Hibrani 2:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na sila ilay siꞌ ma bay awnan Almasi siga anak Tuhan yana manusiyaꞌ. Dari Almasi ilay bay du padari manusiyaꞌ supaya tapaglillaꞌ na baran na pinapatoy kalnaꞌ kitabi. Dari atas na bay matoy supaya talangkat na kawasa Ibilis njataꞌ tabi. Batan Ibilis ilay ndang man panagnaan lagi poonan kapatoy ni manusiyaꞌ.

Hibrani 2:14 ပူးပေါင်းရင်းမြစ်များ

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 16:17

Yuk si Isa niiya, “Saymon, anak si Yahiya, sinupaatan ko batan pangahati nu pasal aku lay na pinalahil ningkau meꞌ Mmaꞌ ku ni sulgaꞌ, saꞌ man kapandoyan manusiyaꞌ.

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 12:24

Sugaꞌ pingkaꞌ doꞌ ya duhuꞌ meꞌ karuha bigi tinanom llabbong. Baan ta kam banahan, tiyap-tiyap bigi, bong yaꞌ bay pingkaꞌ llabbong, dalamba na sadjaꞌ sina ya saumu. Sugaꞌ bong bay na pingkaꞌ llabbong, ndooy na boꞌ na dari tinanom ma labung buwaꞌ na.

Suwat si Pol pa mman Baanan Sukuꞌ si Isa ndooy ni Rom 14:9

Batan kon ilay Almasi bay matoy sampay pinakallum pabalik supaya ya dari Papuꞌ sikamimon ma pitsayaꞌ niiya, sagannap ma lay na matoy sampay na sagannap ma masi llum.

Suwat si Pol pa mman Baanan Sukuꞌ si Isa ndooy ni Rom 8:3

Maruhuꞌ, holat tabi saraꞌ Tuhan katabang ningkitabi buwat kaintongan mari kitabi salamat. Salla na, yaꞌ luu manusiyaꞌ kabogbog batan landuꞌ basag napsu da moo-moo sila buwat dusa. Kahapan, magsuku pa Tuhan, luu na bay sohoꞌ na pitu Anak na pa junyaꞌ nalamat kitabi. Iya ilay bay dari manusiyaꞌ meꞌ kitabi du. Pagbiddaan na, kuwan iya, yaꞌ luu dusa na samasakali. Kon na bay dari manusiyaꞌ meꞌ kitabi supaya tasongan na umu na man nanggung mulkaꞌ ni mimon dusa tabi. Dari njataꞌ kapatoy na, lay na llangkat meꞌ Tuhan kawasa napsu tabi ma bay moo-moo kitabi buwat dusa.

1 Korin 1:28

Maka peneꞌ Tuhan ga jama ma pilay-pitu, ma lludjum sampay ma yaꞌ luu guna da ni bandingan manusiyaꞌ ma yaꞌ pitsayaꞌ ni Almasi. Maksud na, man na makitahan jama ma mandang hāl junyaꞌ yaꞌ luu pus na niiya siga pakaradjaan ma hagaan ninsila.

1 Korin 15:50

Siga danganakan, hantak bitsala ku ilay siꞌ, baran tabi itu ma luu isi na ka lahaꞌ na, yaꞌ luu lamud na ni pamarinta Tuhan. Batan baran tabi itu ma kuhi gi matoy sampay ngahaluꞌ, yaꞌ luu kabigiꞌ-bigian na ni hāl ma yaꞌ luu masa na.

Galatiya 4:4

Sugaꞌ pag taabut na gantaan Tuhan, lay na papitu na Anak na pa junyaꞌ, boꞌ na dari manusiyaꞌ pinamaddihan leꞌ danda meꞌ karuha kitabi du. Maka iya ilay bay du lumingkaꞌ njawman sakup saraꞌ Nabi Musa.

