Hibrani 3:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

Hibrani 3:1 ပူးပေါင်းရင်းမြစ်များ

Yahiya 17:3

Katoonan ku du bong sila lungbid ka kau, yana isu-isu Tuhan sabanna, sampay si Isa Almasi, yana aku ma bay papitu nu, inaa na hatiyan kasampulnaan nyawa ma yaꞌ luu katapusan na.

Yahiya 20:21

Pag-anu siꞌ, lay na baw si Isa halling pabalik, “Kasannangan ningkaam. Yana meꞌ Mmaꞌ ku bay mapitu aku nohoꞌ masaplag umanat mahap, damikiyan, sohoꞌ ta na du kam ngalataan lahat masaplag.”

Yahiya 20:27

Pag-anu siꞌ, yuk na ni si Tomas, “Tu ko Nges. Ndaun na tangan ku, boꞌ sallokun na ka timbōꞌ nu, maka purutun na ka tangan nu limpaꞌ budjak ni saddi ku. Pitsayaꞌ na ko ba. Daa na ko hawal-hawalan.”

Salsila siga Rasul 1:15

Na luu jaꞌ siꞌ daka dangoy ngallaw bay pingkaꞌ, luu na ga dahatus duwampūꞌ jama ma pitsayaꞌ ni si Isa bay kumpo ndooy. Pag-anu, lay doꞌ si Pitel nangge ni tangngaan da mitsala, yuk na,

Suwat si Pol pa mman Baanan Sukuꞌ si Isa ndooy ni Rom 11:17

Bana du baw silay bangsa Yahudi meꞌ sapantun disu kayu jaytun bay tinanom meꞌ Tuhan sampay inipat paayad. Salla na, meka na Yahudi meꞌ kadari engas lay na sinappean sabap yaꞌ sila kuhi pitsayaꞌ ni Almasi. Boꞌ kaam ma saꞌ bangsa Yahudi, meꞌ sapantun siga engas poon jaytun ma bay jaꞌ tomoꞌ di-dī na jawom tawun. Sugaꞌ song hallom lay na kam kinaddoꞌ man jawom tawun boꞌ pinatunggu meꞌ Tuhan ni poon jaytun looy siꞌ ma inipat paayad. Dari pag batnaa, hampit na du kam ni mimon ayad sambuhan poon jaytun looy ma inipat meꞌ Tuhan.

Suwat si Pol pa mman Baanan Sukuꞌ si Isa ndooy ni Rom 15:27

Boꞌ tud basag kainagon da nulung. Pangissahan da, subay ga sila jama utangan ni siga Yahudi ndooy ma pitsayaꞌ ni si Isa. Batan bong saꞌ bay sabapan siga Yahudi ndooy, yaꞌ sila bay kale umanat kasalamatan. Dari pagka siga bangsa saꞌ Yahudi bay koleꞌ balanjaꞌ nyawa man siga Yahudi, pataꞌ du baw sila nungbas san lasa ka balanjaꞌ baran.

Suwat si Pol pa mman Baanan Sukuꞌ si Isa ndooy ni Rom 15:8

Na Almasi ilay bay pinapitu pa junyaꞌ nabang bangsa Yahudi sampay makitahan sila mattan du Tuhan mmeꞌ ni lapa na. Batan njataꞌ Almasi na silay man Tuhan bay numan siga janjiꞌ na ni kabboꞌ-bboan kami.

Suwat si Pol pa mman Baanan Sukuꞌ si Isa ndooy ni Rom 9:24

Awnan ku ilay siꞌ yana kitabi ma bay lliyun meꞌ Tuhan binuwat sukuꞌ na. Boꞌ sukuꞌ na ina saꞌ sat lakka man bangsa Yahudi, arapun sampay lakka man mimon bangsa.

1 Korin 1:2

pa mman bi ma pitsayaꞌ ni si Isa nnaa ni Korin. Kaam ina, lay na lliyun meꞌ Tuhan pa jawom okoman na sampay lay na sinutsiꞌ sabapan pagkatibuuk bi ka si Isa Almasi. Dari lay na kam dari sukuꞌ Tuhan tabeꞌ ni sikamimon jama nnoy-nnoy lahat ma ngisbat si Isa Almasi, yana Papuꞌ da sampay na ningkitabi labbasakayi.

