Hibrani 7:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Dari sabapan sapa Tuhan, lay na si Isa dari poonan man tabi katantu luu na pagsulutan bahau antaraꞌ Tuhan ka siga sukuꞌ na. Boꞌ tā biddaꞌ kaayaran na man pagsulutan sibuwa.

Hibrani 7:22 ပူးပေါင်းရင်းမြစ်များ

Panagnaan 43:9

Aku sa Maꞌ bahalaꞌ niiya. Janjiꞌ ku baw ningkau bong ya yaꞌ bay salamat pinabalik meꞌ ku pitu pa mman nu, atas ku na labuꞌ pa jataꞌ ku mimon susun halloman ku llum.

Panagnaan 44:32

Sarī gi, Tuwan, lay gi ku nubali niiya bong yaꞌ bay taboo ku pabeleng anak-anak tuu pa mman na, atas ku mimon susun labuꞌ pa aku halloman ku llum.

Matiyu 26:28

Ingatun bi inaa lahaꞌ ku song tinumpahan supaya meka na jama taampun sampay puwas na dusa da labbasakayi. Batan lahaꞌ ku ina, inaa na muwan kasāhan ni pagsulutan bahau ni antaraꞌ Tuhan ka manusiyaꞌ.

Malkus 14:24

Yuk si Isa ninsila, “Ingatun bi inaa lahaꞌ ku song tinumpahan supaya meka na jama koleꞌ kaampunan. Batan lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.”

Lukas 22:20

Pag lupus da mangan, lay na baw ya ngaddoꞌ pabalik mbuwaꞌ sawan tubaꞌ anggul, boꞌ sinongan ni ga mulit na sambayan na halling, “Ingatun bi tubaꞌ anggul njawom sawan tuu yana lahaꞌ ku song tinumpahan kalnaꞌ kaam. Lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.

1 Korin 11:25

Damikiyan, pag lupus da mangan, lay na baw ya ngaddoꞌ mbuwaꞌ sawan tubaꞌ anggul, boꞌ na halling, “Ingatun bi inuman tuu yana lahaꞌ ku ma muwan kasāhan ni pagsulutan bahau antaraꞌ Tuhan ka manusiyaꞌ. Buwat kam tabiat nginum meꞌ tuu bilang pangintoman bi niyaku.”

Hibrani 12:24

Maka lay na kitabi takka pa mman si Isa ma bay mōꞌ pagsulutan bahau antaraꞌ Tuhan ka manusiyaꞌ. Boꞌ toklas lahaꞌ na bay tumpa mas ayad man toklas lahaꞌ si Habil bay tumpa ni awwal jaman. Batan lahaꞌ si Habil bay moo sumpaꞌ, boꞌ lahaꞌ si Isa bay moo kasalamatan.

Hibrani 13:20

Tuhan ina poonan kasannangan. Ni kaehe kawasa na, lay ya makallum Papuꞌ tabi si Isa. Dari si Isa na sina numbul satu tukang ngipat kitabi ma awnan na siga bili-bili na. Man sabapan lahaꞌ na bay tumpa, inaa na kasāhan ni pagsulutan bahau ma yaꞌ luu katapusan na antaraꞌ Tuhan ka sukuꞌ na.

Hibrani 7:23

Na maruhuꞌ, meka panubuꞌ si Libay bay pingkaꞌ mag-imam, batan tuktuk luu disu matoy, luu na baw pasunuꞌ gantiꞌ na.

Hibrani 8:13

Na pagka Tuhan bay māꞌ luu pagsulutan bahau pasunuꞌ bbos-bbos, hatiyan na, sōng katis na timpu pagsulutan sibuwa. Dari yaꞌ na luu kapansahaliyan na.