Kolossa 2:15

Boꞌ na, man sabapan kapatoy na taꞌ tehang, lay na lappiꞌ meꞌ Tuhan Ibilis ka ga pagkahi na siga seytan ma ngantanan kawasa-kapatut. Dari ko ngawon, lay na sila hinaꞌ meꞌ Tuhan ni awpan sikamimon man sabapan toklas kapatoy Almasi.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

2 Timuti 1:10

Boꞌ lai na situ pinalahil aseꞌ-tabang na pag taabut na bay mapitu si Isa Almasi pa junyaꞌ, yana tukang nalamat kitabi. Batan lay langkat si Isa kawasa kapatoy pag taabut na pinakallum pabalik. Maka lay gi ya masampay umanat mahap supaya soysoy pitsayaꞌ niiya koleꞌ kasampulnaan nyawa ma yaꞌ luu katapusan na.

Hibrani 10:10

Dari pagka lay na si Isa Almasi nongan umu na man na nganduwan kahandak Tuhan, ilooy na bay poonan tabi initung sutsiꞌ pa Tuhan. Boꞌ kapatoy na ilay, san yaꞌ na binalikan, batan tasakup na na saumu-umu para muwasan dusa manusiyaꞌ.

Hibrani 10:5

Sangkon, pag pitu Almasi pa junyaꞌ, yuk na ni Tuhan, “Katoonan ku du saꞌ siga hayop kinulban atawa siga jakat hagaan ningkau. Sangkon bay takdil nu baran tuu niyaku sinongan pa mman nu.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Hibrani 2:18

Sarī gi, sabap bay ya lumingkaꞌ njawom jinisan katiksaan ka siga sasat seytan, ilooy na man na pandoy nabang mimon manusiyaꞌ ma sinasat.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

1 Pitel 1:20

Halloman junyaꞌ yaꞌ gi bay pinapayak, ndang lay na bay ginantaꞌ meꞌ Tuhan Almasi maddusan kitabi man komkoman Ibilis. Sugaꞌ noy ni timpu batnaa na, ni ahil jaman, boꞌ luu na Almasi bay pinalahil meꞌ Tuhan ningkaam.

Siga Pakaradjaan bay Pinalahil 1:18

Aku na situ ginalla ‘Ilooy ma Llum.’ Bay baw ku situ pingkaꞌ matoy, sugaꞌ ndaun na, itu na ku llum pabalik, boꞌ saumu-umu na situ kaallum ku. Aku na situ ngantanan kawasa-kapatut maddusan manusiyaꞌ man kapatoy sampay man tahanan jama matoy.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.

Siga Pakaradjaan bay Pinalahil 2:10

Na mari katoonan bi, luu gi sina mintu kabinsanaan mehe tuwaꞌ njataꞌ bi. Kasohean kam ina tajīl man kapandoyan Ibilis. Sinuwayan sina mintu pangando bi niyaku. Njawom sapū ngallaw yaꞌ sina luu hantiꞌ laug njataꞌ bi. Sugaꞌ daa kam tawu. Magkanaalla jaꞌ kam mmeꞌ niyaku san gi man bi matoy, boꞌ bi sa tungbasan ku ka kaallum ma yaꞌ luu katapusan na.

Siga Pakaradjaan bay Pinalahil 20:2

Pag-anu siꞌ, lay sungkuban na naga looy siꞌ, yana sō looy ma ndang luu ni panagnaan awwal jaman, yana Ibilis, panghuluꞌ seytan. Pag-anu, boꞌ na pinusas meꞌ malaikat looy sampay hiniyakan pa jawom lowang tangob looy. Pag lupus, lay tangkop malaikat looy lowang looy, boꞌ lay lagi kinunsiꞌ patakkoꞌ supaya yaꞌ na luu dapat naga looy pōꞌ magsian kabangsa-bangsahan. Naga looy siꞌ lay katimpuhan tinahan ndooy njawom dalibu taun. Paddus jaꞌ timpu na, pinōꞌ du ya sugaꞌ yaꞌ du humallom.