Hibrani 12:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Na bila kam bininsanaꞌ, intomun bi jaꞌ katiksaan si Isa bay natasan siga baldusa sigi-sigi minsanaꞌ sampay naggaꞌ iya. Meꞌ naa ina, yaꞌ kam kuhi jamu atawa dallaꞌ mmeꞌ niiya.

Hibrani 12:3 ပူးပေါင်းရင်းမြစ်များ

Matiyu 11:19

Pag sunuꞌ ku, Anak Manusiyaꞌ, sukat ku palamud nginum-mangan ni siga tukang ninga sukay ka siga pagkahi da baldusa, baꞌ-bāꞌ jama, lagak na baw ku, boꞌ na, palalango lagi ku. Sugaꞌ biyahun na luu. San du ina pooy meꞌ jama nuwak tōꞌ kami ka si Yahiya, tumatandaꞌ du sina mintu bong soy ngantanan pamiki tuwaꞌ.”

Matiyu 12:24

Pag takale siga Parisi bitsala ga jama looy, yuk da, “Ē, kon na bina kapōꞌ seytan man jawom baran jama batan bay ya binuwanan kawasa meꞌ Belsibul, panghuluꞌ siga seytan.”

Matiyu 15:2

“Ga mulit nu mangan, ongoy doꞌ ina lanan meꞌ da ngosoan tangan da, yaꞌ san ikut da aturan kabboꞌ-bboan tabi?”

Matiyu 21:23

Pag-anu, lay na baw si Isa pabeleng pa langga mehe boꞌ na nagnaꞌ noan jama ndooy. Sasang na ndooy, luu siga imam langkaw ka ga matatoa ni agama pasōng pa mman na, yuk da, “Soy doꞌ ina bay muwanan kau kapatut, taggahaꞌ ilu na ko pabasa-basa buwat kajinisan ni langga tuu?”

Matiyu 21:46

kainagon da sungkuban da na ya. Sugaꞌ hanggaw baw sila batan baanan ga jama ndooy manganna iya nabi man Tuhan.

Matiyu 22:15

Pag lupus meꞌ looy, lay lakka siga Parisi boꞌ da isun bong pooy meꞌ da niit si Isa ni bitsala na.

Lukas 14:1

Na ni disu Llaw Pahali, lay si Isa binoo mangan ni lumaꞌ disu pa-mmean siga Parisi. Sasang na ndooy, pinaimanan na pin ya meꞌ siga jama ndooy.

Lukas 15:2

Pag ndaꞌ siga Parisi ka ga guru saraꞌ agama meꞌ looy, buwatan da magdubdub, yuk da, “Uy, lalla naa, guru oy doꞌ na meꞌ naa? Buwatan na ngahasi siga baldusa sampay mmeꞌ lagi pahaboy mangan ninsila!”

Lukas 16:14

Pag takale meꞌ siga Parisi bitsala si Isa meꞌ looy, gam pin lay ya inudjuꞌ meꞌ da batan meꞌ punu njawom atay da sīn.

Lukas 2:34

Pus meꞌ looy, lay doꞌ sila pakuhan si Simiyun supaat. Maka yuk na ni si Mariyam, “Gantaan man Tuhan, sabapan anak-anak tuu, meka sina mintu bangsa Israil binasa sabap meꞌ da yaꞌ pitsayaꞌ niiya. Sugaꞌ meka du baw sina salamat man sabapan na du. Iya ina mintu yana padduman ma magmundaan manusiyaꞌ pa Tuhan. Salla na, meka jama nuwak iya.

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”

Yahiya 10:20

Meka na sila halling, “Oy doꞌ itu pūs tabi pakale ni lalla naa? Sineytan bina ya, bilawan!”

Yahiya 18:22

Lay jaꞌ siꞌ si Isa mitsala meꞌ looy, ilooy ma lay ya tinampa meꞌ disu tukang jaga ma lundooy ni bihing na. Maka yuk tukang jaga looy, “Pataꞌ kina meꞌ naa meꞌ nampungan panghuluꞌ imam?”

