Hibrani 4:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon, amay-amay bean tabi na suwat njawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi.” Bitsala looy ilay siꞌ bay sinuwatan meꞌ Nabi Daud hatusan taun na paddus bay jaman kabboꞌ-bboan tabi yaꞌ ngasip ni Tuhan. Maksud suwat Nabi Daud ilay man mahati ni jama luu gi masa sarī bay ginantaꞌ meꞌ Tuhan man manusiyaꞌ kapaasok pa jawom pahaliyan na, yana batnaa na situ.

Hibrani 4:7 ပူးပေါင်းရင်းမြစ်များ

Matiyu 22:43

Yuk si Isa, “Bana ningkaam. Sugaꞌ ongoy baw lay awnan Sultan Daud panubuꞌ na yana Papuꞌ na? Batan saꞌ ba, sasang Sultan Daud ssob meꞌ Rū Sutsiꞌ, yuk na njawom kitab,

Malkus 12:36

Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Lukas 20:42

Sugaꞌ ongoy baw Sultan Daud bay ngawnan panubuꞌ na Papuꞌ na. Saꞌ ba, luu njawom Kitab Jabul ilooy ma yuk Sultan Daud mattoꞌ, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan,

Salsila siga Rasul 2:29

Yuk si Pitel lagi, “Na siga danganakan ku, Nabi Daud ilay siꞌ bay mitsala, tarang-tarang na, yaꞌ ya bay ngawnan dī na, batan ndang katoonan tabi na du, pag patoy na, lay du ya bay kinubu, sampay yaꞌ na ya bay pōꞌ pabalik. Boꞌ masi gi luu kubu na ni lahat tabi.

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

Hibrani 3:15

Sangkon, daa na takupan tabi ilooy ma bay sabbut ku siꞌ man jawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi meꞌ kadari jaman kabboꞌ-bboan bi bay nulang kahandak Tuhan.”