Kolossa 1:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

Kolossa 1:10 ပူးပေါင်းရင်းမြစ်များ

Yahiya 15:16

Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 15:8

Bong ina kam buwat kahandak Mmaꞌ ku, malaingkan sibuꞌ du karuha bi ka engas buwaꞌ paeka. Boꞌ na, kaboo gi kam kabantugan mehe niiya, maka tumatandaꞌ na kaam siga mulit ku.

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Suwat si Pol pa mman Baanan Sukuꞌ si Isa ndooy ni Rom 1:13

Siga danganakan, daa kam mista siga noy batnaa na bohoꞌ ku bay kapiki pilu pa mman bi. Min meka na ku situ bay maru pilu. Sugaꞌ ngabut sampay batnaa, yaꞌ gi ku bay tabawus batan luu na pin jinisan kasanggalang niyaku. Kainagon ku bong ku mintu takka pilu, luu gi nnaa jama taboo ku mmeꞌ ni si Isa meꞌ karuha ni kalahat-lahatan kasohean.

Suwat si Pol pa mman Baanan Sukuꞌ si Isa ndooy ni Rom 6:4

Sangkon meꞌ tabi ngingat, lay na du kitabi kinubu tabeꞌ ni Almasi waktu tabi bay pinandi. Dari yana meꞌ Almasi bay pinakallum pabalik man kawasa Mmaꞌ na, kitabi pun lay na du binuwanan kaallum bahau mari kitabi kapōꞌ kawul-piil bahau.

2 Korin 2:14

Sugaꞌ san meꞌ looy, magsuku ku pa Tuhan sabap luu na pin ya magmundaan kami supaya wā kami tumanjataꞌ san gi oy katuwaꞌ ningkami. Kon meꞌ looy sabap tibuuk na kami ka Almasi. Batnaa pinakoy na pin situ kami meꞌ Tuhan ngalataan kalahat-lahatan masampay umanat mahap pasal Almasi. Umanat mahap ina meꞌ sapantun bawu insallan hamut ma muhag-muhag ni sikaliput lahat.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

2 Korin 5:9

Dari sabagay lay na kitabi ngambanan baran tuu atawa niyaꞌ, pakutuꞌ tabi na jaꞌ meꞌ tabi nulut kahandak Almasi.

2 Korin 9:8

Intomun bi, takaya du sina meꞌ Tuhan muwanan kaam san labi gi man balanjaꞌ bi supaya wā luu man bi nulung ka buwat jinisan kaayaran ni jama.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Epesus 4:13

Pag toklas na, dambuwaꞌ atay na kitabi mmeꞌ ni umanat mahap. Maka pasōng na pin meꞌ tabi toon Almasi, yana Anak Tuhan. Dari song hallom, sukup iman na tabi ngabut sampay sumibuꞌ na du arat-tabiat tabi ka Almasi.

Epesus 5:10

Sangkon, wā paliksaun bi niyat atay bi bong sikatuwaꞌ ka kahandak Papuꞌ atawa niyaꞌ. Bong ina tud ayad du niyat atay bi, mastiꞌ kasulutan jaꞌ sina Papuꞌ ni tangge-tingkōꞌ bi.

Epesus 5:15

Ilagan bi dī bi mari ayad jaꞌ tangge-tingkōꞌ bi. Daa kam mmeꞌ-mmeꞌ meꞌ uwahan jama dupang, arapun ilooy ya akigun bi jama ma halul-akka.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Pilipi 1:27

Sugaꞌ san gi oy katuwaꞌ niyaku, inaa puntukan banahan, basta subay pataꞌ jaꞌ kawul-piil bi ka kaam jama ma mmeꞌ ni umanat mahap pasal Almasi. Meꞌ naa ina, luu-yaꞌ ku luu nnaa, taaka ku du sina mintu kaam sama-sama magtuyuꞌ kalnaꞌ Almasi. Maka sibuꞌ-sibuꞌ kam magmaksud maka dambuwaꞌ atay bi nanggehan umanat mahap mari jama pitsayaꞌ ni si Isa.

Pilipi 4:18

Batnaa, sabapan tulung ma bay pokonan bi man si Epaproditus, luu na labi man balanjaꞌ ku. Tulung bi ilay niyaku binilang jakat ma kasulut banahan pa Tuhan. Bong ibaratan bawu, kahamutan ya.

Kolossa 2:19

Ga jama meꞌ looy ilay yaꞌ na ngantanan tōꞌ Almasi. Padahal Almasi ina, yana takōk ningkitabi ma binilang baran na. Iya sina poonan man mimon kalangkapan baran na koleꞌ oy-oy gunahan ninsila. Dari tiyap-tiyap ina baran langkit ka kōk na, tibuuk jaꞌ sina sikamimon. Mimon kalangkapan na sama-sama usik. Boꞌ magsasōng na pin meꞌ da sampulnaꞌ magbēꞌ ka gantaan Tuhan.

