ka Almasi, lay na kam kaladjikian jinisan supaat. Sangkon luu na pangahati bi ni kabanahan. Maka pandoy na kam mahatiyan jama palman Tuhan,

Epesus 1:8

Aseꞌ na ina lay na hinudhuran njataꞌ tabi. Lay gi ya muwanan kitabi kapandoyan ka pangahati supaya tahati tabi garaꞌ na.

Epesus 5:10

Sangkon, wā paliksaun bi niyat atay bi bong sikatuwaꞌ ka kahandak Papuꞌ atawa niyaꞌ. Bong ina tud ayad du niyat atay bi, mastiꞌ kasulutan jaꞌ sina Papuꞌ ni tangge-tingkōꞌ bi.

Epesus 5:17

Sangkon, daa papondokun bi pamiki bi, arapun hatiyun bi bana bong oy kahandak Papuꞌ Isa ningkaam, boꞌ pabuwatun bi.

Epesus 6:6

Daa subay na pin ni awpan papuꞌ bi boꞌ bi buwat paayad. Arapun takita kam atawa niyaꞌ, subay kam magkanaalla buwat. Ingatun bi dī bi ata Almasi tiggo buwat kahandak Tuhan.

Pilipi 1:4

Maka tuktuk kam pakuhan ku duwaa, tud mehe meꞌ ku gāk.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

Kolossa 4:5

Na bila kam maglaw-lamud ka jama ma yaꞌ pitsayaꞌ ni Papuꞌ Isa, amay-amay buwat kam suntuan ayad. Bong luu dapat bi, pahampitan bi sila kabanahan pasal si Isa Almasi padpad luu gi waktu.

1 Tesaloneka 5:17

Wā tiggohan bi maku duwaa pa Tuhan.

2 Tesaloneka 1:11

Dari wā situ kami makuhan kaam duwaa. Pakuhan kami kam tabang man Tuhan supaya wā nulut ni kahandak na kawul-piil bi. Meꞌ looy ilay, initung na kam meꞌ Tuhan tawop bay lliyun meꞌ na pa jawom pamarinta na. Kamura-murahan man kawasa Tuhan njataꞌ bi, tapajatu bi na mimon kaayaran ma karomanan bi pinabuwat man sabapan pangando bi ni si Isa Almasi.

Pilimun 1:4

Tuktuk ku itu makuhan kau duwaa Pilimun, wā ku muwan pagsukuhan pa Tuhan sabapan nu.

Pilimun 1:6

Maku na pin situ ku duwaa pa Tuhan, kamura-murahan man sabapan nu masampayan jama kabanahan, yaꞌ hallom tahati da na du mimon supaat ma bay takoleꞌ tabi sabapan pagkatibuuk tabi ka Almasi.

Hibrani 10:36

Subay kam natas njawom kabinsanaan supaya tapabuwat bi kahandak Tuhan sampay pa katapusan. Meꞌ looy ilay, takoleꞌ bi na sina mintu mimon ma bay njanjiꞌ meꞌ Tuhan ni sukuꞌ na.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Yaꞌkub 1:5

Bong luu ni baanan bi kulang pangahati, maku jaꞌ kam pa Tuhan. Kabuwanan jaꞌ sina kam batan Tuhan ina gāk nabangan mimon jama ma maku niiya. Boꞌ yaꞌ sina luu loog-loog atay na bong kitabi maku.

Yaꞌkub 3:17

Boꞌ jama ma luu pangahati da lawom man Tuhan, duhuꞌ-duhuꞌ, sutsiꞌ kawul-piil da. Pasunuꞌ, tiggo sila ngulihal kasalassayan. Boꞌ na, gampang gi sila ni parasahan jama. Kuhi sila tinoan. Basag sila manimbang ni jama maka mōꞌ sila jinisan kaayaran. Yaꞌ sila minig jama maka arat-tabiat da wā magbēꞌ ka kabanahan ma kinapitsayaan meꞌ da.

1 Pitel 2:15

Kainagon Tuhan ina, sabapan kaayaran bi, tapampan bi na behe jama ma kulang akka mitsala kaam pa kalaatan ni kaawam da.

1 Pitel 4:2

Honaꞌ-honaꞌ na, ddong na ya nganduwan napsu na ma maat. Ilooy sa karomanan na sinulut yana kahandak Tuhan halloman na masi llum.

1 Yahiya 2:17

Lagiꞌ na, mimon ma kinanapsuhan meꞌ manusiyaꞌ ntuu ni junyaꞌ sampay junyaꞌ tuu na mismu, lungay jaꞌ du bbos-bbos. Sugaꞌ sagannap ma buwat kahandak Tuhan, mastiꞌ sampulnaꞌ jaꞌ nyawa da saumu-umu.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.