Yahiya 5:16

Dari sabap si Isa daran buwat meꞌ looy sasang Llaw Pahali, kinuntra na ya meꞌ siga pa-mmean Yahudi.

Yahiya 7:12

Na kuwan siga baanan jama ndooy baw siꞌ tu, meka na maghigung-higungan si Isa. Yuk kasohean, “Jama mahap silay ya.” Sugaꞌ kasohean baw siꞌ tu halling, “Daa kam ba hidjab. Magsian jama jaꞌ bilay ya.”

Yahiya 8:13

Pag-anu siꞌ, halling siga Parisi na baw, “Kau du bina māꞌ. Bong sat kau du, yaꞌ tatantu bong bana bitsala nu.”

Yahiya 8:52

Dari yuk siga Yahudi, “Oy na ko na? Batnaa mangkin bohoꞌ na bina tumatandaꞌ ningkami tud sineytan du ko! San baw bay jaman Nabi Ibrahim sampay na ga kanabi-nabihan bay du pingkaꞌ matoy. Boꞌ kau baw tu, magsambatan gi ko basta jama bay nganna bitsala nu, niyaꞌ na sitammu ka kapatoy!

Yahiya 8:59

Pag meꞌ looy jaꞌ siꞌ halling na, lay sila mūt batu man ngahiyak iya. Maksud da mapatoy iya, sugaꞌ yaꞌ bay luu dapat da sabap lay jaꞌ ya llimbuhan sampay lay na lakka man langga looy.

Yahiya 9:40

Na luu kasohean Parisi ndooy ma bay kale bitsala si Isa. Dari tilaw da, “Uy, patabeꞌ-tabeꞌ nu na baw kina kami ni sagannap ma buta?”

1 Korin 15:58

Sangkon siga danganakan ku, kakasi ku, pahallotun bi pangando bi ni Papuꞌ Isa maka daa kam kuhi pinagsian. Gam pin pakutuun bi meꞌ bi maghulas-sangsāꞌ kalnaꞌ iya. Ndang-ndang katoonan bi na du, yaꞌ du senseng oy-oy pabuwat bi kalnaꞌ iya.

2 Korin 4:1

Ni kaehe timbang Tuhan, lay kami peneꞌ na masaplag umanat mahap. Sangkon yaꞌ kami jamu maghulas-sangsāꞌ kalnaꞌ iya.

2 Korin 4:16

Sangkon yaꞌ kami kuhi jamu maghulas-sangsāꞌ kalnaꞌ Tuhan. Kami itu, san palamma na pin anggawtaꞌ baran kami, magsasōng na pin baw taggu iman kami llaw pa dangallaw.

Galatiya 6:9

Sangkon daa kita jamu buwat kaintongan, batan mastiꞌ luu jaꞌ sina masa ta koleꞌ tungbas ayad.

2 Tesaloneka 3:13

Na siga danganakan, daa kitabi jamu buwat kaayaran.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Hibrani 12:5

Daa takupan bi palman njawom kitab, ilooy ma yuk Tuhan, “Kaam, siga anak ku, kannahun bi adjalan ku. Daa kam jamu mmeꞌ niyaku bong kam sahawi ku.

Hibrani 3:1

Na siga danganakan ku, yana sukuꞌ Tuhan, kaam ina, meꞌ aku na du, lay na lliyun meꞌ Tuhan pa jawom okoman na. Sangkon kannahun bi na si Isa ma pinagbāꞌ meꞌ tabi ni manusiyaꞌ iya rasul Tuhan ka panghuluꞌ imam ma asahan tabi.

1 Pitel 2:23

San ya bay pinadiyoꞌ, yaꞌ du ya bay ngumbang. San ya bay bininsanaꞌ, yaꞌ du ya bay nanggup mawos. Gam pin, lay jaꞌ suhuran na pa Tuhan, yana huwis ma patingkat intong.

Siga Pakaradjaan bay Pinalahil 2:3

Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.