Hibrani 6:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Sangkon, ddong na kitabi kataddasan ni tōꞌ ma ndang lay na takoleꞌ tabi jaman tabi bahau bay mmeꞌ ni Almasi. Palanja na kitabi pa pangahati lawom mari pataggu na iman tabi. Ibaratan buwat lumaꞌ, bong kita lay na matangge tehang, san kita yaꞌ na matangge pabalik. Hati na, san yaꞌ na pagsibalik-balik tabi tōꞌ ma ndang katoonan tabi na. Awnan ku ilay siꞌ yana hāl meꞌ sapantun nawbatan dusa, pangando pa Tuhan,

Hibrani 6:1 ပူးပေါင်းရင်းမြစ်များ

Matiyu 21:29

“Sugaꞌ yuk anak na siꞌ tu, ‘Yaꞌ ku la kuhi.’ Sugaꞌ yaꞌ hallom, lay du halin na pikilan na sampay lay na ya pilay pa kabbun da.

Matiyu 21:32

Batan kaam ina, jaman si Yahiya ma Tukang Mandi bay pitu makitahan kaam lān intong tinūs pa Tuhan, yaꞌ kam bay kuhi pitsayaꞌ niiya. Gam gi siga tukang ninga sukay ka ga puta pitsayaꞌ lagi. Boꞌ ilooy gi laat na, san lay na takita bi lay na paayad kawul-piil da, masi du kam yaꞌ pitsayaꞌ ni umanat si Yahiya sampay nawbat.”

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 4:17

Dari pag takka si Isa pa Kapelniyum, labba mandooy lay na ya nagnaꞌ masaplagan jama, yuk na, “Nawbat na kam sabap tapit na katakka pamarinta Tuhan.”

Matiyu 5:48

Sangkon, subay mahap gi man mahap arat-tabiat bi meꞌ karuha arat-tabiat Mmaꞌ bi Tuhan.”

Matiyu 7:25

Dari minsan lumaꞌ na tuwaꞌ uwan ka baliyu landos haboyan dunuk, yaꞌ du kuhi habbaꞌ sabap siga tehang na bay kinalihan palawom, boꞌ sinoksokan lagi batu.

Malkus 1:1

Ituu tu umanat mahap pasal si Isa Almasi, yana Anak Tuhan. Duhuꞌ-duhuꞌ,

Malkus 6:12

Dari siꞌ, lay na sila ngalataan lahat masaplag ni jama nohoꞌ nawbatan dusa da.

Lukas 6:48

Iya meꞌ sapantun jama bay buwat lumaꞌ pagon makoy tehang mehe boꞌ kinalihan palawom sampay sinoksokan lagi batu mehe-mehe. Pag luu dunuk, san tuwaꞌ liyud basag lumaꞌ na, yaꞌ san kuhi jadjuꞌ sabap takkoꞌ meꞌ na bay buwat.

Yahiya 12:44

Pag-anu, luu na baw disu waktu sasang si Isa noan jama, pinahaddo meꞌ na suwara na, yuk na, “Soysoy pitsayaꞌ niyaku, malaingkan pitsayaꞌ du sampay ni ilooy ma bay mapitu aku.

Yahiya 14:1

Pag-anu, yuk si Isa ni siga mulit na, “Daa gundalaꞌ atay bi. Mangando jaꞌ kam pa Tuhan. Damikiyan, mangando du kam niyaku.

Yahiya 5:24

“Baan ta kam banahan, soysoy ina nganna bitsala ku saltaꞌ na pitsayaꞌ ni ilooy ma bay mapitu aku, malaingkan luu na kasampulnaan nyawa na saumu-umu. Yaꞌ na ya kalabuan hukuman. Dari ko ngawon, sibuꞌ na karuha na ka jama bay matoy lay na pinakallum pabalik. Batan luu na kaallum na bahau.

