Hibrani 12:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Hibrani 12:2 ပူးပေါင်းရင်းမြစ်များ

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 20:28

Minsan aku, Anak Manusiyaꞌ, yaꞌ du ga kon ku bay pitu muhung inintu. Arapun kon ku itu bay pitu mari ku kaintu manusiyaꞌ sampay nongan umu ku mari meka na jama pinaddusan man hukuman ni dusa da.”

Malkus 14:36

Yuk na, “Maꞌ, katoonan ku du yaꞌ luu tunmanūn ningkau. Bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Malkus 15:28

Dari sabap meꞌ looy, lay na binakbul bay tunaꞌ njawom kitab pasal Almasi, ilooy ma yuk na, “Initung ya tabeꞌ ni sagannap ma ngalangga saraꞌ.”

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Malkus 9:12

Tampung si Isa ninsila, “Bana du baw bilay ninsila mastiꞌ duhuꞌ doꞌ Nabi Eliyas pōꞌ manyap labbasakayi boꞌ takka Almasi. Sugaꞌ baan ta kam banahan, luu na silay Nabi Eliyas bay pōꞌ. Sugaꞌ meꞌ jama bay buwat iya, lay jaꞌ sila madara kahandak da makaat iya meꞌ ndang bay tinunaꞌ njawom kitab. Damikiyan Anak Manusiyaꞌ pun, yuk njawom kitab, subay du lumingkaꞌ njawom jinisan kabinsanaan sampay tinuwak.”

Malkus 9:24

Pag tampung mmaꞌ anak-anak looy, “Pitsayaꞌ ku Tuwan! Sugaꞌ tabangun doꞌ ku supaya yaꞌ na ku duwa-duwa pitsayaꞌ.”

Lukas 17:5

Pag-anu, yuk siga rasul si Isa, “Tuwan, bong anu, toan doꞌ kami mari pabasag na pin pangando kami pa Tuhan.”

Lukas 23:11

Pag-anu siꞌ, inudjuꞌ na baw si Isa meꞌ Gubnul Herod ka ga sundalu na sampay lay gi ya binuwat kalabbiyan. Bbuwatan da lay mapatukan iya juba alatan bahasa inalak ya subay ga sultan. Pus meꞌ looy, lay na baw ya sinohoꞌ binoo pabeleng pa mman Gubnul Pilatu.

Lukas 24:26

Saꞌ ba, njawom kitab da, Almasi subay doꞌ duhuꞌ lumingkaꞌ njawom jinisan kamalasahiyan boꞌ na koleꞌ kabantugan saꞌ alang-alang?”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 12:24

Sugaꞌ pingkaꞌ doꞌ ya duhuꞌ meꞌ karuha bigi tinanom llabbong. Baan ta kam banahan, tiyap-tiyap bigi, bong yaꞌ bay pingkaꞌ llabbong, dalamba na sadjaꞌ sina ya saumu. Sugaꞌ bong bay na pingkaꞌ llabbong, ndooy na boꞌ na dari tinanom ma labung buwaꞌ na.

Yahiya 12:32

Batan pag taabut ku ina mintu inangkat taꞌ tehang, inaa na lān man ku ngaliyun jama man mimon kabangsa-bangsahan pa mman ku.”

Yahiya 13:3

Pus da siꞌ mangan, lay doꞌ si Isa nangge boꞌ na ngurusan juba na. Pag-anu, boꞌ na basahan ka tuwala. Na iya siꞌ tu, katoonan na du lay na dean Mmaꞌ na niiya kawasa-kapatut njataꞌ mimon-mimon. Maka katoonan na du iya lakka man Tuhan, damikiyan, Tuhan du polean na. Sugaꞌ san meꞌ looy, lay gi ya magpadiyoꞌ ni siga mulit na.

Yahiya 8:56

Balik ta pa Nabi Ibrahim, tud bay gāk silay ya batan holat na ngita katakka ku pitu. Boꞌ lai du takita na, sampay biddaꞌ na ehe kagakan na.”

Salsila siga Rasul 2:36

“Sangkon,” yuk si Pitel, “subay katoonan bi na sampay mimon pagkahi tabi bangsa Israil, inawnan si Isa ma bay lansang bi taꞌ tehang, iya na silay bay pineneꞌ meꞌ Tuhan binuwat Papuꞌ tabi ka Tukang Nalamat tabi.”

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

1 Korin 1:18

Na umanat pasal kapatoy si Isa taꞌ tehang ina, tuktuk na pinasaplag, bong ni sagannap ma song pa nalkaꞌ, meꞌ da mista, karupangan jaꞌ. Boꞌ ningkitabi itu ma sinalamat, katoonan tabi na njataꞌ umanat mahap luu na dapat manusiyaꞌ ngissa kawasa Tuhan nalamat.

1 Korin 1:23

Boꞌ kami baw itu, bbuwatan kami masaplag pasal si Isa Almasi bay pinapatoy llansang taꞌ tehang kalnaꞌ manusiyaꞌ. Sugaꞌ bila takale meꞌ siga Yahudi, sarī parasahan da. Kuwan siga bangsa saꞌ Yahudi baw, bila takale da, baꞌ-bāꞌ da na baw karupangan jaꞌ.

Epesus 2:16

Dan jinis meꞌ halling, sabapan kapatoy Almasi taꞌ tehang, labba man kaam ma saꞌ Yahudi sampay na kami siga Yahudi, lay na pinagsitibuuk pa disu baran sa. Dari lay na matoy pagsaggaan tabi. Damikiyan, sabapan kapatoy Almasi, mahap na kitabi pa Tuhan.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

Pilipi 1:6

Aseꞌ bi ina yana buktiꞌ tud hinalin na pin meꞌ Tuhan pangatayan bi pa kaayaran. Maka tatantu ku pagka Tuhan lay na nagnaꞌ ngahalin pangatayan bi, mastiꞌ ndarahan na pin sina meꞌ na ngabut sampay magjatu na garaꞌ na ningkaam ni llaw Almasi pabeleng.

