Kolossa 1:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 1:28 ပူးပေါင်းရင်းမြစ်များ

Matiyu 28:20

Pabadjahun bi na sila mmeꞌ ni mimon bay panohoan ku ningkaam. Intomun bi, luu na pin sina ku ngunungan kaam ngabut sampay llaw dambuli.”

Matiyu 3:7

Maka meka du kapakihan bay pilay man ga palhimpunan Parisi ka Saddusi maimanan si Yahiya mandi jama. Pag takita sila meꞌ si Yahiya, yuk na ninsila, “Kaam bina, subay ga kam baanan sō latsunan! Ongoy subay na pin kam mahusaan dī bi pitu? Bong yaꞌ du tawbatan bi dusa bi, daa kam mista tailagan bi mulkaꞌ Tuhan ma takka bbos-bbos.

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Malkus 6:34

Pag duwai ga si Isa man taꞌ kumpit, pag ndaꞌ na, ndang sakiyan na jama ngagad iya. Iya siꞌ tu kapaluuy na ninsila sabap subay ga sila baanan bili-bili ma yaꞌ luu tukang ngipat sila. Dari ilooy ma nagnaꞌ na baw ya noan sila kajinisan.

Lukas 21:15

Aku sa muwanan kaam kapandoyan ka bitsala ayad man bi nampung. Dari sagannap ma nulang kaam, yaꞌ na luu dapat da tumanjataꞌ atawa māꞌ magsāꞌ kam.

Salsila siga Rasul 10:36

“Batnaa pasampay ku na ningkaam umanat mahap ma lay na palahil Tuhan duhuꞌ ningkami bangsa Israil. Meꞌ tuu: Luu na situ jalan man manusiyaꞌ mahap na pa Tuhan man sabapan pabuwatan si Isa Almasi, yana Papuꞌ manusiyaꞌ sikamimon.

Salsila siga Rasul 11:20

Sarī man sila, luu du kasohean sukuꞌ si Isa man Kiprus maka man daira Sayrin lay du pilay pa Antiyok. Sugaꞌ kuwan ninsila, pag taabut da masaplag umanat mahap pasal Papuꞌ Isa, lay na du lapis da sampay siga bangsa saꞌ Yahudi.

Salsila siga Rasul 13:38

“Sangkon siga mbuwaꞌ danganakan,” yuk si Pol, “subay tahati bi, luu na situ kaampunan man Tuhan ningkaam sabap lay na tinanggung meꞌ si Isa mimon dusa tabi. Dari soysoy ina pitsayaꞌ niiya initung na meꞌ Tuhan intong maka puwas na dusa na. Maka subay tahati bi san ina pooy meꞌ bi magtuyuꞌ mogbogan saraꞌ Nabi Musa, yaꞌ du kapuwas ni dusa bi.

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 17:3

Lay ya makitahan sila siga tunaꞌ njawom kitab man na mahatiyan sila subay Almasi lumingkaꞌ doꞌ duhuꞌ njawom kabinsanaan sampay matoy, boꞌ na pinakallum. Pag-anu, yuk si Pol ninsila, “Na si Isa ilay ma bay awnan ku nsiniꞌ, yana Almasi na silay.”

Salsila siga Rasul 20:31

Sangkon, amay-amay iyakin kam. Daa takupan bi bay tōꞌ ku ningkaam. Njawom tallun taun, llaw-sangom yaꞌ na bay luu hantiꞌ ku noan kaam kabanahan saliꞌ-saliꞌ. Sampay lay na ga latak boheꞌ mata ku ni kabasag luuy ku ningkaam.

Salsila siga Rasul 3:20

Meꞌ looy ilay, koleꞌ gi kam kasannangan njawom atay bi sabapan pagkatibuuk bi ka Tuhan. Lagiꞌ na, papitu Tuhan du sina mintu si Isa pa mman bi, yana Almasi ma ndang bay pineneꞌ binuwat tukang nalamat kaam.

Salsila siga Rasul 5:42

Dari siꞌ llaw pa dangallaw yaꞌ du sila bay patagong nōꞌ ka masaplag umanat mahap pasal si Isa Almasi ndooy ni langga mehe sampay padisu-padisu lumaꞌ.

Salsila siga Rasul 8:35

Pag bāꞌ si Pilip niiya, ilooy ilay siꞌ bay awnan na yana si Isa. Dari nagnaꞌ mandooy na siꞌ, lay gi si Pilip masampay umanat mahap pasal si Isa niiya.

Salsila siga Rasul 8:5

Disu ninsila, yana si Pilip, lay tumiluꞌ pilay pa disu daira ni Samariya. Ndooy siꞌ, lay du ya masaplag pasal Almasi.

Salsila siga Rasul 9:20

Ndooy siꞌ, magti du ya ngalataan siga langga bangsa Yahudi ndooy maan sila tud mattan du si Isa yana Anak Tuhan.