Salsila siga Rasul 11:18

Pag bay takale meꞌ siga Yahudi looy tuntut si Pitel, bohoꞌ da lay na patagong nahawi. Pag-anu, boꞌ da mudji Tuhan. Maka yuk da, “Bong bilay meꞌ looy, lay na du hati buwanan Tuhan ga bangsa saꞌ Yahudi lawang man da nawbatan dusa da supaya sila koleꞌ na du kasampulnaan nyawa saumu-umu.”

Salsila siga Rasul 17:30

“Maruhuꞌ, ni kaawam manusiyaꞌ pasal Tuhan, lay gi pabiya na karupangan da. Sugaꞌ batnaa, sohoꞌ na na mimon jama ni sikaliput junyaꞌ nawbatan dusa da.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Salsila siga Rasul 26:20

Duhuꞌ-duhuꞌ man ku bay masaplag ndooy ni Damaskus. Pasunuꞌ, ndooy na baw ni Jerusalem. Paddus mandooy, boꞌ lay na ku ngalataan kakawum-kawman ni sikaliput Yahudiya. Lakka mandooy, lay na baw ku pilay pa kalahat-lahatan ga bangsa saꞌ Yahudi masaplag. Tōꞌ ku ninsila, subay sila nawbat ka maglillaꞌ pa Tuhan. Maka subay sila buwat kaayaran mari tumatandaꞌ lai na du labbahan da mimon dusa da.

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

1 Korin 13:10

Sugaꞌ pag ina mintu taabut na llaw man magjatu na maksud Tuhan labbasakayi, yaꞌ na luu guna siga ladjikiꞌ looy siꞌ.

1 Korin 2:6

Na kami tu, saꞌ baw ga yaꞌ na kami mōꞌ tōꞌ lawom. Batan tuktuk kami noan sagannap ma taggu iman da, mastiꞌ mōꞌ du kami. Sugaꞌ tōꞌ lawom ma pinasampay meꞌ kami saꞌ ga tōꞌ ma hagaan ni jama ma yaꞌ pitsayaꞌ ni si Isa. Maka saꞌ du tōꞌ ma hagaan ni siga pa-mmean ni junyaꞌ ma yaꞌ ngisbat Tuhan, yana sagannap ma yaꞌ luu kasongan da.

2 Korin 7:1

Na siga kakasi ku, siga janjiꞌ Tuhan ilay para ningkitabi. Sangkon, labbahan tabi na mimon pamiki maat ka mimon pabuwatan ma katamak ningkitabi. Maka pakutuꞌ tabi na meꞌ tabi mōꞌ kawul-piil sutsiꞌ ma nulut ni kahandak Tuhan, pamaehe maltabat niiya.

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.

Epesus 2:1

Na maruhuꞌ, kaam ina, bong pa Tuhan, matoy jaꞌ kam sabapan dusa bi hangat ngalangga kahandak na. Yaꞌ gi luu kaallum bi bahau.

Epesus 2:5

Batan minsan kitabi meꞌ karuha jama matoy sibuwa ni mata Tuhan sabapan dusa tabi, lay na du kitabi tabeꞌ ni Almasi pinakallum. Dari salamat na kitabi isu-isu sabapan aseꞌ Tuhan.

Epesus 4:12

Sila ilay bay binuwanan ladjikiꞌ meꞌ looy man da malangkapan siga sukuꞌ Tuhan majatu oy-oy sinukuꞌ meꞌ Tuhan ninsila, maka supaya pasōng na pin hāp sambuhan nyawa sikamimon ma binilang baran Almasi.

Kolossa 1:28

Dari inaa na sina kon kami masaplag pasal iya ni sikamimon bangsa. Sabuli-buli kami na situ mupusan kapandoyan bay pamuwan Tuhan ningkami man kami noan sila sampay ngawalan sila. Batan kainagon kami sikamimon ma mmeꞌ ni Almasi yaꞌ na luu sutsutan njataꞌ da ni mata Tuhan.

