Kolossa 1:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² Maka kamura-murahan tattap du meꞌ bi muwan pagsukuhan ni Mmaꞌ tabi Tuhan sabap meꞌ na bay matawop kaam tumabeꞌ ni mimon kaayaran ma ndang bay hinalliꞌ ni sukuꞌ na ma njawom dantaꞌ.

Kolossa 1:12 ပူးပေါင်းရင်းမြစ်များ

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Yahiya 4:23

Sibuwa bong jama numba, talpaksaꞌ subay sila pa tampat bay tinaat. Sugaꞌ batnaa tapit banahan na situ waktu saꞌ na meꞌ looy. Ilooy ya puntukan, basta hilas atay jama numba maka sumba da subay magbēꞌ ka kabanahan pasal Tuhan. Siga jama meꞌ looy ilay, sila na pinagpiha meꞌ Mmaꞌ tabi Tuhan numba iya.

Salsila siga Rasul 20:32

“Batnaa tu, paku ku pa Tuhan, iya sa ngayaran kaam. Kannahun bi na pin umanat mahap pasal aseꞌ-tabang na ningkitabi. Umanat tuu itu kapahallot pangando bi supaya takoleꞌ bi mimon supaat ma bay janjiꞌ Tuhan ni sagannap ma bay pabuwat na sukuꞌ na.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Suwat si Pol pa mman Baanan Sukuꞌ si Isa ndooy ni Rom 11:17

Bana du baw silay bangsa Yahudi meꞌ sapantun disu kayu jaytun bay tinanom meꞌ Tuhan sampay inipat paayad. Salla na, meka na Yahudi meꞌ kadari engas lay na sinappean sabap yaꞌ sila kuhi pitsayaꞌ ni Almasi. Boꞌ kaam ma saꞌ bangsa Yahudi, meꞌ sapantun siga engas poon jaytun ma bay jaꞌ tomoꞌ di-dī na jawom tawun. Sugaꞌ song hallom lay na kam kinaddoꞌ man jawom tawun boꞌ pinatunggu meꞌ Tuhan ni poon jaytun looy siꞌ ma inipat paayad. Dari pag batnaa, hampit na du kam ni mimon ayad sambuhan poon jaytun looy ma inipat meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 15:27

Boꞌ tud basag kainagon da nulung. Pangissahan da, subay ga sila jama utangan ni siga Yahudi ndooy ma pitsayaꞌ ni si Isa. Batan bong saꞌ bay sabapan siga Yahudi ndooy, yaꞌ sila bay kale umanat kasalamatan. Dari pagka siga bangsa saꞌ Yahudi bay koleꞌ balanjaꞌ nyawa man siga Yahudi, pataꞌ du baw sila nungbas san lasa ka balanjaꞌ baran.

Suwat si Pol pa mman Baanan Sukuꞌ si Isa ndooy ni Rom 8:17

Maka pagka anak Tuhan na kitabi, mastiꞌ mimon supaat ma dean Tuhan ni Almasi, dean na du sina ningkitabi. Maka hampit na du sina mintu tabi ni kabantugan Almasi basta kitabi mangatas jaꞌ natasan jinisan kabinsanaan meꞌ niiya.

Suwat si Pol pa mman Baanan Sukuꞌ si Isa ndooy ni Rom 9:23

Bong hati ya natasan kalaatan jama, maksud na makitahan sila bong pooy ehe kaayaran na ni sagannap ma tinimbangan meꞌ na, yana sagannap ma bay peneꞌ na hampit ni kabantugan na.

1 Korin 8:6

Sugaꞌ bong baw ningkitabi, basta disu du Tuhan, yana Mmaꞌ tabi ma bay mapayak mimon-mimon. Maka danan tabi itu llum kalnaꞌ iya. Damikiyan, disu du Papuꞌ tabi, yana si Isa Almasi ma bay man Tuhan mapayak mimon-mimon. Maka njataꞌ na du sina man tabi koleꞌ kaallum bahau.

1 Korin 9:23

Dari aku ilay siꞌ buwat meꞌ looy supaya pasōng na pin eka pagkahi ku pitsayaꞌ ni umanat mahap maka supaya ku hampit ni siga supaat njataꞌ da ma pitsayaꞌ.

2 Korin 11:14

Sugaꞌ daa na kitabi haylan, batan Ibilis pun ina ngakka du sampay manyalupa gi pa malaikat nahayaꞌ na bahasa lakka man Tuhan.

