Hibrani 8:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sugaꞌ ndang katoonan Tuhan luu kulang pagsulutan sibuwa. Sangkon yuk na, “Luu sina masa ni sinōng buwanan ku siga panubuꞌ si Israil ka siga panubuꞌ si Juda pagsulutan bahau.

Hibrani 8:8 ပူးပေါင်းရင်းမြစ်များ

Matiyu 26:28

Ingatun bi inaa lahaꞌ ku song tinumpahan supaya meka na jama taampun sampay puwas na dusa da labbasakayi. Batan lahaꞌ ku ina, inaa na muwan kasāhan ni pagsulutan bahau ni antaraꞌ Tuhan ka manusiyaꞌ.

Malkus 14:24

Yuk si Isa ninsila, “Ingatun bi inaa lahaꞌ ku song tinumpahan supaya meka na jama koleꞌ kaampunan. Batan lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.”

Lukas 17:22

Pag-anu, yuk si Isa ni siga mulit na, “Luu du sina mintu masa maglogtoꞌ na kam doman ngita Anak Manusiyaꞌ, yana aku, san lasa dangallaw, sugaꞌ yaꞌ gi luu dapat bi.

Lukas 22:20

Pag lupus da mangan, lay na baw ya ngaddoꞌ pabalik mbuwaꞌ sawan tubaꞌ anggul, boꞌ sinongan ni ga mulit na sambayan na halling, “Ingatun bi tubaꞌ anggul njawom sawan tuu yana lahaꞌ ku song tinumpahan kalnaꞌ kaam. Lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.

Lukas 5:38

Sangkon, subay du sina pangannaan bahau man ngisi tubaꞌ anggul bahau.

1 Korin 11:25

Damikiyan, pag lupus da mangan, lay na baw ya ngaddoꞌ mbuwaꞌ sawan tubaꞌ anggul, boꞌ na halling, “Ingatun bi inuman tuu yana lahaꞌ ku ma muwan kasāhan ni pagsulutan bahau antaraꞌ Tuhan ka manusiyaꞌ. Buwat kam tabiat nginum meꞌ tuu bilang pangintoman bi niyaku.”

2 Korin 3:6

Maka Tuhan du sina nganggaosan kami masaplag pagsulutan bahau ni antaraꞌ iya ka manusiyaꞌ mari jama mahap na niiya. Ni pagsulutan bahau ina, Rū Sutsiꞌ ndean meꞌ Tuhan ni manusiyaꞌ. Boꞌ ni pagsulutan sibuwa, saraꞌ bay ndean ni manusiyaꞌ. Ni pagsulutan sibuwa ina, bong jama doman mahap na pa Tuhan, subay bogbogan da sara. Salla na, ilooy du takoleꞌ jama man saraꞌ yana katiksaan nyawa batan yaꞌ luu kabogbog labbasakayi. Boꞌ ni pagsulutan bahau ina, koleꞌ na kitabi kaallum bahau sampay kasampulnaan nyawa saumu-umu man sabapan Rū Sutsiꞌ.

Hibrani 12:24

Maka lay na kitabi takka pa mman si Isa ma bay mōꞌ pagsulutan bahau antaraꞌ Tuhan ka manusiyaꞌ. Boꞌ toklas lahaꞌ na bay tumpa mas ayad man toklas lahaꞌ si Habil bay tumpa ni awwal jaman. Batan lahaꞌ si Habil bay moo sumpaꞌ, boꞌ lahaꞌ si Isa bay moo kasalamatan.

Hibrani 7:22

Dari sabapan sapa Tuhan, lay na si Isa dari poonan man tabi katantu luu na pagsulutan bahau antaraꞌ Tuhan ka siga sukuꞌ na. Boꞌ tā biddaꞌ kaayaran na man pagsulutan sibuwa.

Hibrani 8:13

Na pagka Tuhan bay māꞌ luu pagsulutan bahau pasunuꞌ bbos-bbos, hatiyan na, sōng katis na timpu pagsulutan sibuwa. Dari yaꞌ na luu kapansahaliyan na.

Hibrani 8:6

Na inawnan pabuwatan ma bay hinalap meꞌ Tuhan ni si Isa mag-imam, mas hagaan man pabuwatan kaimaman maruhuꞌ. Damikiyan, pagsulutan ma bay pinōꞌ meꞌ si Isa antaraꞌ Tuhan ka sukuꞌ na, mas hagaan du man pagsulutan sibuwa. Batan siga pakaradjaan bay janjiꞌ Tuhan ni pagsulutan tuu ma bahau, mastiꞌ mas mahap man siga ilooy ma bay njanjiꞌ ni pagsulutan sibuwa.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.