Hibrani 3:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Na kuwan Nabi Musa ilay, kanaalla bay ngayaran siga sukuꞌ Tuhan meꞌ karuha tindog ngayaran jama lumaꞌ bōs na. Bay pabuwatan na ilay yana sipat ni siga pakaradjaan ma pinalahil meꞌ Tuhan ni batnaa.

Hibrani 3:5 ပူးပေါင်းရင်းမြစ်များ

Matiyu 24:45

“Indanan bi. Bong ina luu ata magkanaalla sampay makoy honaꞌ-honaꞌ na, malaingkan iya na sina pineneꞌ meꞌ papuꞌ na magtakōk ni siga pagkahi na ata. Iya na mangatas makan sila tiyap-tiyap waktu.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Lukas 12:42

Sugaꞌ bbuwatan Papuꞌ Isa baw, lay jaꞌ darahan na bitsala na, yuk na, “Soysoy ina ata patong mamiki sampay magkanaalla ni papuꞌ na, iya na sina pineneꞌ meꞌ papuꞌ na magtakōk ni siga pagkahi na ata. Maka iya na inasahan makan sila tuktuk waktu man mangan.

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 5:39

Magtuyuꞌ baw kam maliksaꞌ njawom kitab sabap manganna kam ndooy na man bi koleꞌ kasampulnaan nyawa saumu. Boꞌ ko, poonan kasampulnaan nyawa ma sinabbut ndooy yana aku na mismu.

Salsila siga Rasul 28:23

Dari lay na baw sila isun bong llaw oy tanam man da pakale ni bitsala si Pol. Na taabut llaw looy, meka na lay pilay pa lumaꞌ man si Pol. Pag-anu siꞌ, lay na sila pahatiyan si Pol kabanahan pasal pamarinta Tuhan. Boꞌ na, lay gi ya mōꞌ buktiꞌ man jawom saraꞌ Nabi Musa ka kitab kanabi-nabihan inaa si Isa yana tukang nalamat ma bay njanjiꞌ meꞌ Tuhan. Boꞌ tud bay pinagtuyuan bana meꞌ si Pol mitsalahan sila labba man sayu ngabut sampay sangom bong pin sila pitsayaꞌ jaꞌ ni si Isa.

Salsila siga Rasul 7:37

Maka Boꞌ Musa na silay bay nunaꞌ ni bangsa tabi Israil, ilooy ma yuk na, ‘Ni sinōng, luu sina disu nabi meꞌ aku du pinatakka meꞌ Tuhan pa mman bi. Iya ilay mintu meꞌ aku du turunan bangsa tabi Israil.’ ”

Suwat si Pol pa mman Baanan Sukuꞌ si Isa ndooy ni Rom 3:21

Lipara, batnaa luu na pinalahil jalan man manusiyaꞌ initung meꞌ Tuhan intong. Sugaꞌ saꞌ baw tu ga hāl meꞌ mogbogan saraꞌ man da initung intong. Kaintongan ma awnan ku ilay siꞌ ndang luu bay tinunaꞌ meꞌ Nabi Musa ka ga pagkahi na kanabi-nabihan njawom kitab.

1 Korin 4:2

Na tiyap-tiyap ina jama bay hinalapan pabuwatan, subay ya kanaalla buwat ilooy ma bay sinukuꞌ niiya.

1 Timuti 1:12

Mehe meꞌ ku magsuku ni Papuꞌ ta si Isa Almasi ma nganggaosan aku buwat kahandak na. Magsuku ku niiya sabap lay na ku bilang na kanaalla sampay lay na ku peneꞌ na binuwat sosohoan na.

Hibrani 1:1

Maruhuꞌ, njataꞌ kanabi-nabihan man Tuhan bay masampay siga umanat na ni kabboꞌ-bboan tabi. Boꞌ kajinisan na jalan man Tuhan bay masampay siga umanat na ninsila kaniya-kaniya ka masa da.

Hibrani 3:2

Iya ilay bay magkanaalla majatu mimon ma bay hinalap meꞌ Tuhan niiya. Dansusun du karuha na ka bay jaman Nabi Musa bay magkanaalla ngayaran mimon ma ginalla jama lumaꞌ Tuhan.

Hibrani 3:4

Yaꞌ sina luu lumaꞌ bong yaꞌ luu tukang matangge. Damikiyan, yaꞌ du luu oy maka oy na bong saꞌ Tuhan bay mapayak ka palman na.

Hibrani 8:5

Sugaꞌ langga looy ilay ni junyaꞌ sampay siga taat kaimaman mattoꞌ yana bay sipat sadjaꞌ man nabangan kitabi ngahati hāl Tuhan. Sangkon, yaꞌ gi ga Nabi Musa bay buwat langga da ndooy ni lahat lau-lau yaꞌ maglumaꞌ, yuk Tuhan niiya, “Amay-amay subay sibuꞌ banahan hātan na ka mimon bay pakitahan ku kau ndooy taꞌ punu.”

Hibrani 9:24

Sangkon na ilay lahaꞌ Almasi na bay tumpa. Pag-anu, lay na ya paasok pa jawom sulgaꞌ. Pag batnaa, ndooy na ya ni awpan Tuhan kalnaꞌ kitabi. Yaꞌ na ya bay paasok ni langga bay pinatangge meꞌ manusiyaꞌ meꞌ ilooy ma bay asok panghuluꞌ imam mattoꞌ. Batan langga looy ilay sipat sadjaꞌ ni Lugar Pinakasutsiꞌ ni sulgaꞌ.

Siga Pakaradjaan bay Pinalahil 15:3

sambayan da ngalang kalangan ata Tuhan mattoꞌ, yana Nabi Musa. Kalangan looy siꞌ yana kalangan Bili-bili looy du. Kalangan looy siꞌ meꞌ tuu: “Papuꞌ, meꞌ kau Tuhan Sangat Kawasa, mimon pabuwat nu kainu-inu ka biddaꞌ na hāp na. Kau sultan mimon kabangsa-bangsahan. Mimon-mimon ma pabuwat nu intong jaꞌ maka yaꞌ luu salla na.