2 Korin 5:5

Kitabi itu, ndang lay na sinaddiya meꞌ Tuhan koleꞌ baran lakka man sulgaꞌ. Lagiꞌ na, Tuhan du sina bay maasok Rū Sutsiꞌ ningkitabi, yana buktiꞌ man tabi kasiguru koleꞌ mimon bay sinukuꞌ ningkitabi bbos-bbos.

Epesus 1:11

Na bangsa kami itu bay duhuꞌ ngaholat ni katakka Almasi. Maka kami du bay ginantaꞌ meꞌ Tuhan binuwat sukuꞌ na ma subay moo sanglit ka kabantugan niiya. Labba man tagnaꞌ junyaꞌ lagi, ndang ilooy na silay bay garaꞌ Tuhan. Boꞌ garaꞌ Tuhan ina labbasakayi mastiꞌ pinajatu jaꞌ sina ni jalan ma sikatuwaꞌ ka kahandak na.

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 2:18

Dari sabapan Almasi, labba man kami siga Yahudi sampay na kaam ma saꞌ Yahudi, saliꞌ-saliꞌ na kitabi kapatapit pa mman Mmaꞌ tabi Tuhan. Batan saliꞌ-saliꞌ na kitabi lay pinaasokan Rū na, yana Rū Sutsiꞌ.

Epesus 3:6

Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Epesus 4:6

Maka Mmaꞌ tabi Tuhan disu du. Iya ina magbayaꞌ ningkitabi sikamimon. Iya nganggaosan kitabi sikamimon. Maka iya du patannaꞌ njawom baran tabi sikamimon.

Epesus 5:11

Daa kam mmeꞌ-mmeꞌ meꞌ uwahan jama njawom kalindoman buwat jinisan ma yaꞌ pataꞌ pinabuwat. Arapun pakitahan bi sila kaintongan kawul-piil bi mari tumatandaꞌ kalaatan da.

Epesus 5:20

Subay kam wā magsuku ni Mmaꞌ tabi Tuhan sabapan mimon supaat na njataꞌ tabi njawman Papuꞌ tabi si Isa Almasi.

Epesus 5:4

Maka yaꞌ du sina pataꞌ bong kam mōꞌ bitsala lakaꞌ-lakaꞌ ka bitsala karupangan atawa mōꞌ paglatahan tampalasa. Arapun inaa ya pataꞌ ningkaam meꞌ bi muwan pagsukuhan pa Tuhan.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

Kolossa 2:2

Kon ku magtuyuꞌ supaya pataggu na pin iman bi maka supaya kam wā dambuwaꞌ atay ka tattap sikaaseꞌ-kaaseꞌ. Kainagon ku sukup na pangahati bi ni garaꞌ Tuhan ma yaꞌ gi bay tumampak ni siga angkat-angkatan maruhuꞌ, yana garaꞌ na pasal Almasi.

Kolossa 3:15

Tuhan ina bay ngaliyun kitabi supaya kitabi tibuuk pa disu baran sa njawman Almasi maka supaya kitabi wā njawom kasalassayan. Sangkon daa kam buwat oy maka oy na ma kalangkat ni kasalassayan ma lakka man Almasi. Maka subay kam tattap magsuku pa Tuhan.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 12:23

Maka ndooy ilay, lay na tabi takka pa jawom kumpohan sagannap ma ginalla siga anak Tuhan siyaka, yana sagannap ma pitsayaꞌ ni Almasi, ma lay na talista awon da ni sulgaꞌ. Maka lay na tabi takka pa jawom baanan siga rū jama intong mattoꞌ ma yaꞌ na luu salla na. Maka lay na tabi takka pa mman Tuhan, yana tukang ngahukum manusiyaꞌ sikamimon.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

Yaꞌkub 3:9

Bosbos kita makoy behe ta man mudji Mmaꞌ ta Tuhan; bosbos man ta numpaan pagkahi ta manusiyaꞌ ma bay pinapayak ni limbagan arat-tabiat Tuhan.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

Siga Pakaradjaan bay Pinalahil 21:23

Maka ni daira looy, san yaꞌ na luu mataallaw atawa buwan, batan ndang luu na sahayaꞌ Tuhan ninag ndooy. Maka Bili-bili pun yana sūꞌ ni daira looy.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.

Siga Pakaradjaan bay Pinalahil 22:5

Njawom daira looy siꞌ, yaꞌ luu sangom. San yaꞌ na luu palitaan siga sukuꞌ Tuhan atawa dantaꞌ mataallaw ndooy sabap luu du Papuꞌ da Tuhan mismu muwan dantaꞌ ninsila. Maka maglimbang na sila ka iya marinta saumu-umu.