Hibrani 6:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² ka hāl mandi, hāl nappak bumbunan jama maka hāl meꞌ manusiyaꞌ pinakallum pabalik sampay hāl meꞌ Tuhan motangan hukuman ma natas saumu-umu njataꞌ manusiyaꞌ.

Hibrani 6:2 ပူးပေါင်းရင်းမြစ်များ

Matiyu 28:19

Sangkon, lataan bi na junyaꞌ boꞌ toan bi na sikamimon bangsa pasal aku supaya sila mmeꞌ niyaku. Maka pandihun bi na sila ni awon Mmaꞌ ku, Anak na, ka Rū Sutsiꞌ.

Matiyu 3:14

Sugaꞌ yaꞌ kuhi si Yahiya. Yuk na ni si Isa, “Ongoy ko subay na pin pandi ku? Sapatut na bina, subay kau ya mandi aku.”

Malkus 16:16

Soysoy ina pitsayaꞌ niyaku sampay bay pinandi, malaingkan salamat na ya. Sugaꞌ soysoy ina yaꞌ pitsayaꞌ, kalabuan du sina hukuman Tuhan.

Malkus 7:4

Damikiyan, bong sila bay man tabuꞌ, yaꞌ du sila kakakan bong sila yaꞌ doꞌ bay duhuꞌ ngosoꞌ man da ngikut aturan kabboꞌ-bboan da. Maka meka gi silay jinisan aturan kabboꞌ-bboan da ikut da ni hāl meꞌ ngosoan ga sawan, karilu sampay ga siliꞌ.

Malkus 7:8

Dari yuk si Isa ninsila, “Kaam pun ilay meꞌ looy du. Batan bbuwatan bi mogbogan siga aturan manusiyaꞌ, boꞌ siga panohoan Tuhan tikutan bi na.

Lukas 11:38

Sugaꞌ tud bay jayip Parisi looy pag ndaꞌ na yaꞌ san si Isa bay ngikut lanan ni agama da bong pooy meꞌ siga Yahudi ngosoan tangan da boꞌ mangan.

Lukas 12:50

Sugaꞌ lumingkaꞌ doꞌ situ ku duhuꞌ njawom kabinsanaan mehe. Sangkon yaꞌ na pin situ sannang pamiki ku ngkod-ngkoran yaꞌ gi bay paddus.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 3:16

Sugaꞌ yuk si Yahiya, “Luu gi sina mintu pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ. Boꞌ iya ina mintu, man na mandi kaam, Rū Sutsiꞌ ka api.

Yahiya 5:29

Pag-anu, pōꞌ du sila. Kuwan sagannap ma bay buwat kaintongan, binuwanan na kaallum ma yaꞌ luu katapusan na njawom okoman Tuhan. Kuwan sagannap ma bay buwat kalaatan, kalabuan jaꞌ sina hukuman.”

Salsila siga Rasul 10:47

“Uy la, lay na du bitu hati ga jama tuu pinatannaan Rū Sutsiꞌ meꞌ bay kadari kitabi du! Sangkon yaꞌ na sila pataꞌ tinagga pinandi.”

Salsila siga Rasul 13:3

Dari siꞌ pus da bay puwasa ka maku duwaa pa Tuhan, lay na sila nappak bumbunan ga si Balnabas ka si Sol muwanan sila kapatut. Pag-anu, lay na sila sinohoꞌ ngalataan lahat masaplag.

Salsila siga Rasul 16:15

Dari lay na ya pinandi sampay na siga jama lumaꞌ da. Pag lupus, lay gi kami pogos na binoo pa lumaꞌ da, yuk na, “Bong gantaꞌ ni bandingan bi tud hilas du meꞌ ku pitsayaꞌ ni Papuꞌ Isa, mmeꞌ doꞌ kam pa lumaꞌ kami. Ndooy na doꞌ kam pahantiꞌ.” Dari sabap sigi-sigi ya mogos, lay du kami mmeꞌ.

Salsila siga Rasul 17:18

Ndooy siꞌ ni Aten, luu duwa palhimpunan ga guru ma tigiꞌ magbilmaarup pasal jinisan hāl ma kinapitsayaan meꞌ manusiyaꞌ. Disu palhimpunan inawnan Epikuru, kuwan ilooy disu Istoik. Na ga jama looy siꞌ tu, pag lay jaꞌ pinasaplagan meꞌ si Pol pasal si Isa sampay hāl meꞌ na bay pinakallum, yuk kasohean, “Uy, magligaw jaꞌ bina lalla naa! Bitsala oy doꞌ ina meꞌ naa?” Yuk kasohean baw siꞌ tu, “Marean ta bina binitsala meꞌ na siga tuhan ma yaꞌ gi tasayu tabi.”

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 2:41

Dari meka na jama bay pitsayaꞌ ni umanat si Pitel sampay lay na du sila nohoꞌ pinandi. Eka jama bay pasampun ni baanan sukuꞌ si Isa bay llaw looy, kulang-labi tallu libu.

Salsila siga Rasul 23:6

Na si Pol ilay siꞌ, ndang katoonan na kasohean paki ni baanan Sanhidrin looy lakka man palhimpunan Parisi, kuwan kasohean, lakka man palhimpunan Saddusi. Maka katoonan na du ndang yaꞌ magbēꞌ pangahati da pasal kitab. Dari lay ya mitsala pahaddo ninsila, yuk na, “Siga mbuwaꞌ danganakan, aku itu Parisi, mmaꞌ ku pun iyadu. Dari sibuꞌ du situ ku ka mimon Parisi pitsayaꞌ jama matoy pinakallum du bbos-bbos. Ituu na situ kon ku hinukum.”