Kolossa 3:14

Labi man sikamimon ma bay sabbut ku siꞌ, subay kam sikaaseꞌ-kaaseꞌ. Batan aseꞌ ina, bong ibaratan ingkot, inaa na man makkos kaam mari kam dambuwaꞌ atay sikamimon.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

1 Timuti 6:19

Bong ina tud bean da du palbiatan tuu, sibuꞌ du sina sila ka bay ngannaan dī da altaꞌ para ni ahirat ma yaꞌ na kuhi lungay saumu. Maka takissa da na kaallum sabanna.

2 Timuti 2:19

Sugaꞌ san du ina dangoy tōꞌ palsu pinaantup, bong inawnan kabanahan man Tuhan, mastiꞌ taasahan jaꞌ. Sibuꞌ du sina karuha na ka pananggehan lumaꞌ ma yaꞌ takoleꞌ inusik. Maka luu gi sina duwa kabanahan bay sinuwatan ma subay iningat meꞌ ta. Disu, “Kinatoonan du sina meꞌ Tuhan bong soy sukuꞌ na,” kaduwa na, “Soysoy mangaku sukuꞌ Tuhan, subay tagongan da na buwat dusa.”

Hibrani 11:6

Na bong inawnan nulut ni kahandak Tuhan, tunmanūn meꞌ jama kasulut niiya bong yaꞌ luu pangando da niiya. Sarī man naa, soysoy doman patapit pa Tuhan subay pitsayaꞌ luu ya. Maka subay ya pitsayaꞌ Tuhan nupaatan sagannap ma magkainagon lungbid ka iya.

Hibrani 12:13

Nūs jaꞌ kam lān intong supaya luu inuru meꞌ pagkahi bi ma yaꞌ gi takkoꞌ pangando da. Meꞌ looy ilay, yaꞌ sila magsiꞌ, gam pin pabasag pangando da sabapan bi.

Hibrani 7:11

Na ni bay jaman saraꞌ bay ndean Nabi Musa, si Harun ka ga pagkahi na panubuꞌ si Libay bay inuwakilan mag-imam. Maka bay sinukuꞌ ninsila noan siga raayat da saraꞌ. Sugaꞌ pagkaimam da yaꞌ bay kasutsiꞌ ni pangatayan siga raayat da. Bong siꞌ ilay bay na takaya meꞌ pagkaimam ga si Harun nutsiꞌ pangatayan jama, san Tuhan yaꞌ na bay nganggantian pagkaimam da ka pagkaimam meꞌ ni si Melkisedek.

Hibrani 9:14

Na bong lahaꞌ hayop kasutsiꞌ, labi na bong lahaꞌ Almasi saꞌ kasutsiꞌ. Batan lahaꞌ Almasi ina kasutsiꞌ sampay ni honaꞌ-honaꞌ tabi ma bay tamakan sabap meꞌ tabi bay maabak jinisan ma katiksaꞌ ni nyawa tabi. Dari man kawasa Rū Sutsiꞌ ma luu saumu-umu, lay na Almasi nongan umu na pa Tuhan bilang kulban ma yaꞌ luu salla na. Kon na buwat meꞌ looy supaya bean tabi na kahandak Tuhan.

Yaꞌkub 1:4

Sangkon tatasan bi jaꞌ san gi oy katuwaꞌ ningkaam. Bong siꞌ ina kam natas, pag toklas na, taggu na iman bi ngabut sampay yaꞌ na luu salla ni kawul-piil bi samasakali.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

1 Yahiya 4:12

Man awwal tagnaꞌ lagi yaꞌ luu manusiyaꞌ bay ngita Tuhan. Sugaꞌ bong ina kitabi sikaaseꞌ-kaaseꞌ, tumatandaꞌ tattog Tuhan njawom baran tabi. Maka njataꞌ tabi pasampay na na aseꞌ na ni manusiyaꞌ.