Hibrani 6:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

^4-6 mari song patakkoꞌ na pin pangando tabi ni Almasi. Batan bong ina jama lay na ngalabbahan pangando da niiya, siya-siya sila. Bistahun bi doꞌ, lay na sila pingkaꞌ pinadantaan pamiki da, maka lay na takissa da kaayaran ladjikiꞌ man sulgaꞌ ma yaꞌ luu sibuꞌ sabanding na. Sampay lay na sila pinaasokan Rū Sutsiꞌ. Sarī gi, lay na sila ngissa kaayaran ma bay njanjiꞌ njawom palman Tuhan. Sampay lay na sila ngissa kawasa njataꞌ da sasang da njawman pamarinta Tuhan ma bahau jaꞌ takka ni masa tuu. Na bong ilay ga jama meꞌ looy lay na patatak, tunmanūn na silay meꞌ da pinatawbat balik sabap sibuꞌ du sila ka bay ngalansang Anak Tuhan taꞌ tehang pabalik. Batan man sabapan da, awon si Isa binuwat na ga kalabbiyan.

Hibrani 6:4 ပူးပေါင်းရင်းမြစ်များ

Matiyu 12:45

Dari magti seytan looy ngaddoꞌ siga pagkahi na pituꞌ seytan maat gi man iya, boꞌ boo na balik pa bay limpaꞌ na maglumaꞌ. Pag toklas na, jama looy ma bay sineytan, malasahi gi man sibuwa. Bong nnaꞌ ta pa jama ni angkat-angkatan batnaa, tud malasahi sina mintu sila sabap yaꞌ sila bay kuhi pitsayaꞌ ni kabanahan.”

Matiyu 5:13

Yuk si Isa lagi, “Kaam ina ma mmeꞌ niyaku meꞌ sapantun timus ma muwan hāp lassa ni lawuk, batan kaam moo kaayaran ni manusiyaꞌ. Sugaꞌ bong kam ina meꞌ sapantun timus ma lay lungay maasin na, yaꞌ du luu pūs bi. Timus meꞌ looy ilay, gam na tinimanan sadjaꞌ pa poan pinabiya giniok-giok meꞌ jama.

Yahiya 15:6

Boꞌ na, soysoy ina ma bay pasakkat mman ku, sibuꞌ du karuha da ka siga engas lay sappeꞌ man poon da sampay ngalayu. Pag toklas na, kinumpo na sila boꞌ hiniyakan pa jawom api mari tutung.

Yahiya 3:27

Tampung si Yahiya ninsila, “Yaꞌ bilay luu jama ngantanan kawasa-kapatut buwat meꞌ looy bong yaꞌ bay kabuwanan leꞌ Tuhan.

Yahiya 4:10

Pag tampung si Isa baw siꞌ tu niiya, “Bong siꞌ ina bay tasayu nu ladjikiꞌ ma pamuwan Tuhan, maka bong siꞌ tasayu nu bong soy tu ituu ma nohoꞌ pinainuman ningkau, gam pin kau gi siꞌ bay duhuꞌ maku inuman mman ku, boꞌ nu buwanan ku boheꞌ ma llum.”

Yahiya 6:32

Yuk si Isa ninsila, “Baan ta kam banahan, saꞌ du silay Nabi Musa bay muwanan sila makanan looy man sulgaꞌ. Iya bay muwan yana Mmaꞌ ku. Boꞌ na pag batnaa, makanan sabanna na man sulgaꞌ dean na kaam,

Salsila siga Rasul 10:45

Dari kuwan siga Yahudi sukuꞌ si Isa ma bay mmeꞌ ni si Pitel, tud bay jayip sila pag ndaꞌ da sampay bangsa saꞌ Yahudi lay na du kaladjikian pinatannaan Rū Sutsiꞌ.

Salsila siga Rasul 11:17

Na bong sila bay kaladjikian meꞌ Tuhan Rū Sutsiꞌ meꞌ bay karuha ningkitabi du pag lai na tabi pitsayaꞌ ni Papuꞌ tabi si Isa Almasi, soy ku pabasa-basa naggaꞌ Tuhan?”

Salsila siga Rasul 15:8

Na Tuhan ina, katoonan na du mimon njawom atay manusiyaꞌ. Dari pagka katoonan na hilas meꞌ siga jama looy siꞌ bay pitsayaꞌ, lay na du sila pinatannaan Rū Sutsiꞌ meꞌ bay karuha ningkitabi du.

Salsila siga Rasul 8:20

Sugaꞌ gam pin lay gi ya pinahallingan meꞌ si Pitel, yuk na, “Tanalkaꞌ sina ko mintu sampay sīn nu! Kau bitu, kanna nu taballi-balli nu ka sīn ladjikiꞌ ma dean Tuhan.