Pilipi 3:20

Boꞌ kitabi baw tu sukuꞌ Tuhan, lahat tabi sabanna yana sulgaꞌ. Maka ilooy ma agad tabi lakka man sulgaꞌ du, yana Papuꞌ tabi si Isa Almasi ma tukang nalamat kitabi.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 1:13

Maka disu gi tandaꞌ Anak Tuhan patingkat man siga malaikat meꞌ tuu: Sila ilay, yaꞌ luu san disu bay baan Tuhan meꞌ bay halling na ni Anak na, ilooy ma yuk na, “Ningkōꞌ na ko ni bihing ku huwin pa kawnan boꞌ nnaꞌ ku mimon banta nu ni diyoꞌ pāt battis nu.”

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 10:14

Dari siꞌ, man sabapan Almasi bay nongan umu na sakayi labba du, puwas na dusa sagannap ma sinutsiꞌ meꞌ na. Boꞌ tasakup na na sina saumu-umu.

Hibrani 10:33

Maka bay gi kam pingkaꞌ pinahinaꞌ sampay nilaugan ni mayran. Tamūd san saꞌ kaam mismu kinalasuhan, lay gi du kam talapay pinapaddihan sabap meꞌ bi nabang pagkahi bi ma bininsanaꞌ.

Hibrani 11:36

Luu gi silay kasohean, sabapan pangando da, bay lumingkaꞌ binuwat kalabbiyan sampay llagpiꞌ. Kasohean pinusas na ga ka karina sampay tajīl gi.

Hibrani 12:3

Na bila kam bininsanaꞌ, intomun bi jaꞌ katiksaan si Isa bay natasan siga baldusa sigi-sigi minsanaꞌ sampay naggaꞌ iya. Meꞌ naa ina, yaꞌ kam kuhi jamu atawa dallaꞌ mmeꞌ niiya.

Hibrani 13:13

Sangkon, meꞌ kitabi itu siga mulit si Isa, subay kitabi pilay pa mman na ni poan daira. Hati na, subay kitabi patuhut niiya minsan man tabi pinahinaꞌ sibuꞌ du ka bay lingkaan na.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

Hibrani 7:19

Batan yaꞌ luu njawom saraꞌ ma kasutsiꞌ ni pangatayan manusiyaꞌ supaya sila mahap na pa Tuhan. Sangkon lay na Tuhan muwanan kitabi pag-asa mas mahap man saraꞌ man tabi mahap na niiya.

Hibrani 8:1

Na hantak bitsala ku ilay siꞌ, luu na panghuluꞌ imam asahan tabi ma lay na ningkōꞌ ni bihing Tuhan Sangat Kawasa huwin pa kawnan ndooy ni sulgaꞌ.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

Yaꞌkub 2:1

Siga danganakan ku, bong kam bana-bana pitsayaꞌ na ni Papuꞌ tabi si Isa Almasi ma tawop pinudji, daa kam minig jama.

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.

1 Pitel 3:18

Mamintang jaꞌ kam ni Almasi. San ya intong gi man intong, lay du ya bininsanaꞌ. Sampay lay na ga ya matoy sakayi labba du kalnaꞌ mimon baldusa pangkat-mamangkat. Lay na tanggung na mimon dusa tabi supaya kitabi mahap na pa Tuhan. Dari siꞌ, bay na pinapatoy jasad na, sugaꞌ lay na baw ya pinakallum ka jasad bahau ma yaꞌ na kuhi matoy.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

Suwat Lakka man si Jūd 1:21

Maka subay kam sēng ni aseꞌ Tuhan ningkaam sasang bi ngagad timbang Papuꞌ tabi si Isa Almasi moo kaam pa jawom kasampulnaan nyawa ma yaꞌ luu katapusan na.

Siga Pakaradjaan bay Pinalahil 1:11

Yuk na, “Suwatan nu mimon pakaradjaan ma song takita nu na. Pag-anu, boꞌ nu mokonan siga akigan na pa mman siga baanan sukuꞌ ku ni pituꞌ daira; disu akigan pa mman siga sukuꞌ ku ndooy ni daira Epesus, disu pa daira Ismirna, disu pa daira Pergamam, disu pa daira Tayatira, disu pa daira Saldis, disu pa daira Piladelpiya, maka disu pa daira Leyodisiya.”

Siga Pakaradjaan bay Pinalahil 1:17

Pag ndaꞌ ku meꞌ looy, ilooy ma takkahan tawu na ku sampay lay na ga ku humantak ni awpan na subay ga jama matoy. Pag-anu, lay tappak na baran ku ka kawnan na sambayan na halling, “Daa ko ba tawu. Aku na situ panagnaan sampay katapusan ni mimon-mimon.

Siga Pakaradjaan bay Pinalahil 1:8

Na yuk Papuꞌ tabi Tuhan, “Aku itu yana Alpa ka Omega Sangat Kawasa, yana ilooy ma ndang luu na man maruhuꞌ-ruhuꞌ lagi ngabut batnaa sampay saumu ni sinōng.”

Siga Pakaradjaan bay Pinalahil 2:8

Pasunuꞌ, yuk na niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Ismirna. Bong ko nuwat, yuk nu meꞌ tuu, “Bitsala tuu lakka man ilooy ma panagnaan ka katapusan ni mimon-mimon, yana ilooy ma bay pingkaꞌ matoy boꞌ lay du llum pabalik. Yuk na meꞌ tuu,