Hibrani 7:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

^1-2 Na si Melkisedek ilay yana sultan ndooy ni disu daira inawnan Salam mattoꞌ. Maka imam du ya man kahandak Tuhan Mahatinggi. Iya na silay bay nampang ga Nabi Ibrahim lān da moleꞌ bay maā siga sultan ka baanan sundalu da ni bonoꞌ mehe. Boꞌ iya gi man Nabi Ibrahim bay muwan sabahagiꞌ sapū ni mimon altaꞌ ma bay takoleꞌ na paddus bonoꞌ looy. Maka lay gi ya nupaatan Nabi Ibrahim. Na hatiyan awon Melkisedek ilay yana “sultan intong”. Maka ginalla du ya “Sultan Kasannangan” sabap awon daira na yana Salam, hatiyan na kasannangan.

Hibrani 7:1 ပူးပေါင်းရင်းမြစ်များ

Malkus 5:7

Dari lay sohoꞌ si Isa seytan na pōꞌ man jawom baran na. Pag-anu, magti ngahowap seytan looy, yuk na, “Batōy nu itu ku, Isa? Katoonan ku du bina kau Anak Tuhan Mahatinggi! Junjung ku na ningkau ni awon Tuhan, baan nu na ku yaꞌ ko midjalaꞌ aku.”

Salsila siga Rasul 16:17

Na ni llaw looy du siꞌ, lay patuhut danda looy ningkami. Bbuwatan na ngahowap, yuk na, “Ga lalla naa ina yana ata Tuhan Mahatinggi! Buwatan da ina masaplag jalan man bi salamat.”

Hibrani 7:3

Si Melkisedek ilay saꞌ meꞌ kaimaman ilooy kasohean. Yaꞌ luu induꞌ-mmaꞌ na atawa usuwan kabboꞌ-bboan na. Damikiyan, kaallum na yaꞌ du luu panagnaan na maka yaꞌ du luu katapusan na. Batan meꞌ Anak Tuhan du ya mag-imam saumu-umu.

Hibrani 7:6

Sugaꞌ ni waktu ga Nabi Ibrahim ka si Melkisedek bay sitammu, kuwan pagkaimam si Libay, yaꞌ gi luu sabap lawak kaduhuan jaman ga Nabi Ibrahim man si Libay. Dari san si Melkisedek saꞌ panubuꞌ si Libay, ndang iya na mman Nabi Ibrahim bay nong sabahagiꞌ sapū. Pag-anu, lay gi ya nupaatan Nabi Ibrahim. Na Nabi Ibrahim ilay, san iya na bay njanjian meꞌ Tuhan,