Hibrani 4:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Sangkon, daa na kitabi paagak paasok pa jawom pahaliyan looy. Daa na kitabi ngakig kabboꞌ-bboan tabi ma yaꞌ bay pitsayaꞌ ka yaꞌ bay ngasip ni palman Tuhan taggahaꞌ sampay kitabi pun yaꞌ na du kapaasok.

Hibrani 4:11 ပူးပေါင်းရင်းမြစ်များ

Matiyu 7:13

Yuk si Isa lagi, “Bong kam doman tabeꞌ pa jawom pamarinta Tuhan, talpaksaꞌ subay kam pingkaꞌ man lawang kiput. Batan lawang mehe ina, san luha lān na ka meka jama nūs, tumiluꞌ baw sila pa jawom kabinasahan.

Lukas 13:24

“Pamarinta Tuhan ina tadalil pa disu lumaꞌ ma kiput lawang na. Subay pagbuli-bulihan bi na paasok man lawang looy. Meka na sina mintu jama miha lawang sarī, sugaꞌ yaꞌ luu dapat da paasok.

Lukas 16:16

Yuk si Isa lagi, “Na halloman yaꞌ gi bay pōꞌ si Yahiya ma Tukang Mandi, bohoꞌ saraꞌ Nabi Musa sampay na mimon suwat kanabi-nabihan bay pinasaplag. Sugaꞌ labba man jaman si Yahiya ngabut sampay batnaa, luu na umanat mahap pasal pamarinta Tuhan pinasaplag. Maka manusiyaꞌ sikamimon, pinagbuli-bulihan na binoo paasok pa jawom okoman pamarinta na.

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Salsila siga Rasul 26:19

“Dari Ampun Sultan Agripa, ilooy ilay siꞌ ma bay sohoꞌ Papuꞌ Isa niyaku jaman na mitsala niyaku man taꞌ langit, lay na du asip ku.

Epesus 2:2

Jaman looy ilay, bbuwatan bi mandang hāl junyaꞌ jaꞌ sabap bay kam pinagmundaan meꞌ panghuluꞌ siga seytan, yana Ibilis. Iya ilay ndang magbayaan sagannap ma yaꞌ doman mmeꞌ ni kahandak Tuhan.

Epesus 5:6

Daa kam kuhi ndupang meꞌ jama ma māꞌ yaꞌ du maat siga kalaatan meꞌ looy siꞌ. Basta mehe baw silay laat na. Batan siga kalaatan meꞌ looy ilay yana poonan man Tuhan mōꞌ mulkaꞌ na ni mimon ma amu-amu nulang kahandak na.

Pilipi 2:12

Sangkon siga kakasi ku, yana meꞌ bi bay adil ngasip ni Papuꞌ bay jaman ku nnaa man bi, labihan bi lagi likutan ku ntuu. Subay kam tawu pa Tuhan ka ngisbat iya. Subay kam mmeꞌ ni kahandak na sampay maglillaꞌ niiya sigi-sigi ngahalin pangatayan bi. Meꞌ naa ina, tapajatu na na maksud na bay nalamat kaam.

Kolossa 3:6

Jama ma buwat kalaatan meꞌ looy ilay, tumatandaꞌ yaꞌ sila ngasip ni kahandak Tuhan. Boꞌ ilooy na silay poonan man da tuwaꞌ mulkaꞌ bbos-bbos.

Taytus 1:16

Boꞌ sagannap ma nuwak tōꞌ sabanna, san ina sila māꞌ katoonan da Tuhan, tumatandaꞌ du ni tangge-tingkōꞌ da yaꞌ bana bitsala da. Pabuwatan da ina sinukang meꞌ Tuhan. Yaꞌ sila ngasip niiya. Maka yaꞌ sila tawop pinakoy ni oy-oy pabuwatan mahap.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

Hibrani 4:6

Kon ilay Tuhan bay magpalman meꞌ looy batan kabboꞌ-bboan tabi ilay, san lay na binaan umanat mahap pasal pahaliyan looy sampay sinohoꞌ paasok, yaꞌ du sila bay ngasip. Sugaꞌ ni masa batnaa, luu na pahaliyan sarī. Maka bukaꞌ na lawang na man manusiyaꞌ paasok.

Hibrani 6:11

Kainagon kami itu tiggohan bi na pin buwat meꞌ naa halloman bi llum supaya tantu takoleꞌ bi mimon ma hinolat meꞌ bi man Tuhan.

2 Pitel 2:6

Damikiyan luu lagi silay siga jama ndooy ni Sodom ka Gomora lay du kalabuan hukuman Tuhan mattoꞌ. Saꞌ ba, lay jaꞌ sila ampud leꞌ Tuhan, sampay ga daira da pun, bay du dari abu sadjaꞌ. Dari njataꞌ da, ndooy na kitabi ngaddoꞌ matakaddam bong oy palas jama ma yaꞌ luu tawu da pa Tuhan.