Hibrani 5:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Iya ilay, san ya Anak Tuhan, lay du ya lumingkaꞌ njawom jinisan kabinsanaan supaya takissa na parasahan manusiyaꞌ mean kahandak Tuhan tanne-pasuꞌ.

Hibrani 5:8 ပူးပေါင်းရင်းမြစ်များ

Matiyu 3:15

Sugaꞌ tampung si Isa, “Pilayun na ba. Dari du sina ko mandi aku, batan subay bean ta mimon kahandak Tuhan ningkita.” Dari lay na kuhi si Yahiya mandi si Isa.

Yahiya 10:18

Yaꞌ luu kalakkahan umu ku, sugaꞌ aku ya sina mintu maggasad bayaꞌ nongan umu ku. Luu kapatut ku nongan umu ku maka luu du situ kapatut ku mawiꞌ. Batan ndang ituu bay sinohoꞌ meꞌ Mmaꞌ ku niyaku.”

Yahiya 15:10

Bong ina bean bi jaꞌ siga panohoan ku, kasengan bi sina aseꞌ ku. Aku pun, wā du bean ku siga panohoan Mmaꞌ ku sabap kasengan ku aseꞌ na.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 6:38

Aku itu bay duwai man sulgaꞌ luꞌ pitu, saꞌ du man ku nulut kahandak ku, arapun bong pin taduwan ku jaꞌ kahandak Mmaꞌ ku ma bay mapitu aku.

Pilipi 2:8

Tandaꞌ na magpadiyoꞌ, lay gi ya maglillaꞌ pinapatoy llansang taꞌ tehang man na ngasip ni mimon kahandak Mmaꞌ na.

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

Hibrani 1:5

Buktiꞌ na langkaw gi ya man siga malaikat, luu palman njawom kitab, ilooy ma yuk Tuhan ni Almasi, “Kau ina Anak ku. Labba man llaw tuu tumatandaꞌ na aku Mmaꞌ nu.” Boꞌ siga malaikat ina, yaꞌ luu san disu bay pingkaꞌ ginalla meꞌ looy. Damikiyan, saꞌ du silay malaikat awnan Tuhan jaman na bay magpalman, ilooy ma yuk na, “Aku na Mmaꞌ na, maka iya na Anak ku.”

Hibrani 1:8

Boꞌ ni Anak na ina, yuk Tuhan, “Meꞌ kau ina Tuhan, mastiꞌ natas saumu-umu pagkasultan nu. Maka intong jaꞌ meꞌ nu marintahan siga raayat nu.

Hibrani 3:6

Boꞌ Almasi baw ilay, saꞌ ya tindog meꞌ karuha Nabi Musa, arapun iya ilay tud Anak Tuhan mismu kanaalla magtakōk ni siga jama lumaꞌ Mmaꞌ na. Boꞌ kitabi na situ initung jama lumaꞌ Tuhan basta tattap jaꞌ pangando tabi ni Almasi, maka basta yaꞌ jaꞌ kitabi jamu ngagad ni mimon ma bay njanjiꞌ meꞌ Tuhan ni siga sukuꞌ na.