1 Korin 10:17

Na pagka saliꞌ-saliꞌ kitabi mangan tinapay looy dambatang, hati na, san kitabi meka, ingat tabi dī tabi disu baran du.

1 Korin 9:23

Dari aku ilay siꞌ buwat meꞌ looy supaya pasōng na pin eka pagkahi ku pitsayaꞌ ni umanat mahap maka supaya ku hampit ni siga supaat njataꞌ da ma pitsayaꞌ.

2 Korin 1:7

Sangkon yaꞌ kami gawa pasal kaam. Batan katoonan kami bila kam bininsanaꞌ meꞌ karuha kami, mastiꞌ meꞌ kami na du kam pinagamgaman meꞌ Tuhan.

2 Korin 9:13

Batan pag ina mintu takita siga danganakan tabi ndooy ni Yahudiya hāp arat bi bay basag nulung ninsila sampay ni mimon jama, mudji na sila Tuhan. Boꞌ ilooy na silay mintu buktiꞌ mehe ninsila tud bana-bana du kam mean umanat mahap pasal Almasi.

Epesus 3:6

Na garaꞌ ma bay awnan ku ilay siꞌ yana ituu: Mimon ma bay hinalliꞌ meꞌ Tuhan ni sukuꞌ na, saꞌ du silay sat para ni bangsa Yahudi, arapun sampay ni mimon kabangsa-bangsahan. Batan sikamimon ma pitsayaꞌ ni umanat mahap tabilang na dambuwaꞌ baran sabap meꞌ da tibuuk ka si Isa Almasi. Maka saliꞌ-saliꞌ na sila hampit ni mimon bay njanjiꞌ meꞌ Tuhan.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Epesus 4:4

Batan mimon itu kitabi ma tibuuk ka si Isa binilang disu baran sa. Maka disu du Rū magmundaan kitabi saliꞌ-saliꞌ, yana Rū Sutsiꞌ. Maka sibuꞌ du kasongan ayad hinolat meꞌ tabi sabap meꞌ tabi saliꞌ-saliꞌ lay na lliyun pa jawom okoman Tuhan.

Pilipi 3:14

Aku itu meꞌ sapantun jama lalumbaan magtuyuꞌ sonse pa tōng lumbaan mari takoleꞌ ku haddiya ma ndean meꞌ Tuhan. Batan ndang inaa sina maksud Tuhan bay ngaliyun kitabi pa jawom okoman na. Kahandak Tuhan ina, takoleꞌ tabi na kaallum meꞌ looy man sabapan pagkatibuuk tabi ka si Isa Almasi.

Kolossa 1:12

Maka kamura-murahan tattap du meꞌ bi muwan pagsukuhan ni Mmaꞌ tabi Tuhan sabap meꞌ na bay matawop kaam tumabeꞌ ni mimon kaayaran ma ndang bay hinalliꞌ ni sukuꞌ na ma njawom dantaꞌ.

Kolossa 1:22

Lipara, luu na Anak na bay dari manusiyaꞌ, boꞌ na nongan umu na kalnaꞌ kaam supaya kam mahap na pa Tuhan. Pag batnaa, sabapan Anak na, sutsiꞌ na kam. Yaꞌ na luu sutsutan njataꞌ bi ni mata Tuhan,

Kolossa 3:12

Sangkon meꞌ kaam ina kakasi Tuhan maka sutsiꞌ na sampay lay na kam bay pineneꞌ binuwat sukuꞌ na, subay kam manimbang ni jama ka buwat mahap ninsila. Subay diyoꞌ ka lammaꞌ pangatayan bi. Maka subay tahaꞌ pasensiya bi.

1 Tesaloneka 2:12

Batan sigi-sigi kami bay maintoman kaam ka muwansangan kaam pa kaayaran. Maka bay gi kam tugun kami subay pagsitawpun bi kawul-piil bi ka kaam inawnan siga sukuꞌ Tuhan. Ndang-ndang Tuhan du bay ngaliyun kaam supaya kam tabeꞌ ni pamarinta na sampay ni ehe kabantugan na.

1 Tesaloneka 5:27

Maka tugun ku ningkaam ni kapatut Papuꞌ Isa, amay-amay batsahun bi sa suwat tuu ni siga danganakan tabi sikamimon nnaa.

