Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Kolossa 1:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

27 Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.

အခန်းကိုကြည့်ပါ။ ကော်ပီ




Kolossa 1:27
39 ပူးပေါင်းရင်းမြစ်များ  

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.


Pag takka na ina, yaꞌ luu jama halling, ‘Atu na ntuu!’ atawa ‘Alay na ndooy!’ Batan pamarinta Tuhan ina, man na patannaꞌ, njawom atay jama.”


Awnan ku ilay siꞌ yana Rū Sutsiꞌ, tukang malahil kabanahan. Sugaꞌ kuwan sagannap ma yaꞌ pitsayaꞌ niyaku, yaꞌ sina sila ngahasi Rū Sutsiꞌ sabap yaꞌ sila ngita atawa kakila iya. Boꞌ kaam ina, takila bi ya sabap luu na pin ya ngunungan kaam sampay patattog na sina ya mintu njawom atay bi.


Ni waktu looy ilay mintu, bohoꞌ tabistu bi na kami ka Mmaꞌ ku tibuuk, maka kaam pun ka aku tibuuk du.


Pag tampung si Isa, “Bong jama maaseꞌ niyaku, bean na jaꞌ sina bitsala ku. Jama meꞌ looy ilay kinaasean meꞌ Mmaꞌ ku. Dari patiluꞌ sina kami ka Mmaꞌ ku pa mman na, boꞌ kami patannaꞌ njawom atay na.


Lay na ku malahil arat-tabiat nu ninsila. Boꞌ darahan ku na pin situ supaya aseꞌ da ni pagkahi da meꞌ aseꞌ nu du niyaku, maka supaya luu na pin ku njawom atay da.”


Soysoy mangan isi ku sampay nginum lahaꞌ ku, malaingkan tibuuk ka aku.


Tuhan ina, tud kahaylan-haylan kaayaran na. Yaꞌ tabista tabi ehe lawom akka na ka kapandoyan na. Tunmanūn meꞌ jama kahati siga garaꞌ na ka pabuwatan na.


Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.


Lagiꞌ na, sabapan si Isa Almasi maka pangando tabi niiya, tattap na sina kitabi koleꞌ aseꞌ ka tabang man Tuhan. Boꞌ tud gāk sina kitabi batan luu na holat tabi tumabeꞌ ni ehe kabantugan Tuhan.


Sugaꞌ bong ina luu na Almasi patannaꞌ njawom atay bi, malaingkan baran bi ma bay pakoy bi man buwat dusa, meꞌ bi ngingat, lay na matoy. Maka luu na Rū Sutsiꞌ nampulnaꞌ nyawa bi sabap lay na kam initung meꞌ Tuhan intong.


Bong hati ya natasan kalaatan jama, maksud na makitahan sila bong pooy ehe kaayaran na ni sagannap ma tinimbangan meꞌ na, yana sagannap ma bay peneꞌ na hampit ni kabantugan na.


Na kaam, sukuꞌ si Isa, subay katoonan bi kaam lumaꞌ Tuhan batan luu na Rū na maglumaꞌ njawom atay bi.


Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.


Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.


Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.


Lagiꞌ na, yana meꞌ lumaꞌ Tuhan yaꞌ dari llamuran siga tuhan-tuhan, damikiyan kitabi pun, yaꞌ du dari mmeꞌ meꞌ uwahan jama ma yaꞌ pitsayaꞌ ni si Isa. Batan kitabi na situ binilang lumaꞌ Tuhan sabap Tuhan sabanna ma llum saumu-umu patannaꞌ njawom baran tabi. Meꞌ halling sambat palman Tuhan njawom kitab, yuk na, “Patannaꞌ na sina ku mintu njawom baran da maka luu na pin ku ngunungan sila. Aku na sina mintu Tuhan da maka sukuꞌ ku na sila.” Maka lay gi magpalman Tuhan, yuk na,


Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.


Siga anak, halloman ku ilay bay ngagad kaam pitsayaꞌ ni Almasi, tud bay gampang ku ningkaam. Sibuꞌ du parasahan ku ka danda magkamaddi-maddi ngagad anak na pōꞌ. Pag batnaa, meꞌ ga pabalik na baw gampang ku ningkaam, batan kahalloman ku la ngagad kawul-piil Almasi tumatandaꞌ ni jataꞌ bi.


Sabapan lahaꞌ Almasi bay tumpa, ilooy na silay bay maddusan kitabi man pidjalaꞌ ni dusa tabi. Sangkon luu na kaampunan ningkitabi tandaꞌ landuꞌ ehe aseꞌ Tuhan ningkitabi.


Dari meꞌ kaam ina tibuuk na du ka Almasi, lay na du kam nilangkit ni lumaꞌ looy man Rū Tuhan patannaꞌ.


Na Tuhan ma ngayaran aku, mastiꞌ ngayaran kaam du sina. Meꞌ iya ina dapu mimon-mimon sampay yaꞌ na kuhi katis altaꞌ na, mastiꞌ buwanan na jaꞌ sina kam mimon ma gunahan ningkaam man sabapan pagkatibuuk bi ka si Isa Almasi.


Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.


Isu-isu Almasi kabuwanan kitabi akka lawom mari tahati tabi hāl Tuhan. Boꞌ pangahati ni hāl Tuhan ina yana ladjikiꞌ hagaan.


Dari pagka tibuuk na kitabi ka Almasi saliꞌ-saliꞌ, yaꞌ na situ kitabi minig jama. Yaꞌ na kitabi magsibiddaꞌ bong jama bangsa Yahudi atawa ssaꞌ, bong jama bay inislam atawa niyaꞌ, iskulan atawa niyaꞌ, bong ata atawa ssaꞌ. Isu-isu Almasi pandang tabi. Boꞌ iya ina luu na patannaꞌ njawom atay tabi sikamimon ma pitsayaꞌ niiya.


Ituu itu aku, yana si Pol, disu rasul si Isa Almasi man panohoan Tuhan, yana poonan kasalamatan tabi maka man panohoan si Isa Almasi, yana pag-asa tabi.


Holat tabi ina meꞌ karuha bahudjiꞌ ngagot ni tanaꞌ diyoꞌ mari kitabi yaꞌ usik man okoman Tuhan. Kon luu holat tabi batan luu na pag-asa tabi, yana si Isa Almasi. Iya ilay panghuluꞌ imam tabi. Boꞌ pagkaimam na ina sibuꞌ karuha na ka ni si Melkisedek, yaꞌ luu katapusan na. Si Isa ilay lay na duhuꞌ man kitabi paasok pa jawom Lugar Pinakasutsiꞌ ni pag-awpan Tuhan mari kitabi mahap na pa Tuhan. Sangkon yaꞌ na kitabi alang-kapalang paawop pa Tuhan.


Boꞌ kaam ina, siga anak, sukuꞌ Tuhan na kam. Lay na sina kam tumanjataꞌ man siga guru palsu batan yaꞌ kam bay takoleꞌ pinagsian. Kon meꞌ looy sabap mas mehe gi kawasa Rū Tuhan ningkaam man kawasa Ibilis ma magbayaan siga jama ma saꞌ sukuꞌ Tuhan.


“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