Kolossa 1:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Maka kamura-murahan binuwanan du kam meꞌ Tuhan gaos lakka man kawasa na ma yaꞌ luu sibuꞌ sabanding na. Dari san gi oy katuwaꞌ ningkaam, katatas kam maka masi na pin kam gāk. Sarī gi, patahaꞌ na pin pasensiya bi.

Kolossa 1:11 ပူးပေါင်းရင်းမြစ်များ

Salsila siga Rasul 1:8

Sugaꞌ subay katoonan bi, binuwanan du sina kam kawasa pag mintu kam pinatannaan na Rū Sutsiꞌ. Dari masaplag na sina kam mintu pasal aku ni Jerusalem sampay ni sikaliput Yahudiya ka Samariya, maka sampay pa sika-mpat pidju alam.”

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 2:7

Na kasohean ina sigi-sigi buwat mahap sabap doman sila koleꞌ sanglit ka kabantugan man Tuhan. Maka doman sila llum saumu ni okoman na. Jama meꞌ looy ilay binuwanan meꞌ Tuhan kasampulnaan nyawa saumu-umu.

1 Korin 16:13

Na katapusan bitsala ku, daa kam kuhi usik man umanat mahap ma kinapitsayaan meꞌ tabi. Iyakin kam mari kam yaꞌ taboo magsiꞌ. Subay kam bahani mōꞌ kabanahan. Maka patagguhun bi iman bi.

2 Korin 4:7

Kami itu meꞌ sapantun kibut ma mura jaꞌ passaꞌ bay inisihan altaꞌ hagaan saꞌ alang-alang. Altaꞌ ma awnan ku ilay siꞌ yana ladjikiꞌ ningkami bay kawakilan masaplag umanat mahap. Kami itu bay peneꞌ Tuhan san yaꞌ luu kawasa kami supaya oy-oy pabuwat kami, tumatandaꞌ man kawasa na, saꞌ ga lakka man kawasa kami.

Epesus 3:16

Paku ku duwaa pa Tuhan Sangat Kawasa, kamura-murahan ni kaehe kawasa na ka aseꞌ na, binuwanan du kam leꞌ Rū na gaos mari magsasōng na pin taggu iman bi.

Epesus 4:2

Subay diyoꞌ ka lammaꞌ pangatayan bi sampay tahaꞌ pasensiya bi. Pagka kam sikaaseꞌ-kaaseꞌ, tatasan bi jaꞌ salla arat siga pagkahi bi.

Epesus 6:10

Na katapusan bitsala ku, pabasag kam mangasa ni kawasa Papuꞌ nganggaosan kaam mari taggu iman bi.

Pilipi 4:13

batan man sabapan Papuꞌ Isa nganggaosan aku, yaꞌ luu saꞌ yaꞌ takaya ku.

2 Pitel 1:6

Subay du kam ngagak dī bi. Maka subay taggu iman bi. Maka pakutuun bi meꞌ bi ngikut arat-tabiat Tuhan.

Suwat Lakka man si Jūd 1:25

Isu-isu iya Tuhan. Maka iya na sina bay nalamat kitabi man sabapan pabuwatan Papuꞌ tabi si Isa Almasi. Kaayaran Tuhan ina yaꞌ luu sibuꞌ sabanding na. Pudji tabi ya. Iya ina Tuhan Mahatinggi, Sangat Kawasa ma magbayaꞌ ni mimon-mimon labba man kapayak alam ngabut batnaa sampay saumu-umu ni sinōng. Amin! Wassalam

Siga Pakaradjaan bay Pinalahil 14:12

Sangkon sagannap sukuꞌ Tuhan, yana sagannap ma ngasip ni siga panohoan na, subay takkoꞌ pangando da ni si Isa maka subay pandoy natas njawom kabinsanaan.