Kolossa 2:6

Siga danganakan, pagka lay na kam mangando ni Papuꞌ tabi si Isa Almasi sibuwa bi bay pitsayaꞌ niiya, subay du kam mangando niiya ni mimon kahalan bi llaw pa dangallaw.

Kolossa 3:20

Kaam baw siga anak, asipun bi jaꞌ induꞌ-mmaꞌ bi batan inaa nulut ni kahandak Tuhan. Boꞌ na, ndang inaa pataꞌ ningkaam sukuꞌ Papuꞌ Isa.

Kolossa 4:5

Na bila kam maglaw-lamud ka jama ma yaꞌ pitsayaꞌ ni Papuꞌ Isa, amay-amay buwat kam suntuan ayad. Bong luu dapat bi, pahampitan bi sila kabanahan pasal si Isa Almasi padpad luu gi waktu.

1 Tesaloneka 2:12

Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

2 Timuti 2:4

Indanan nu bitsala ku. Bong ina sundalu kanaalla, yaꞌ ya palamud ni jinisan hāl ma pinandang leꞌ siga sibilyan. Iya pandang na, meꞌ na nulut kahandak komandel na.

Taytus 3:1

Paintoman nu siga danganakan ta nnaa nohoꞌ maglillaꞌ ni siga pa-mmean parinta sampay ngasip ni sagannap ma ngantanan saraꞌ. Maka subay sila pinaintoman nohoꞌ wā saddiya buwat mahap.

Taytus 3:14

Kuwan siga pagkahi ta sukuꞌ si Isa nnaa, sohoun sila makutuꞌ meꞌ da buwat kaayaran. Maka sohoun sila nulung jama tiksaꞌ. Meꞌ naa ina, mehe kapansahaliyan da ni manusiyaꞌ.

Hibrani 11:5

Damikiyan si Idris, sabapan pangando na pa Tuhan, lay ya inangkat pa sulgaꞌ yaꞌ san bay pingkaꞌ matoy. Lataꞌ na lahat man na bay piniha, yaꞌ na san ya bay tatammu sabap lay na ya kinaddoꞌ meꞌ Tuhan. Boꞌ na, yuk njawom kitab, ndang iya jama bay kasulut ni Tuhan.

Hibrani 13:16

Maka daa na layam-layam tabi meꞌ tabi buwat mahap ni jama sampay meꞌ tabi nulung sagannap ma sigpit. Batan meꞌ naa ina, sibuꞌ du kitabi ka bay nongan jakat ma kasulut ni Tuhan.

Hibrani 13:21

Kamura-murahan pinalangkapan na pin kam meꞌ Tuhan ka mimon ma gunahan ningkaam supaya tapabuwat bi kahandak na. Kamura-murahan man sabapan pagkatibuuk bi ka si Isa Almasi, pinajatu du meꞌ Tuhan maksud na ni kaallum bi. Ilooy ilay siꞌ pamaehe sanglit niiya pangkat-mamangkat saumu. Amin.

2 Pitel 1:8

Na bong siꞌ ina tabogbog bi na mimon arat meꞌ naa boꞌ duhunan bi lagi, malaingkan meka na sina kaayaran takita ni tangge-tingkōꞌ bi. Maka tumatandaꞌ na mehe kapansahaliyan bi ni manusiyaꞌ sabap meꞌ bi lungbid ka Papuꞌ tabi si Isa Almasi.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam

1 Yahiya 3:22

Boꞌ na, oy-oy paku tabi pa Tuhan, nduwan jaꞌ sina kitabi batan asip tabi jaꞌ siga panohoan na maka pabuwat tabi ilooy ma kasulut niiya.

1 Yahiya 5:20

Damikiyan, katoonan tabi na du luu na bay pitu Anak Tuhan pa junyaꞌ. Maka lay na ya muwanan kitabi pangahati supaya dari na kitabi lungbid ka Tuhan sabanna. Pag batnaa tibuuk na kitabi ka Tuhan sabanna sabap meꞌ tabi tibuuk na ka Anak na si Isa Almasi. Iya ina Tuhan sabanna maka poonan kasampulnaan nyawa ma yaꞌ luu katapusan na.

3 Yahiya 1:6

Sila ina, bbuwatan da ngalataan lahat masaplag pasal si Isa. Boꞌ bay gi sila nuntut ni baanan sukuꞌ si Isa luntuu pasal aseꞌ nu ninsila ka meꞌ nu bay nulung sila ni bay palanan da. Darahan nu na meꞌ naa sabap inaa pataꞌ meꞌ buwat siga sosohoan Tuhan. Sila ina yaꞌ kuhi nambut oy-oy tulung man siga jama ma saꞌ sukuꞌ si Isa.