Suwat si Pol pa mman Baanan Sukuꞌ si Isa ndooy ni Rom 16:25

Na katapusan bitsala ku, pudji tabi Tuhan. Iya ina nganggaosan kaam mari kam yaꞌ usik man umanat ma bay tinōꞌ ningkaam. Umanat ma awnan ku yana umanat mahap pasal si Isa Almasi ma pinasaplag meꞌ ku. Umanat mahap itu, ndang luu na njawom siga suwat kanabi-nabihan, sat na jaꞌ yaꞌ gi bay tumampak kamaatunan na.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

1 Korin 1:30

Kahapan man kahandak Tuhan, tibuuk na kitabi ka si Isa Almasi, yana poonan man tabi koleꞌ kapandoyan man Tuhan. Lagiꞌ na, sabapan si Isa Almasi, lay na kitabi initung meꞌ Tuhan intong sampay lay na kitabi dari sukuꞌ Tuhan. Maka sabapan si Isa, lay na kitabi pinaddusan man hukuman ni mimon dusa tabi.

1 Korin 12:8

Kasohean kitabi kaladjikian meꞌ Rū Sutsiꞌ mōꞌ pangahati lawom. Kuwan kasohean, kaladjikian maan jama hāl ma isu-isu Tuhan toon.

1 Korin 15:12

Na jaman kami bay masaplag umanat mahap pasal Almasi ningkaam, saꞌ ba, bay halling kami, pus Papuꞌ Isa bay pinapatoy, lay na ya pinakallum pabalik? Pagka meꞌ looy, ongoy baw taggahaꞌ luu gi kasohean kam nnaa māꞌ yaꞌ luu masa jama ma lay na matoy pinakallum pabalik?

1 Korin 2:15

Boꞌ kitabi itu ma luu na Rū Sutsiꞌ njawom atay tabi, mastiꞌ tahati tabi jaꞌ mimon ma pinalahil meꞌ Rū Sutsiꞌ ningkitabi. Salla na, yaꞌ kitabi tahati meꞌ sagannap ma yaꞌ luu Rū Sutsiꞌ ninsila.

1 Korin 2:6

Na kami tu, saꞌ baw ga yaꞌ na kami mōꞌ tōꞌ lawom. Batan tuktuk kami noan sagannap ma taggu iman da, mastiꞌ mōꞌ du kami. Sugaꞌ tōꞌ lawom ma pinasampay meꞌ kami saꞌ ga tōꞌ ma hagaan ni jama ma yaꞌ pitsayaꞌ ni si Isa. Maka saꞌ du tōꞌ ma hagaan ni siga pa-mmean ni junyaꞌ ma yaꞌ ngisbat Tuhan, yana sagannap ma yaꞌ luu kasongan da.

1 Korin 4:14

Na aku lay siꞌ bay nuwat meꞌ looy, yaꞌ du silay ga man ku makiyaꞌ kaam, arapun man ku jaꞌ maintong kaam, batan sibuꞌ na kam ka anak ku, yana kakasi ku.

2 Korin 10:14

Bong siꞌ ilay kami yaꞌ bay nakka lahat bi masaplag umanat mahap pasal Almasi, boꞌ kami mangaku lai, malaingkan taawnan kami kalanduꞌ magpabantug.

2 Korin 11:2

Aku itu, meꞌ Tuhan na du sēng ningkaam. Batan meꞌ ku ka kaam, sibuꞌ du kam ka budjang bay pinagsitunang meꞌ ku ka disu lalla, yana Almasi. Sangkon subay kam jagahan ku paayad.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Epesus 3:8

Sabana na, ni mimon sukuꞌ Tuhan, aku ya labi yaꞌ tawop inawnan sukuꞌ na. Lipara, lay gi baw ku tapeneꞌ nohoꞌ masaplag ni siga bangsa saꞌ Yahudi pasal siga supaat mehe saꞌ taangan-angan ma takoleꞌ da bong sila tibuuk na ka Almasi.

Epesus 5:27

Kon na nongan umu na supaya tahasi na kitabi bilang pangantin ma danda lingkatan saꞌ na tapandang, ma sutsiꞌ sampay yaꞌ luu salla na atawa tamak na.

Kolossa 1:22

Lipara, luu na Anak na bay dari manusiyaꞌ, boꞌ na nongan umu na kalnaꞌ kaam supaya kam mahap na pa Tuhan. Pag batnaa, sabapan Anak na, sutsiꞌ na kam. Yaꞌ na luu sutsutan njataꞌ bi ni mata Tuhan,

Kolossa 2:10

Almasi ina magbayaꞌ ni mimon ma ngantanan kawasa-kapatut sampay siga seytan ka malaikat. Sangkon kaam ina, langkap-samat na kam sabap tibuuk na kam ka iya.

Kolossa 2:3

Isu-isu Almasi kabuwanan kitabi akka lawom mari tahati tabi hāl Tuhan. Boꞌ pangahati ni hāl Tuhan ina yana ladjikiꞌ hagaan.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

Hibrani 10:14

Dari siꞌ, man sabapan Almasi bay nongan umu na sakayi labba du, puwas na dusa sagannap ma sinutsiꞌ meꞌ na. Boꞌ tasakup na na sina saumu-umu.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

2 Pitel 3:15

Ingatun bi, tud tahaꞌ pasensiya Papuꞌ tabi. Llantan meꞌ na katakka na sabap muwanan na pin ya manusiyaꞌ dapat man da nawbat, boꞌ da salamat. Na siga pakaradjaan tuu itu siꞌ, lay na du bay sinabbut meꞌ danganakan tabi si Pol njawom suwat na ningkaam. Iya bay nuwatan kam man sabapan pangahati bay dean Tuhan niiya.