Hibrani 4:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Sangkon pag batnaa, tabista tabi na luu na pahaliyan sarī man siga sukuꞌ Tuhan paasok ni timpu batnaa. Dari luu na du dapat tabi pahali meꞌ karuha Tuhan bay pahali ni kapituꞌ ngallaw pus na bay mapayak mimon-mimon.

Hibrani 4:9 ပူးပေါင်းရင်းမြစ်များ

Matiyu 1:21

Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 11:25

Honaꞌ-honaꞌ na, gam na ya magpalapay ni kabinsanaan bangsa na sukuꞌ Tuhan man na nnaa magparasahan ayad maabak dusa ma moo kagakan samantalaꞌ du.

Hibrani 3:11

Dari ni kalasu ku, lay na ga sila subalihan ku, basta yaꞌ na sila padari ku paasok pa jawom pahaliyan ku.”

Hibrani 4:1

Na san meꞌ looy bay katuwaꞌ ni kabboꞌ-bboan tabi, masi du situ luu pahaliyan ni timpu batnaa ma bay njanjiꞌ meꞌ Tuhan ndean siga sukuꞌ na. Sugaꞌ paliksaun bi doꞌ dī bi bong tud luu na kam njawom pahaliyan looy, taggahaꞌ luu na pin kam yaꞌ gi bay paasok.

Hibrani 4:10

Na soysoy ina bay paasok pa jawom pahaliyan sabanna ma bay hinalliꞌ meꞌ Tuhan ni sukuꞌ na, malaingkan patagong na sila mangasa ni hulas-sangsāꞌ da magtaat man da initung intong. Dari ko ngawon, bohoꞌ da kapahali ni bay pabuwatan da meꞌ karuha Tuhan bay pahali pus na bay mapayak mimon-mimon.

Hibrani 4:3

Boꞌ ningkitabi, sagannap ma pitsayaꞌ, kapaasok na pa jawom pahaliyan ma bay hinalliꞌ meꞌ Tuhan ni sukuꞌ na. Boꞌ sagannap ma yaꞌ pitsayaꞌ ina, niyaꞌ luu dapat da paasok. Mamintang jaꞌ kam ni bay halling Tuhan pasal kabboꞌ-bboan tabi ma yaꞌ bay pitsayaꞌ, yuk na, “Ni kalasu ku ninsila, lay na ga sila subalihan ku, basta yaꞌ na sila padari ku paasok pa jawom pahaliyan ma bay hinalliꞌ meꞌ ku ninsila.” Ni sabana na, inawnan pahaliyan ilay, ndang luu na bay pinanyap jaman Tuhan bay mapayak mimon-mimon.

Hibrani 4:8

Dari katoonan tabi na, pahaliyan sabanna saꞌ silay ndooy ni Kanan man si Jasuwa bay moo kabboꞌ-bboan tabi. Bong siꞌ ilay ndang lahat looy pahaliyan sabanna bay awnan Tuhan, mastiꞌ yaꞌ na ya bay mahati ni jama ga luu gi masa bay ginantaꞌ meꞌ na man manusiyaꞌ paasok pa jawom pahaliyan na.

1 Pitel 2:10

Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.

Siga Pakaradjaan bay Pinalahil 14:13

Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”

Siga Pakaradjaan bay Pinalahil 21:4

Sagannap ma tumabeꞌ njawom daira looy, pinuusan na sina meꞌ Tuhan mimon boheꞌ mata da. Yaꞌ na luu kinasusahan ndooy. Kapatoy pun, ya na du luu. Damikiyan dukka maka tangis sampay paddi, yaꞌ na du luu ndooy, batan siga pakaradjaan maruhuꞌ meꞌ looy lay na lanyap.”