2 Tesaloneka 1:11

Dari wā situ kami makuhan kaam duwaa. Pakuhan kami kam tabang man Tuhan supaya wā nulut ni kahandak na kawul-piil bi. Meꞌ looy ilay, initung na kam meꞌ Tuhan tawop bay lliyun meꞌ na pa jawom pamarinta na. Kamura-murahan man kawasa Tuhan njataꞌ bi, tapajatu bi na mimon kaayaran ma karomanan bi pinabuwat man sabapan pangando bi ni si Isa Almasi.

2 Tesaloneka 2:14

Magsuku kami sabap lay na pakoy Tuhan umanat mahap lakka man kami man ngaliyun kaam supaya kam tumabeꞌ na ni kabantugan Papuꞌ tabi si Isa Almasi.

1 Timuti 6:12

Pagbuli-bulihan nu matangge kabanahan pasal Papuꞌ Isa san du pooy basag jama nulang kau. Meꞌ kau ina lay na lliyun pa jawom okoman Tuhan, kuwangkutan nu na kasampulnaan nyawa ma yaꞌ luu katapusan na. Awnan ku ilay siꞌ kasampulnaan nyawa ma bay takoleꞌ nu jaman nu bay māꞌ ni awpan baanan jama mmeꞌ na ko ni si Isa.

1 Timuti 6:2

Kuwan siga ata ma luu papuꞌ da pitsayaꞌ du ni si Isa, daa subay na pin kulangan da meꞌ da magmaltabat ni papuꞌ da sukat sila magdanganakan na pantay-pantay njawman si Isa. Gam pin subay duhunan da lagi kanaalla da ngintu. Batan papuꞌ da ina ma tinabangan meꞌ da yana sibuꞌ pagkahi da sukuꞌ si Isa maka kakasi Tuhan na du sila. Na Timuti, pasampayun sa tugun ku ni siga sukuꞌ si Isa nnaa boꞌ sohoun inasip ninsila.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.

2 Timuti 2:7

Na tōꞌ ku ilay siꞌ ningkau, pamikihan nu sa paayad. Binuwanan du sina ko meꞌ Papuꞌ pangahati supaya takoleꞌ nu hantak bitsala ku siꞌ.

Hibrani 10:19

Na siga danganakan, pagka lay na bay pinaduwai lahaꞌ si Isa man muwasan dusa tabi, luu na kapatut tabi paasok pa jawom Lugar Pinakasutsiꞌ ni awpan Tuhan.

Hibrani 10:21

Sangkon, pagka luu na panghuluꞌ imam asahan tabi ma yaꞌ luu sibuꞌ sabanding na, ma magtakōk ningkitabi ma ginalla jama lumaꞌ Tuhan, oy agad tabi?

Hibrani 10:23

Sangkon daa na labbahan tabi holat tabi ma pinagbāꞌ meꞌ tabi ni manusiyaꞌ. San kitabi yaꞌ na hawal-hawalan. Ndang-ndang kanaalla du Tuhan numan mimon janjiꞌ na.

Hibrani 13:22

Siga danganakan, junjung ku na ningkaam, daa kam jamu pakale ni bay palbiatan ku njawom suwat tuu siꞌ. Ndang-ndang, yaꞌ du situ tahaꞌ kalanduꞌ.

Hibrani 2:11

Dari pagka si Isa bay nutsiꞌ atay tabi, tibuuk na kitabi ka iya. Sangkon Mmaꞌ na ina, yana Mmaꞌ tabi na du. Dari ilooy na silay kon si Isa yaꞌ iyaꞌ ngawnan kitabi ga danganakan na.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

Hibrani 3:14

Basta ina yaꞌ jaꞌ labbahan tabi pangando tabi ni Almasi ngabut sampay pa katapusan, mastiꞌ hampit jaꞌ kitabi ni mimon supaat na.

Hibrani 7:26

Danan si Isa ilay tawop binuwat panghuluꞌ imam ma asahan tabi sabap sutsiꞌ ya. Yaꞌ luu sutsutan njataꞌ na maka yaꞌ luu tamak na. Yaꞌ ya bay pingkaꞌ mmeꞌ meꞌ uwahan siga baldusa. Maka sa langkaw-langkaw langit, mas langkaw gi kabantugan na ka kapatut na.

