Kolossa 1:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Sangkon man kawasa Almasi nganggaosan aku, magtuyuꞌ-tuyuꞌ ku majatu pabuwatan ma bay sinukuꞌ niyaku.

Kolossa 1:29 ပူးပေါင်းရင်းမြစ်များ

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

Suwat si Pol pa mman Baanan Sukuꞌ si Isa ndooy ni Rom 15:20

Man maruhuꞌ lagi ndang lay na situ ku paruhuꞌ masaplag pasal Almasi ni kalahat-lahatan ma yaꞌ gi bay pingkaꞌ kale awon na. Bong siꞌ ibaratan matangge lumaꞌ, ndang yaꞌ ku bay doman matangge lumaꞌ ni tanaꞌ ma ndang luu na tehang bay pinatangge meꞌ jama sarī.

Suwat si Pol pa mman Baanan Sukuꞌ si Isa ndooy ni Rom 15:30

Siga danganakan, pagka kitabi njawman sakup Papuꞌ tabi si Isa Almasi, maka pagka kitabi sikaaseꞌ-kaaseꞌ sabapan pabuwatan Rū Sutsiꞌ njawom atay tabi, junjung ku na ningkaam, limbangan bi sa ku maku duwaa pa Tuhan.

1 Korin 12:11

Mimon siga ladjikiꞌ tuu siꞌ, saliꞌ-saliꞌ disu du poonan da, yana Rū Sutsiꞌ ma muwanan kitabi kaniya-kaniya ka gantaan na.

1 Korin 12:6

Maka kajinisan jalan man tabi nabangan pagkahi tabi manusiyaꞌ, sugaꞌ disu du nganggaosan kitabi sikamimon, yana Tuhan.

1 Korin 15:10

Sugaꞌ san meꞌ looy, lay gi ku dari rasul man sabapan aseꞌ Tuhan niyaku. Boꞌ aseꞌ na ina yaꞌ du bay pasensengan ku sabap labi gi tuyuꞌ ku maghulas-sangsāꞌ kalnaꞌ si Isa man mimon pagkahi ku rasul na. Sugaꞌ saꞌ du baw silay ni kabasag gaos ku, arapun man gaos Tuhan ni jataꞌ ku.

2 Korin 11:23

Bong yuk da sosohoan Almasi sila, labi na aku. Na bong siꞌ itu yaꞌ talpaksaꞌ, subay ga ku jama yaꞌ luu honaꞌ-honaꞌ na magpabantug meꞌ tuu. Para na pin, bana du bitsala ku. Pooy-pooy jaꞌ ina meꞌ guru bi bay maghulas-sangsāꞌ kalnaꞌ Almasi, basta yaꞌ baw ina sila lumabi man aku. San du sila min dangoy bay tajīl kalnaꞌ iya, basta yaꞌ baw sina lumabi man niyaku. Maka bong ni hāl lagpiꞌ, basta min meka gi niyaku. Kansang gi ku nontongan kapatoy ku.

2 Korin 13:3

Ndang-ndang doman du kam ngita buktiꞌ aku rasul Almasi mitsala ningkaam. Ma yaꞌ kuhi nawbat, pakissahan ku na sina mintu kawasa Almasi njataꞌ ku. Daa kam ngaholat lammaꞌ kawasa na mainsapan kaam.

2 Korin 5:9

Dari sabagay lay na kitabi ngambanan baran tuu atawa niyaꞌ, pakutuꞌ tabi na jaꞌ meꞌ tabi nulut kahandak Almasi.

2 Korin 6:5

Tamūd llagpiꞌ kami sampay njīl. Tamūd llān kami meꞌ siga baanan jama hiluhalaꞌ nguntra kami. Sarī gi, daran yaꞌ luu kahali kami hangat kami maghulas-sangsāꞌ masampay umanat mahap. Tamūd natas na jaꞌ kami yaꞌ tuli timpus dambahangi sampay naggaan lingantu.

Epesus 1:19

Maka pakuhan ta du kam pangahati supaya katoonan bi na bong pooy ehe kawasa Tuhan para ningkitabi ma pitsayaꞌ niiya. Kawasa na ilay,

Epesus 3:20

Pudji tabi Tuhan batan biddaꞌ na situ ehe kawasa na ni kaallum tabi. Ni kaehe kawasa na, takaya na nganduwan san labi gi man oy-oy paku tabi atawa oy-oy tapiki tabi.

Epesus 3:7

Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 1:30

Sangkon na ina, kabinsanaan ma bay tasakup bi njataꞌ ku maruhuꞌ sampay ilooy ma bahau jaꞌ bay taaka bi, daa kam jayip bila mintu lay na baw labuꞌ pa jataꞌ bi.

Pilipi 2:13

Yaꞌ sina luu danan na saꞌ takaya bi batan luu na pin Tuhan muwanan kaam dawom ka gaos buwat mimon ma kasulut niiya.

Pilipi 2:16

Labi na bong pasampay bi lagi umanat ma kabuwan kaallum bahau ninsila. Dari pag ina mintu taabut llaw Almasi pabeleng, tud mehe na meꞌ ku gāk, batan kaam na sina buktiꞌ yaꞌ bay lopas hulas-sangsāꞌ ku noan jama kabanahan.

Kolossa 2:1

Siga danganakan, karomanan ku tasayu bi na bong pooy basag ku magtuyuan kaam ka sila ndooy ni Leyodisiya, sampay mimon ilooy kasohean sukuꞌ si Isa ma yaꞌ gi bay pingkaꞌ sitammu ka aku.

Kolossa 2:12

Batan takdang bi ilay bay llobloban pinandi, meꞌ bi ngingat, lay na kam tabeꞌ ni Almasi kinubu. Pag tunga bi man jawom boheꞌ, damikiyan, meꞌ bi ngingat, lay na du kam tabeꞌ ni Almasi pinakallum pabalik. Dari sabap meꞌ bi pitsayaꞌ Tuhan bay makallum Almasi pabalik, kaam pun ina lay na du bay binuwanan kaallum bahau.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Tesaloneka 2:9

Siga danganakan, tamasa bi na du silay bay jaman kami masaplag umanat mahap man Tuhan ni daira bi, yaꞌ du bay man bi tiksaꞌ. Batan sangom-llaw na kami bay magtuyuꞌ ngusahān dī kami bong pin yaꞌ jaꞌ kam paya malanjaan kami.

2 Tesaloneka 3:8

Man kami bay magbalanjaꞌ, yaꞌ kami bay pingkaꞌ mangasa ni hulas-sangsāꞌ jama. Sangom-llaw na kami bay magtuyuꞌ buwat bong pin yaꞌ jaꞌ kam paya malanjaan kami.

2 Timuti 2:10

Umanat Tuhan ilay siꞌ kaboo kasalamatan ni soysoy pitsayaꞌ. Sangkon atas ku na natasan oy-oy jaꞌ kamalasahiyan kalnaꞌ sagannap ma bay pineneꞌ meꞌ Tuhan. Kainagon ku koleꞌ jaꞌ sila kasalamatan njataꞌ si Isa Almasi sampay tumabeꞌ ni kabantugan na saumu-umu.

Hibrani 12:4

San ina kam malasahi hangat naggaꞌ kalaatan, masi du yaꞌ luu pangabut-ngabut bi ni bay kamalasahiyan si Isa. Intong na, kamalasahiyan bi yaꞌ du man lahaꞌ bi tumpa.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

Siga Pakaradjaan bay Pinalahil 2:3

Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.