Hibrani 2:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ Dari pagka si Isa bay nutsiꞌ atay tabi, tibuuk na kitabi ka iya. Sangkon Mmaꞌ na ina, yana Mmaꞌ tabi na du. Dari ilooy na silay kon si Isa yaꞌ iyaꞌ ngawnan kitabi ga danganakan na.

Hibrani 2:11 ပူးပေါင်းရင်းမြစ်များ

Matiyu 25:40

“Pag tampung Sultan ilay mintu, ‘Baan ta kam banahan, waktu bi ilay bay buwat meꞌ looy ni soysoy danganakan ku san du pooy diyoꞌ na ni bandingan manusiyaꞌ, saliꞌ du ka aku bay pabuwat bi meꞌ looy.’

Matiyu 28:10

Yuk si Isa ninsila, “Daa kam ba tawu. Pilay na kam. Sōn bi na siga danganakan ku pilay pa Jalil. Sitammu sa kami ndooy.”

Malkus 3:34

Pag-anu, ngandaꞌ na baw ya ni sagannap ma lundooy ningkōꞌ ngaliput iya, boꞌ na halling, “Siga jama tuu pun itu bilang ku du nneꞌ ku ka ga danganakan ku.

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Lukas 9:26

“Soysoy ina iyaꞌ mangaku mmeꞌ niyaku ka tōꞌ ku, malaingkan aku, yana Anak Manusiyaꞌ, iyaꞌ du ku mangaku iya sukuꞌ ku pag beleng ku pa junyaꞌ ddas ka kawasa lakka man kami ka Mmaꞌ ku sampay ga malaikat na.

Yahiya 17:19

Kalnaꞌ sila, paglillaꞌ ku na umu ku supaya dari sukuꞌ nu na sila mmeꞌ ni kabanahan.

Yahiya 17:21

Maꞌ, paku ku batnaa, pagsidambuwaun sa atay da sikamimon. Yana meꞌ kita dambuwaꞌ atay, kamura-murahan sila pun dambuwaꞌ atay du ka kita supaya pitsayaꞌ na manusiyaꞌ tud kau bay mapitu aku.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Salsila siga Rasul 17:26

Labba man disu jaꞌ jama bay papayak na, luu na mimon kabangsa-bangsahan taꞌ babaw junyaꞌ. Maka iya na du silay magbayaꞌ bong pooy halloman siga bangsa ngantanan kawasa marinta sampay ngkoran siga panggaan paglahat da.

Salsila siga Rasul 17:28

Batan sabapan na, luu na kitabi, maka llum na kitabi sampay kapausik na kitabi. Meꞌ halling sambat kasohean pagkahi bi ma alistu ngandalil, ‘Mimon kitabi manusiyaꞌ yana anak Tuhan.’

Suwat si Pol pa mman Baanan Sukuꞌ si Isa ndooy ni Rom 8:29

Labba man sibuwa, ndang katoonan Tuhan na bong soy tumabeꞌ ni sukuꞌ na. Boꞌ ndang luu na silay garaꞌ na ngahalin arat-tabiat da supaya sumibuꞌ na du ka arat-tabiat Anak na, yana si Isa. Kon na ilay buwat meꞌ looy supaya sila pataꞌ inawnan siyali si Isa ma ginalla Anak Siyaka.

Galatiya 4:4

Sugaꞌ pag taabut na gantaan Tuhan, lay na papitu na Anak na pa junyaꞌ, boꞌ na dari manusiyaꞌ pinamaddihan leꞌ danda meꞌ karuha kitabi du. Maka iya ilay bay du lumingkaꞌ njawman sakup saraꞌ Nabi Musa.

Hibrani 10:10

Dari pagka lay na si Isa Almasi nongan umu na man na nganduwan kahandak Tuhan, ilooy na bay poonan tabi initung sutsiꞌ pa Tuhan. Boꞌ kapatoy na ilay, san yaꞌ na binalikan, batan tasakup na na saumu-umu para muwasan dusa manusiyaꞌ.

Hibrani 10:14

Dari siꞌ, man sabapan Almasi bay nongan umu na sakayi labba du, puwas na dusa sagannap ma sinutsiꞌ meꞌ na. Boꞌ tasakup na na sina saumu-umu.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.

Hibrani 13:12

Damikiyan si Isa pun, lay du bay binoo pa poan daira. Maka ndooy na ya bay naggaan paddi sampay makkat. Maka sabapan lahaꞌ na bay pinaduwai, ilooy na man na nutsiꞌ atay siga sukuꞌ na.

Hibrani 2:14

Na sila ilay siꞌ ma bay awnan Almasi siga anak Tuhan yana manusiyaꞌ. Dari Almasi ilay bay du padari manusiyaꞌ supaya tapaglillaꞌ na baran na pinapatoy kalnaꞌ kitabi. Dari atas na bay matoy supaya talangkat na kawasa Ibilis njataꞌ tabi. Batan Ibilis ilay ndang man panagnaan lagi poonan kapatoy ni manusiyaꞌ.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.