Suwat si Pol pa mman Baanan Sukuꞌ si Isa ndooy ni Rom 1:11

Kainagon ku sitammu na kitabi supaya kam tahampitan ku tōꞌ man Rū Sutsiꞌ mari magsasōng gi basag pangando bi ni si Isa.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Galatiya 3:2

Tilaw ta teꞌ kam. Pooy meꞌ bi bay koleꞌ Rū Sutsiꞌ? Man sabapan meꞌ bi kilay bay mogbogan saraꞌ? Mastiꞌ ssaꞌ silay! Arapun ngkon bi ilay bay pinaasokan Rū Sutsiꞌ sabap meꞌ bi bay pitsayaꞌ ni umanat mahap ma bay takale bi man kami.

Galatiya 3:5

Saꞌ ba, lay na dean Tuhan Rū na ningkaam, boꞌ lay gi ya makitahan kaam jinisan pabuwatan kahaylan-haylan? Sugaꞌ saꞌ silay sabap meꞌ bi bay buwat jinisan taat saraꞌ agama. Arapun iya ilay bay buwat meꞌ looy sabap meꞌ bi bay pitsayaꞌ ni umanat ma bay takale bi pasal si Isa.

Epesus 1:18

Maka pakuhan ta na pin kam duwaa, kamura-murahan binuwanan du kam meꞌ Tuhan pangahati supaya tasayu bi na bong oy taholat bi pagka lay na kam lliyun pa jawom okoman na. Maka kamura-murahan pinalahil du ningkaam siga supaat hagaan saꞌ alang-alang ma bay hinalliꞌ meꞌ Tuhan ni sukuꞌ na.

Epesus 2:8

Ni kaehe aseꞌ Tuhan, lay na kitabi sinalamat meꞌ na sabap meꞌ tabi pitsayaꞌ ni Almasi. Sugaꞌ kasalamatan tabi ina, saꞌ ga tungbas ni bay hulas-sangsāꞌ tabi buwat mahap, arapun ladjikiꞌ man Tuhan.

Epesus 3:7

Dari man sabapan aseꞌ Tuhan niyaku, lay ku kaladjikian binuwat sosohoan na masaplag umanat mahap ni kaehe kawasa Tuhan njataꞌ ku.

Epesus 4:7

Sugaꞌ san itu kitabi disu baran sa, yaꞌ sibuꞌ-sibuꞌ kapandoyan ma ndean meꞌ Almasi ningkitabi. Boꞌ mimon kapandoyan ma bay dean na kitabi saliꞌ-saliꞌ, mastiꞌ sikatuwaꞌ jaꞌ ka gantaan na.

1 Timuti 4:14

Daa pasensengan nu ladjikiꞌ ma bay dean Rū Sutsiꞌ ningkau bay jaman siga pa-mmean sukuꞌ si Isa ngannaꞌ siga tangan da njataꞌ nu. Awnan ku ilay siꞌ yana kapandoyan ma bay tinunaꞌ meꞌ da njataꞌ nu.

2 Timuti 2:25

Bong ya sinulang meꞌ jama, pag tampung na, subay hanunut-hanunut jaꞌ meꞌ na naup sila. Meꞌ naa ina, balangkali binukaꞌ na meꞌ Tuhan puad da nawbat sampay koleꞌ pangahati ni kabanahan.

2 Timuti 4:14

Sarī man naa, iyakin ko ni si Aleksandel, lalla looy ma tukang maba tumbagaꞌ, batan tud bay basag sina ya bay nulang umanat kami. Maka meka sina kalaatan bay pabuwat na niyaku. Sugaꞌ biyahun na, hinisab du sina ya meꞌ Papuꞌ sikapataꞌ ka bay pabuwatan na.

Hibrani 10:32

Intomun bi doꞌ bay kahalan bi sibuwa bi bay mmeꞌ ni si Isa, jaman pamiki bi bohoꞌ bay pinadantaan. Saꞌ ba, biddaꞌ na ehe kabinsanaan bay tatasan bi?

Hibrani 2:4

Batan lay sila binuwanan meꞌ Tuhan kawasa mōꞌ jinisan pabuwatan kahaylan-haylan tandaꞌ mawjud umanat da pasal Almasi. Sampay lay gi sila binuwanan ladjikiꞌ man Tuhan, yana jinisan kapandoyan man Rū Sutsiꞌ gantaꞌ ma numan ni kahandak Tuhan.

1 Yahiya 5:16

Na katapusan bitsala ku, bong kita ngita disu danganakan ta sukuꞌ si Isa buwat dusa, subay ya pakuhan ta duwaa supaya ya pinanimbangan meꞌ Tuhan sampay sinampulnaꞌ nyawa na pabalik. Sugaꞌ bong baw dusa na yana ilooy disu ma katiksaꞌ ni nyawa saumu-umu, san kita yaꞌ na mahusaan dī ta makuhan iya duwaa.