Hibrani 7:28

Boꞌ sagannap ma bay inuwakilan magpanghuluꞌ imam njawman saraꞌ Nabi Musa, saliꞌ-saliꞌ sila manusiyaꞌ sadjaꞌ ma ndang dusahan pa Tuhan. Kahapan, hallom maka hallom na, lay na baw Tuhan napa subay Anak na inuwakilan magpanghuluꞌ imam saumu. Boꞌ Anak na ina yaꞌ luu dusa na atawa salla na samasakali.

Hibrani 9:11

Lipara, bay na pitu Almasi sampay lay ya dari panghuluꞌ imam ma asahan tabi. Dari takissa tabi na siga supaat poonan pagsulutan bahau ma bay pinasampay meꞌ na. Kuwan langga man na bay paasok mag-imam, patingkat man langga kabboꞌ-bboan tabi. Langga ma bay asok na, yaꞌ luu kulang na sabap saꞌ manusiyaꞌ bay matangge. Intong na, saꞌ silay meꞌ siga pakaradjaan ni junyaꞌ tuu.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

1 Pitel 2:9

Boꞌ kaam ina ma pitsayaꞌ ni Almasi, lay na kam pineneꞌ meꞌ Tuhan binuwat baanan siga imam ka sultan njawman pamarinta na. Boꞌ lay gi kam pabuwat Tuhan bangsa sutsiꞌ ma inaku leꞌ na sukuꞌ na. Kahandak na masaplag na kam kaayaran na. Batan lay na kam pinōꞌ meꞌ na man jawom kalindoman, sampay lay na kam lliyun pa jawom karantaan na ma yaꞌ luu sibuꞌ sabanding na.

1 Pitel 3:5

Maka inaa na sina arat-tabiat bay pinakutuꞌ meꞌ karandahan ma mangando pa Tuhan mattoꞌ. Meꞌ da bay malingkat dī da, lay sila maglillaꞌ ni lla da.

1 Pitel 5:1

Na kaam, siga pa-mmean baanan sukuꞌ si Isa, luu situ halap ku ningkaam batan aku pun disu pa-mmean meꞌ kaam du. Boꞌ bay gi ku kasakup ka mata ku ma duwa kabinsanaan njataꞌ Almasi. Maka meꞌ aku pun disu ma tabeꞌ ni kabantugan Almasi ni sinōng, junjung ku na ningkaam,

1 Pitel 5:10

Sugaꞌ pus bi bay natas samantalaꞌ njawom kabinsanaan, tinabang du sina kam meꞌ Tuhan. Pahallotan na sina pangando bi maka pinataggu meꞌ na iman bi supaya kam meꞌ karuha poon kayu ma yaꞌ kuhi habbaꞌ sabap lawom gamut na. Bistahun bi doꞌ, ni kaehe aseꞌ-tabang Tuhan, lay na kam liyun na pa jawom okoman na. Maksud na supaya kam tumabeꞌ ni kabantugan na man sabapan pagkatibuuk bi ka si Isa Almasi. Boꞌ kabantugan na ina yaꞌ luu katapusan na.

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

Suwat Lakka man si Jūd 1:1

Aku itu si Jūd, disu ata si Isa Almasi. Maka aku itu danganakan si Yaꞌkub. Itu suwat ku pa mman bi, sagannap ma bay lliyun meꞌ Mmaꞌ tabi Tuhan binuwat sukuꞌ na, yana kaam ma kinaasean meꞌ na sampay inayaran meꞌ si Isa Almasi.

Siga Pakaradjaan bay Pinalahil 17:14

Bbuwatan da ina mintu, moo Bili-bili looy sibonoꞌ. Sugaꞌ ā du sila meꞌ Bili-bili looy ka siga sukuꞌ na, yana sagannap ma bay peneꞌ na sampay liyun na pa jawom okoman na, ma magkanaalla mmeꞌ niiya. Kon na ina mintu ga Bili-bili looy kaā sabap iya Papuꞌ ninggi taꞌ mimon papuꞌ; Sultan ninggi taꞌ mimon sultan.”

Siga Pakaradjaan bay Pinalahil 18:20

Pag-anu, yuk suwara looy lagi, “Kaam, siga kanabi-nabihan ka ga rasul sampay mimon sukuꞌ Tuhan ma luu na ntuu ni sulgaꞌ, subay kam gāk banahan. Subay kam gāk sabap lai na daira looy llabuan meꞌ Tuhan hukuman, yana hisab ni kalaatan bay pabuwat na ningkaam.”