Hibrani 3:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Sangkon subay kanna tabi suwat njawom kitab, yana panohoan Rū Sutsiꞌ ningkitabi, ilooy ma yuk na, “Llaw tuu, bong kam kale suwara Tuhan,

Hibrani 3:7 ပူးပေါင်းရင်းမြစ်များ

Matiyu 17:5

Pag-anu, sasang si Pitel siꞌ mitsala, liput na sila meꞌ tayiꞌ baliyu poteꞌ malaas, ninag na. Maka luu gi suwara pōꞌ man jawom tayiꞌ baliyu looy, yuk na, “Inaa ina Anak ku, kakasi ku. Kasulutan ku banahan niiya. Indanan bi bitsala na.”

Matiyu 22:43

Yuk si Isa, “Bana ningkaam. Sugaꞌ ongoy baw lay awnan Sultan Daud panubuꞌ na yana Papuꞌ na? Batan saꞌ ba, sasang Sultan Daud ssob meꞌ Rū Sutsiꞌ, yuk na njawom kitab,

Malkus 12:36

Sugaꞌ sasang Sultan Daud ssob meꞌ Rū Sutsiꞌ mattoꞌ, bay ya ngawnan panubuꞌ na Papuꞌ na. Batan saꞌ ba, yuk Sultan Daud njawom kitab, ‘Yuk Tuhan ni Papuꞌ ku: Ningkōꞌ ko ni bihing ku huwin pa kawnan, boꞌ nnaꞌ ku mimon banta nu ni diyoꞌ pāt battis nu.’

Yahiya 10:16

Sarī man siga bili-bili ku ni baanan tuu, luu gi sina kasohean ma saꞌ ni baanan tuu. Sila pun ina subay du liyun ku pa jawom okoman ku. Sila ina mintu pakale du ni suwara ku. Pag ina mintu sila pinaasok na du meꞌ ku pa jawom okoman ku, mimon sukuꞌ ku dari disu baanan sa njawman disu tukang ipat.

Yahiya 10:27

Batan bong ina siga sukuꞌ ku, mastiꞌ pakale jaꞌ ni suwara ku. Lungbid kami ka sila maka mmeꞌ na jaꞌ sila niyaku.

Yahiya 10:3

Maka tuktuk na paasok, binukisan jaꞌ ya meꞌ tukang jaga lawang. Lagiꞌ na, bila ya mitsala, takila suwara na meꞌ siga bili-bili na. Dari linganan na siga bili-bili na disu-disu ddas ka awon da saliꞌ-saliꞌ, boꞌ da boo na pa poan.

Yahiya 5:25

“Baan ta kam banahan, tapit banahan na situ waktu sagannap ma tiksaꞌ nyawa da kale suwara Anak Tuhan nginganan sila. Sagannap ma ngahasi iya, mastiꞌ koleꞌ kaallum bahau.

Salsila siga Rasul 1:16

“Siga danganakan, subay situ kitabi isun bong soy peneꞌ tabi gantiꞌ ni si Judas. Ndang katoonan bi na du, si Judas pun lay du pineneꞌ meꞌ si Isa binuwat rasul na sibuꞌ du ka kami. Boꞌ lay du ya tabeꞌ ni pabuwatan ma bay sinukuꞌ ningkami saliꞌ-saliꞌ. Sugaꞌ ndang katoonan bi na du, maruhuꞌ-ruhuꞌ Nabi Daud bay nunaꞌ njawom kitab man kapandoyan Rū Sutsiꞌ pasal disu lalla ma nipu Almasi ni sinōng. Na tiyap-tiyap tunaꞌ nabi ina, mastiꞌ binakbul jaꞌ. Boꞌ lai na du bana binakbul tunaꞌ looy siꞌ njataꞌ si Judas waktu na bay moo jama nungkuban si Isa.

Salsila siga Rasul 28:25

Dari bbuwatan siga Yahudi looy siꞌ, lay na ga magjaw-jawap. Tapit jaꞌ siꞌ sila palakka, yuk si Pol ninsila, “Na bong ina kam yaꞌ pitsayaꞌ, pahap-hap kam taggahaꞌ tuwaꞌ du pa kaam umanat looy ma bay sohoꞌ Rū Sutsiꞌ pinasampay ni Nabi Isaya pa mman siga kabboꞌ-bboan tabi. Yuk Rū Sutsiꞌ ni Nabi Isaya,

Salsila siga Rasul 8:29

Pag-anu siꞌ, yuk Rū Sutsiꞌ ni si Pilip, “Pilay ko. Pahaboy ko ni kalesa looy.”

Hibrani 10:15

Na bay pabuwatan Almasi ilay, magtuntun du ka ilooy ma bay sohoꞌ Rū Sutsiꞌ sinuwat njawom kitab, ilooy ma yuk Tuhan,

Hibrani 3:13

Sangkon llaw pa dangallaw, padpad luu gi waktu, sipaintom-paintom na pin kam supaya kam yaꞌ tadupang meꞌ napsu bi sampay man bi kapagdusa. Ilagan bi dī bi taggahaꞌ patohas na baw kōk bi sampay man bi yaꞌ na kuhi mean kahandak Tuhan.

Hibrani 3:15

Sangkon, daa na takupan tabi ilooy ma bay sabbut ku siꞌ man jawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi meꞌ kadari jaman kabboꞌ-bboan bi bay nulang kahandak Tuhan.”

Hibrani 4:7

Sangkon, amay-amay bean tabi na suwat njawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi.” Bitsala looy ilay siꞌ bay sinuwatan meꞌ Nabi Daud hatusan taun na paddus bay jaman kabboꞌ-bboan tabi yaꞌ ngasip ni Tuhan. Maksud suwat Nabi Daud ilay man mahati ni jama luu gi masa sarī bay ginantaꞌ meꞌ Tuhan man manusiyaꞌ kapaasok pa jawom pahaliyan na, yana batnaa na situ.

Hibrani 9:8

Dari sabap meꞌ looy siꞌ, pinalahil na meꞌ Rū Sutsiꞌ ningkitabi inaa halloman jama njawman pagsulutan sibuwa, yaꞌ luu dapat da paasok pa jawom Lugar Pinakasutsiꞌ ni awpan Tuhan.

2 Pitel 1:21

atawa pun lakka man bistahan manusiyaꞌ. Arapun Rū Sutsiꞌ mismu bay magmundaan kanabi-nabihan masampay siga umanat man Tuhan.

Siga Pakaradjaan bay Pinalahil 3:20

“Aku itu meꞌ sapantun jama nangge ni poan lawang bi nugtug kawu-kawu binukisan. Na soysoy ina bay kale suwara ku sampay nohoꞌ aku paasok, malaingkan paasok du ku pa mman na sampay mmeꞌ na ku pasawu mangan niiya.