Salsila siga Rasul 24:15

Maka sibuꞌ du ku ka ga pagkahi ku Yahudi ntuu pitsayaꞌ mimon manusiyaꞌ ma lay na matoy, intong saꞌ intong, mastiꞌ pinakallum du bbos-bbos.

Salsila siga Rasul 24:21

Sila ina, ilooy du bay tasakup da bay jaman ku ngahowap ni awpan da, ilooy ma yuk ku, ‘Ituu du tu man ku hinukum meꞌ bi batnaa sabap pitsayaꞌ ku mimon manusiyaꞌ ma lay na matoy mastiꞌ pinakallum jaꞌ meꞌ Tuhan bbos-bbos.’ ”

Salsila siga Rasul 24:25

Pag-anu, lay gi si Pol maan iya subay jama paintong ka ngagak dī da sabap song takka na sina hukuman Tuhan. Dari ilooy ma hanggaw na baw Gubnul Pilik pakale niiya. Sangkon yuk na, “Ddong na doꞌ ko mitsala batnaa. San ko lakka na doꞌ. Tawag ta sa ko pabalik bong mintu luu waktu ku.”

Salsila siga Rasul 26:8

Sugaꞌ ituu baw tilaw ku ningkaam sikamimon, ongoy tu subay na pin kam kaawran pitsayaꞌ Tuhan kapakallum jama matoy?

Salsila siga Rasul 4:2

Tud bay dugahan sila sabap njawom tōꞌ ga si Pitel luu du tabeꞌ pasal si Isa lay na pinakallum. Boꞌ ilooy na silay sipat ga jama matoy pinakallum du pabalik. Boꞌ siga Saddusi yaꞌ pitsayaꞌ jama matoy pinakallum.

Salsila siga Rasul 6:6

Pag lupus, lay na sila binoo pa awpan siga rasul. Ndooy siꞌ, lay sila pinakuhan meꞌ siga rasul duwaa sampay lay na tinappak bumbunan da tandaꞌ lay na sila binuwanan kapatut buwat ilooy ma bay sinukuꞌ ninsila.

Suwat si Pol pa mman Baanan Sukuꞌ si Isa ndooy ni Rom 2:16

Dari oy-oy jaꞌ ina bay pabuwat manusiyaꞌ, yaꞌ sina takupan ngabut sampay llaw bay ginantaꞌ meꞌ Tuhan man si Isa Almasi ngahukum. Ni llaw looy ilay mintu, sampay mimon ma bay tinapuk njawom atay manusiyaꞌ pinōꞌ na meꞌ Tuhan, boꞌ da hinukum na. Na mimon ilay ma bay sabbut ku siꞌ, tabeꞌ du sina ni umanat mahap ma pasaplag ku.

1 Korin 10:2

Dari kahalan da ilay siꞌ ni tayiꞌ baliyu looy ka dilawut looy, tabilang lay sila pinandi tandaꞌ da mmeꞌ ni Nabi Musa.

1 Korin 12:13

Lay na kitabi tinibuuk meꞌ Tuhan pa disu baran sa batan lay na kitabi saliꞌ-saliꞌ pinaasokan disu Rū, yana Rū Sutsiꞌ. Kasohean kitabi bangsa Yahudi, kasohean ssaꞌ, kasohean ata, kasohean ssaꞌ, sugaꞌ saliꞌ-saliꞌ kitabi bay pinaasokan Rū Sutsiꞌ.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

Kolossa 2:12

Batan takdang bi ilay bay llobloban pinandi, meꞌ bi ngingat, lay na kam tabeꞌ ni Almasi kinubu. Pag tunga bi man jawom boheꞌ, damikiyan, meꞌ bi ngingat, lay na du kam tabeꞌ ni Almasi pinakallum pabalik. Dari sabap meꞌ bi pitsayaꞌ Tuhan bay makallum Almasi pabalik, kaam pun ina lay na du bay binuwanan kaallum bahau.

2 Timuti 2:18

Tud lay na silay sila magsiꞌ man kabanahan. Baꞌ-bāꞌ da, lai na bay pingkaꞌ masa jama matoy pinakallum pabalik. Dari sabapan tōꞌ da, lay na ga jadjuꞌ pangando kasohean sukuꞌ si Isa.

Hibrani 11:35

Maka luu gi karandahan bay kapatoyan, sugaꞌ sabapan pangando da, lay na llum pabalik kakasi da. Sugaꞌ luu du baw silay sukuꞌ Tuhan bay sigi-sigi pinakissahan paddi ngabut sampay man da matoy sabap meꞌ da yaꞌ kuhi ngalabbahan pangando da pa Tuhan. Bong siꞌ ilay sila bay kuhi ngalabba, mastiꞌ lay jaꞌ sila pinōꞌ. Sugaꞌ honaꞌ-honaꞌ da, gam na tatasan da supaya sila sannang pag mintu taabut pinakallum pabalik mimon manusiyaꞌ.

Hibrani 9:10

Sarī gi, siga aturan ma bay bogbogan da ilay tuwaꞌ pa hāl ma yaꞌ ngotab pa jawom atay, meꞌ sapantun aturan hāl makanan ka inuman sampay jinisan pandihan. San pooy meꞌ mogbogan siga aturan meꞌ looy, yaꞌ du kasutsiꞌ ni atay. Sugaꞌ talpaksaꞌ baw ninsila mogbog ngkod-ngkoran yaꞌ gi bay pinasampay pagsulutan bahau.

2 Pitel 3:7

Damikiyan, gumi ka langit ma luu ni batnaa, ampud leꞌ api bbos-bbos man sabapan palman Tuhan du. Sugaꞌ nilantan gi sina ngkod-ngkoran yaꞌ gi taabut llaw hukuman, yana llaw man Tuhan makaat sagannap ma yaꞌ luu tawu da niiya.