Hibrani 13:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Ni hāl sitampu, yaꞌ dari pinabuwat meꞌ sapantun kuli-kulihan sadjaꞌ. Sangkon kaam ma sitampu, yaꞌ dari ubay ka jama saꞌ lla bi atawa nda bi. Soysoy ina buwat kalalamaan meꞌ naa, kalabuan jaꞌ sina hukuman Tuhan.

Hibrani 13:4 ပူးပေါင်းရင်းမြစ်များ

Panagnaan 2:21

Dari bbuwatan Tuhan, lay matuli lalla looy paladdok. Sasang na tuli, lay lakkahan Tuhan dalamba kabkab na boꞌ lay lapat na limpaꞌ na ka isi.

Panagnaan 2:24

Sangkon na ina, bila lalla ndahan na, pasakkat na ya man induꞌ-mmaꞌ na, boꞌ na nibuuk dī na na ka nda na. Dari bay duwa gi sila, lay na dari disu baran sa.

1 Korin 6:18

Sangkon bong kinawnan magjina, amay-amay ilagan bi. Dusa meꞌ looy ilay pabiddaꞌ man dusa kasohean sabap sagannap ma magjina, ndusa sila sampay ni baran da mismu.

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

1 Korin 7:38

Dari hantak bitsala ku ilay siꞌ, handa yaꞌ handa, mahap jaꞌ du sikaduwa, sugaꞌ ni timpu batnaa, mas mahap gi bong niyaꞌ na doꞌ.

1 Korin 9:5

Maka saꞌ ba, luu du kapatut kami handa ni danda ma pitsayaꞌ ni si Isa sampay moo nda kami padisu-padisu lahat? San baw ga si Pitel ka siga rasul si Isa kasohean sampay siga danganakan si Isa moo nda da du. Boꞌ na, sapatut na, siga nda da pun subay du binalanjaan meꞌ siga jamaa.

2 Korin 5:10

Batan ndang bay sina ginantaꞌ ningkitabi sikamimon pinaawop ni Almasi hinukum. Pag-anu, boꞌ tabi tinungbasan na sabapan mimon ma bay pabuwat tabi mahap-maat.

Galatiya 5:19

Na bong ina jama pinagbayaan meꞌ napsu da, tumatandaꞌ jaꞌ sina ni kawul-piil da, batan kajinisan kalaatan da, meꞌ sapantun magjina, buwat kasabuhan, yaꞌ ngagak dī da,

Galatiya 5:21

Maka jama ina ma pinagbayaan meꞌ napsu da, kainagon da kapasila na altaꞌ pagkahi da, maka panginum sila, sampay mmeꞌ sila ni buwatan baanan danda ka lalla buwat kalalamaan, meꞌ naa, meꞌ naa. Sugaꞌ ndang bay kam silay baan ku maruhuꞌ, jama ma buwat meꞌ looy, yaꞌ luu kabigiꞌ-bigian da ni okoman Tuhan.

Epesus 5:5

Katoonan bi na du sina, sagannap ma magjina atawa buwat kasabuhan yaꞌ tumabeꞌ ni pamarinta Almasi ka Tuhan. Damikiyan, sagannap ma magnapsu mulakab ni altaꞌ yaꞌ du tumabeꞌ, batan bbuwatan ma kinanapsuhan meꞌ da subay ga papuꞌ da sinumba meꞌ da.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Timuti 3:12

Tukang nabang ina, subay disu du nda da maka subay mahap meꞌ da magpandoy ni anak da sampay ni mimon jama lumaꞌ da.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

1 Timuti 3:4

Subay mahap meꞌ na magpandoy ni anak-nda na. Maka subay ya inasip sampay pinag-aratan meꞌ mimon anak na.

1 Timuti 4:3

Dari njawom tōꞌ da, bong jama doman sutsiꞌ banahan, subay sila konoꞌ yaꞌ handa atawa halla. Maka baꞌ-bāꞌ da, luu lawuk yaꞌ dari kinakan. Mingkan ilay siꞌ, mimon lawuk ma pamāꞌ da haram bay pinapayak meꞌ Tuhan. Dari mimon ma pitsayaꞌ ni si Isa ka toon tōꞌ sabanna dari muwan pagsukuhan pa Tuhan sabapan lawuk looy sampay mangan.

1 Timuti 5:14

Sangkon, meꞌ tuu situ palbiatan ku ni siga bawu danda ma yaꞌ gi umuhan: Gam na sila halla pabalik boꞌ da hanak sampay ngintu jama lumaꞌ da. Meꞌ looy ilay, yaꞌ na luu lawang man da tabitsala pa kalaatan meꞌ sagannap ma doman nulang kitabi.

Taytus 1:6

Bila ko meneꞌ pa-mmean, subay kalallahan ma yaꞌ luu sutsutan njataꞌ da. Subay disu du nda da. Maka siga anak da subay du pitsayaꞌ ni Papuꞌ Isa. Maka subay yaꞌ luu tuntut njataꞌ da bay buwat maat atawa pun yaꞌ ngasip ni induꞌ-mmaꞌ da.

Hibrani 12:16

Maka iyakin kam taggahaꞌ ubay na baw kam mintu ka jama ma saꞌ lla bi atawa nda bi. Maka daa pondok pamiki bi meꞌ kadari bay jaman si Esaw yaꞌ ngisbat Tuhan. Bistahun bi doꞌ, subay siꞌ pagka si Esaw anak siyaka, lay na labuꞌ pa iya siga supaat ma bay njanjiꞌ meꞌ Tuhan ni mmaꞌ na. Salla na, lay jaꞌ sambian na supaat pagkasiyaka na ka lawuk sakayi kakan du.

Siga Pakaradjaan bay Pinalahil 22:15

Sugaꞌ kuwan sagannap ma jahallis, meꞌ sapantun jama ma makoy ilmuꞌ seytan, ma magjina, ma mapatoy jama, ma numba siga tuhan-tuhan, ma tigiꞌ ngandustaꞌ ka ngalilu, yaꞌ dari paasok pa jawom daira looy.”