Kolossa 1:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Lipara, luu na Anak na bay dari manusiyaꞌ, boꞌ na nongan umu na kalnaꞌ kaam supaya kam mahap na pa Tuhan. Pag batnaa, sabapan Anak na, sutsiꞌ na kam. Yaꞌ na luu sutsutan njataꞌ bi ni mata Tuhan,

Kolossa 1:22 ပူးပေါင်းရင်းမြစ်များ

Lukas 1:75

maka supaya kitabi sutsiꞌ ka intong ni awpan na halloman tabi llum.”

Suwat si Pol pa mman Baanan Sukuꞌ si Isa ndooy ni Rom 7:4

Na siga danganakan, meꞌ naa du sina karuha tabi batnaa. Sibuwa, njawman sakup saraꞌ kitabi. Sugaꞌ batnaa, paddus na kitabi, batan meꞌ tabi ngingat, lay na kitabi tabeꞌ ni kapatoy Almasi taꞌ tehang. Dari pagka lay na kitabi tabeꞌ ni kapatoy na, sibuꞌ na du karuha tabi ka danda ma sumunsayaꞌ halin pa sakup sarī. Pag batnaa, luu na kitabi njawman sakup Papuꞌ tabi ma bay pinakallum pabalik. Kon meꞌ looy supaya kitabi kaboo kabantugan pa Tuhan. Kitabi itu sibuwa, yaꞌ luu kapansahaliyan tabi pa Tuhan. Ibaratan poon kayu, sibuwa yaꞌ kitabi bay buwaꞌ, pag batnaa bohoꞌ kitabi buwaan.

2 Korin 11:2

Aku itu, meꞌ Tuhan na du sēng ningkaam. Batan meꞌ ku ka kaam, sibuꞌ du kam ka budjang bay pinagsitunang meꞌ ku ka disu lalla, yana Almasi. Sangkon subay kam jagahan ku paayad.

2 Korin 4:14

Dari masaplag na pin kami san gi man kami matoy. Batan katoonan kami pagka Tuhan lay makallum Papuꞌ Isa, mastiꞌ pakallum na du kami sabap tibuuk na kami ka iya. Sarī man kami, sampay ina kaam, pinakallum du sina mintu supaya kam tabeꞌ na ningkami binoo meꞌ Tuhan pa awpan na.

2 Korin 5:18

Na ilooy ilay siꞌ, sikamimon man gantaan Tuhan. Bistahun bi doꞌ, san kitabi bay ndusa pa Tuhan sibuwa, lay gi ya buwat jalan man tabi mahap na niiya njataꞌ pabuwatan Almasi. Boꞌ lay gi Tuhan nguwakilan kitabi nohoꞌ mahati jama bong pooy meꞌ da mahap na niiya.

Epesus 1:4

Bistahun bi doꞌ, yaꞌ lagi san bay pinapayak junyaꞌ, ndang lay na kitabi pineneꞌ meꞌ Tuhan binuwat sukuꞌ na njawman Almasi. Maksud Tuhan ilay, subay kitabi sutsiꞌ sampay yaꞌ na luu sutsutan njataꞌ tabi ni mata na. Ni kaehe aseꞌ Tuhan,

Epesus 5:27

Kon na nongan umu na supaya tahasi na kitabi bilang pangantin ma danda lingkatan saꞌ na tapandang, ma sutsiꞌ sampay yaꞌ luu salla na atawa tamak na.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

1 Tesaloneka 4:7

Kitabi ilay bay lliyun meꞌ Tuhan pa jawom okoman na supaya kitabi mōꞌ kawul-piil sutsiꞌ, saꞌ ga buwat kalalamaan.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 10:10

Dari pagka lay na si Isa Almasi nongan umu na man na nganduwan kahandak Tuhan, ilooy na bay poonan tabi initung sutsiꞌ pa Tuhan. Boꞌ kapatoy na ilay, san yaꞌ na binalikan, batan tasakup na na saumu-umu para muwasan dusa manusiyaꞌ.

Hibrani 10:20

Yaꞌ na kitabi meꞌ kabboꞌ-bboan tabi ma yaꞌ dari pasōng pa dambilaꞌ kultina ma bay man ngagpangan jama man awpan Tuhan. Batan sabapan kapatoy si Isa, luu na lān bahau man tabi patapit pa Tuhan. Lān tuu itu yana si Isa na mismu ma llum saumu-umu. Iya ilay moo kitabi pa awpan Tuhan.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

2 Pitel 3:14

Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.