Hibrani 4:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Dari katoonan tabi na, pahaliyan sabanna saꞌ silay ndooy ni Kanan man si Jasuwa bay moo kabboꞌ-bboan tabi. Bong siꞌ ilay ndang lahat looy pahaliyan sabanna bay awnan Tuhan, mastiꞌ yaꞌ na ya bay mahati ni jama ga luu gi masa bay ginantaꞌ meꞌ na man manusiyaꞌ paasok pa jawom pahaliyan na.

Hibrani 4:8 ပူးပေါင်းရင်းမြစ်များ

Salsila siga Rasul 7:45

“Na hallom maka hallom na, siga anak kabboꞌ-bboan tabi na baw pasīng ngantanan langga looy. Dari sila na bay moo langga looy siꞌ pa lahat tuu jaman Boꞌ Jasuwa mag-anakkuraꞌ ninsila. Maka ilooy na silay jaman Tuhan bay nabangan sila malahi kabangsa-bangsahan ma ndang bay maglahat ntuu. Dari kuwan langga looy, masi na pin luu ntuu ngabut sampay bay jaman Sultan Daud marinta.

Hibrani 1:1

Maruhuꞌ, njataꞌ kanabi-nabihan man Tuhan bay masampay siga umanat na ni kabboꞌ-bboan tabi. Boꞌ kajinisan na jalan man Tuhan bay masampay siga umanat na ninsila kaniya-kaniya ka masa da.

Hibrani 4:9

Sangkon pag batnaa, tabista tabi na luu na pahaliyan sarī man siga sukuꞌ Tuhan paasok ni timpu batnaa. Dari luu na du dapat tabi pahali meꞌ karuha Tuhan bay pahali ni kapituꞌ ngallaw pus na bay mapayak mimon-mimon.