Hibrani 7:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Awnan ku Papuꞌ tabi si Isa. Maka meꞌ na bay dari imam, saꞌ man poonan usuwan meꞌ ilooy ma bay tinaat njawom saraꞌ. Arapun iya bay dari imam sabapan kaallum na ma yaꞌ luu katapusan na, tandaꞌ ehe kawasa na.

Hibrani 7:16 ပူးပေါင်းရင်းမြစ်များ

Suwat si Pol pa mman Baanan Sukuꞌ si Isa ndooy ni Rom 7:14

Na kitabi itu, ndang katoonan tabi saraꞌ mahap sabap lakka man Tuhan. Sangkon, bong ni dī ku, doman ku mean saraꞌ. Salla na, wā ku kalangga sabap sibuꞌ du ku ka pinahata meꞌ napsu ku ma wā kaboo-boo niyaku buwat dusa.

Galatiya 4:3

Damikiyan, meꞌ naa du sina bay karuha tabi halloman yaꞌ gi bay takka Almasi. Sibuꞌ du karuha tabi ka anak-anak ma subay na pin njagahan. Batan maruhuꞌ, ilooy du katoonan tabi meꞌ mogbogan jinisan aturan ka tōꞌ siga kabboꞌ-bboan tabi.

Galatiya 4:9

Lipara batnaa katoonan bi na Tuhan sabanna. Boꞌ na, kaayaran labi man naa, batnaa iya na mismu ngahasi kaam. Sugaꞌ pag batnaa, ituu baw tu man ku jayip, meꞌ ga doman na baw kam pabeleng pa bay kahalan bi maruhuꞌ mogbogan jinisan aturan. Mingkan, yaꞌ san silay katabang ningkaam man bi kinahopan meꞌ Tuhan. Ongoy baw taggahaꞌ pabalik na baw kam buwat dī bi ata siga aturan?

Kolossa 2:14

Ni sabana na, kitabi itu sikamimon bay jaꞌ du pingkaꞌ buwat jinisan dusa. Dari ko ngawon, tahaꞌ na bay listahan dusa tabi ngalangga siga saraꞌ Tuhan. Lipara, lay na bay pawman Tuhan. Batan lay na tanggung Almasi dusa tabi jaman na bay nilansang taꞌ tehang.

Kolossa 2:20

Na kitabi itu sukuꞌ Almasi, meꞌ tabi ngingat, lay na kitabi tabeꞌ ni kapatoy na. Sangkon paddus na kitabi man siga aturan ma binista meꞌ kasohean subay binogbogan man da salamat. Sugaꞌ kaam baw tu, tatammu bi na baw ga mean siga aturan ma inikut meꞌ jama ma saꞌ sukuꞌ Almasi. Kuhi-kuhi jaꞌ kam mmeꞌ bong yuk da,

Hibrani 10:1

Na siga saraꞌ Nabi Musa ilay mattoꞌ, yana pattaꞌ sadjaꞌ man mahati pasal kaayaran ma song takka ni sinōng njataꞌ Almasi. Sangkon minsan siga Yahudi bay nong siga kulban taun pa taun man mean saraꞌ, yaꞌ du bay luu ndooy kasutsiꞌ ni atay da gantaꞌ man yaꞌ na luu sutsutan njataꞌ da pa Tuhan. Noy takka na Almasi boꞌ da tasutsiꞌ.

Hibrani 7:15

Lagiꞌ na, tumatandaꞌ gi lay na ginantian pagkaimam siga panubuꞌ si Libay sabap luu na bay pōꞌ panghuluꞌ imam bahau ma sibuꞌ du karuha na ka si Melkisedek.

Hibrani 7:17

Boꞌ sikatuwaꞌ du ka palman njawom kitab pasal Almasi, ilooy ma yuk Tuhan, “Kau ina imam saumu-umu. Pagkaimam nu sibuꞌ du karuha na ka pagkaimam si Melkisedek.”

Hibrani 7:28

Boꞌ sagannap ma bay inuwakilan magpanghuluꞌ imam njawman saraꞌ Nabi Musa, saliꞌ-saliꞌ sila manusiyaꞌ sadjaꞌ ma ndang dusahan pa Tuhan. Kahapan, hallom maka hallom na, lay na baw Tuhan napa subay Anak na inuwakilan magpanghuluꞌ imam saumu. Boꞌ Anak na ina yaꞌ luu dusa na atawa salla na samasakali.

Hibrani 7:3

Si Melkisedek ilay saꞌ meꞌ kaimaman ilooy kasohean. Yaꞌ luu induꞌ-mmaꞌ na atawa usuwan kabboꞌ-bboan na. Damikiyan, kaallum na yaꞌ du luu panagnaan na maka yaꞌ du luu katapusan na. Batan meꞌ Anak Tuhan du ya mag-imam saumu-umu.

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.