Hibrani 2:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Boꞌ lay gi nnaꞌ nu mimon-mimon ndiyoan kawasa-kapatut da.” Na tiyap-tiyap halling njawom kitab mimon-mimon inannaꞌ ndiyoan kawasa-kapatut manusiyaꞌ, hati na, yaꞌ luu saꞌ yaꞌ tapagbayaan meꞌ da. Bana na, yaꞌ lagi baw bay manyatakan mimon-mimon ndiyoan kawasa-kapatut da san sila pinamāꞌ magbayaꞌ ni mimon-mimon.

Hibrani 2:8 ပူးပေါင်းရင်းမြစ်များ

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 3:35

Biddaꞌ na sina aseꞌ Tuhan ni Anak na sampay lay na pa-ntan na mimon-mimon niiya.

1 Korin 15:27

Boꞌ magbēꞌ du bana ka suwat njawom kitab, ilooy ma yuk na, “Mimon-mimon inannaꞌ meꞌ Tuhan ndiyoan kawasa Almasi.” Sugaꞌ ni ayat looy ilay, subay tallak ningkitabi yaꞌ baw lay tabeꞌ Tuhan ni diyoan kawasa Almasi. Batan kawasa-kapatut ma luu ni Almasi, Tuhan mismu bay ngandean.

Hibrani 1:13

Maka disu gi tandaꞌ Anak Tuhan patingkat man siga malaikat meꞌ tuu: Sila ilay, yaꞌ luu san disu bay baan Tuhan meꞌ bay halling na ni Anak na, ilooy ma yuk na, “Ningkōꞌ na ko ni bihing ku huwin pa kawnan boꞌ nnaꞌ ku mimon banta nu ni diyoꞌ pāt battis nu.”

Hibrani 1:2

Sugaꞌ ni masa batnaa, yana ni ahil jaman, Anak na na mismu man Tuhan bay masampay umanat na ningkitabi. Anak na ilay, ilooy na man Tuhan bay mapayak alam sikamimon. Damikiyan man gantaan Tuhan, Anak na du dapu mimon-mimon.

Hibrani 2:5

Na ni kapasal junyaꞌ bahau ma bay sabbut ku nsiniꞌ, saꞌ silay mintu siga malaikat binuwanan meꞌ Tuhan kapatut marinta ndooy, arapun manusiyaꞌ du.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 1:5

Maka kamura-murahan binuwanan na pin kam kasannangan ka barakat meꞌ si Isa Almasi, ilooy ma kanaalla masampay kabanahan pasal Tuhan. Iya ilay bay duhuꞌ pinakallum pabalik ka baran ma yaꞌ na kuhi matoy. Maka iya du marintahan mimon panghuluꞌ ni sikaliput junyaꞌ. Ni kaehe aseꞌ na ningkitabi, atas na man lahaꞌ na bay tumpa supaya tapaddusan na kitabi man hisab ni dusa tabi.