Hibrani 4:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Na soysoy ina bay paasok pa jawom pahaliyan sabanna ma bay hinalliꞌ meꞌ Tuhan ni sukuꞌ na, malaingkan patagong na sila mangasa ni hulas-sangsāꞌ da magtaat man da initung intong. Dari ko ngawon, bohoꞌ da kapahali ni bay pabuwatan da meꞌ karuha Tuhan bay pahali pus na bay mapayak mimon-mimon.

Hibrani 4:10 ပူးပေါင်းရင်းမြစ်များ

Panagnaan 2:2

Lay na lupus papayak na mimon-mimon njawom nnom ngallaw. Pag taabut ni kapituꞌ ngallaw, lay na ya pahali.

Yahiya 19:30

Lay jaꞌ siꞌ ya nassop, yuk na, “Lupus na.” Pag-anu, ilooy ma lay na palonyok kōk na sampay lay na ya makkat.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 10:12

Boꞌ ni panghuluꞌ imam ma asahan tabi ilay, yana si Isa Almasi, ilooy ya bay songan na yana baran na mismu sakayi labba du man muwasan dusa manusiyaꞌ. Boꞌ tasakup na na silay saumu-umu. Pag-anu, boꞌ na lay na ningkōꞌ ni bihing Tuhan huwin pa kawnan.

Hibrani 4:9

Sangkon pag batnaa, tabista tabi na luu na pahaliyan sarī man siga sukuꞌ Tuhan paasok ni timpu batnaa. Dari luu na du dapat tabi pahali meꞌ karuha Tuhan bay pahali ni kapituꞌ ngallaw pus na bay mapayak mimon-mimon.

Siga Pakaradjaan bay Pinalahil 14:13

Pag-anu siꞌ, kale na baw ku suwara lakka man sulgaꞌ, yuk na, “Suwatan nu ituu: Labba man batnaa, njawom supaat sina sagannap ma matoy sabap meꞌ da mmeꞌ ni Papuꞌ Isa.” Pag-anu siꞌ, sinambag na baw meꞌ Rū Tuhan, yuk na, “Bana sina, njawom supaat sila. Bohoꞌ da kapahali man mimon bay hulas-sangsāꞌ da. Maka taboo da du sina mintu pa ahirat mimon kaayaran bay pabuwat da.”

Siga Pakaradjaan bay Pinalahil 6:11

Pag-anu siꞌ, lay na sila binuwanan juba poteꞌ saliꞌ-saliꞌ boꞌ da nohoꞌ ngagad-ngagad gi dangkitiꞌ. Noy konoꞌ mintu ngabut na gantaan eka pagkahi da ata Tuhan pinapatoy meꞌ karuha da du, boꞌ da binawsan.