Hibrani 11:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Damikiyan Nabi Nū, sabapan pangando na pa Tuhan, pag lay jaꞌ ya binaan leꞌ Tuhan luu takka dunuk mehe bbos-bbos, lay du ya pitsayaꞌ. Dari lay du ya ngasip ni Tuhan nohoꞌ buwat bahitlaꞌ man nalamat ga paglūng na. Maka sabapan pangando na, lay ya initung meꞌ Tuhan intong. Sugaꞌ kuwan jama lahat na, yaꞌ kuhi pitsayaꞌ pag binaan meꞌ Nabi Nū luu takka dunuk. Batan inawnan dunuk, yaꞌ gi san bay pingkaꞌ takita leꞌ manusiyaꞌ. Dari sabap yaꞌ sila mmeꞌ pitsayaꞌ ni Nabi Nū, ilooy na man da bay kalabuan hukuman kapatoy ni bay dunuk looy.

Hibrani 11:7 ပူးပေါင်းရင်းမြစ်များ

Panagnaan 19:14

Dari siꞌ, lai na si Lut pa mman siga lalla tunang ga anak na, yuk na ninsila, “Siglaꞌ na kam! Lakka na kitabi mantuu! Hinansu na situ meꞌ Tuhan daira tuu!” Sugaꞌ yaꞌ san sila maruli. Kanna da maglata jaꞌ ya.

Panagnaan 6:13

Dari yuk Tuhan ni si Nū, “Subay situ katisan ku na manusiyaꞌ labbasakayi batan sabapan da pannoꞌ na junyaꞌ meꞌ gigit ka bonoꞌ. Basta katisan ku na sina mintu sila sikamimon sampay man junyaꞌ na binasa.

Panagnaan 6:22

Na si Nū siꞌ tu, mimon ma bay sinohoꞌ meꞌ Tuhan niiya, lay na jaꞌ inasip meꞌ na.

Panagnaan 6:9

Na ituu batnaa yana salsila si Nū ka paglūng na. Iya ilay anakan tallu lalla, yana ga si Sem, si Ham, ka si Japet. Si Nū ilay jama intong, boꞌ lungbid lagi ka Tuhan. Ni mimon manusiyaꞌ taꞌ junyaꞌ jaman looy, isu-isu iya yaꞌ luu sutsutan njataꞌ na.

Panagnaan 7:23

Mimon ma llum taꞌ babaw junyaꞌ meꞌ bay pinuusan. Ilooy sa bay tamban yana ga si Nū ka ga ilooy ma bay boo na pa taꞌ bahitlaꞌ.

Panagnaan 7:5

Dari siꞌ sagannap ma bay sohoꞌ Tuhan ni si Nū, lay na jaꞌ pabuwat na.

Panagnaan 8:16

“Boonun na duwai ga anak-nda nu sampay ga iwan nu.

Matiyu 2:12

Tapit jaꞌ siꞌ sila lakka, lay na baw sila bandaan Tuhan njawom upihan yaꞌ nohoꞌ pabeleng pilay pa mman Sultan Herod. Sangkon pag poleꞌ da, lay na sila nūs lān sarī.

Matiyu 24:15

Maka yuk si Isa, “Ni sinōng, luu sina takita bi ilooy ma kabinasa ma tud sinukang meꞌ Tuhan pinatangge ni langga sutsiꞌ. Ilooy ilay siꞌ ndang bay tinunaꞌ meꞌ Nabi Danyel njawom kitab mattoꞌ. (Soysoy matsa tunaꞌ looy, pahamun bi paayad.)

Matiyu 24:25

Indanan bi bay bitsala ku siꞌ. Ndang kawalan ta na kam padpad yaꞌ gi taabut masa meꞌ looy.

Matiyu 24:38

Batan ni jaman looy, halloman junyaꞌ yaꞌ gi ndunukan, yaꞌ san bay taingat manusiyaꞌ njawom bahaya mehe sila. Bbuwatan da llaw pa dangallaw masi na pin maglami-lami nginum-mangan, maghanda-halla, meꞌ naa, meꞌ naa ngabut sampay llaw ga Nabi Nū bay dutai taꞌ bahitlaꞌ.

Matiyu 3:7

Maka meka du kapakihan bay pilay man ga palhimpunan Parisi ka Saddusi maimanan si Yahiya mandi jama. Pag takita sila meꞌ si Yahiya, yuk na ninsila, “Kaam bina, subay ga kam baanan sō latsunan! Ongoy subay na pin kam mahusaan dī bi pitu? Bong yaꞌ du tawbatan bi dusa bi, daa kam mista tailagan bi mulkaꞌ Tuhan ma takka bbos-bbos.

Lukas 17:26

“Pag beleng ku ina mintu, tud takurat sina manusiyaꞌ meꞌ kadari jama ni bay jaman Nabi Nū mattoꞌ.

Suwat si Pol pa mman Baanan Sukuꞌ si Isa ndooy ni Rom 1:17

Ni umanat mahap ina, tatammu jama jalan man da taitung meꞌ Tuhan intong. Jalan ma awnan ku ilay siꞌ yana pangando tabi ni si Isa. Boꞌ sikatuwaꞌ du ka suwat njawom kitab, ilooy ma yuk na, “Sagannap ma initung meꞌ Tuhan intong sabapan pangando da niiya, mastiꞌ koleꞌ kasampulnaan nyawa saumu-umu.”

Suwat si Pol pa mman Baanan Sukuꞌ si Isa ndooy ni Rom 10:6

Tandaꞌ jama mista saraꞌ Tuhan kalanduꞌ awod binogbogan, kasohean magsambatan na ga subay jama bay doꞌ duhuꞌ dutai pa sulgaꞌ boꞌ na nammu kasalamatan. Sugaꞌ daa na sila susa. Luu na du Almasi bay duwai man sulgaꞌ nalamat manusiyaꞌ. Boꞌ inaa na sina umanat ma sohoꞌ kami kinapitsayaan ni manusiyaꞌ.

Suwat si Pol pa mman Baanan Sukuꞌ si Isa ndooy ni Rom 3:22

Dari man gantaan Tuhan, initung na manusiyaꞌ intong basta sila pitsayaꞌ jaꞌ ka mangando ni si Isa Almasi. Tuhan ina yaꞌ magsibiddaꞌ san gi oy bangsa jama.

Suwat si Pol pa mman Baanan Sukuꞌ si Isa ndooy ni Rom 4:11

Na danan na ilay bay sinohoꞌ ngislam mari luu sipat ni baran na ndang lai na ya initung intong sabap meꞌ na bay pitsayaꞌ ni palman Tuhan. Dari poonan man salsila Nabi Ibrahim, tahati tabi na kon jama initung intong, sabap meꞌ da pitsayaꞌ, saꞌ ga sabap meꞌ da bay inislam. Sangkon binilang na Nabi Ibrahim mmaꞌ mimon ma pitsayaꞌ ni Almasi, bay inislam atawa niyaꞌ. Batan saliꞌ-saliꞌ na du sila ngikut Nabi Ibrahim pitsayaꞌ.

Suwat si Pol pa mman Baanan Sukuꞌ si Isa ndooy ni Rom 4:13

Na ni awwal jaman, ndang bay nganjanjiꞌ Tuhan ni Nabi Ibrahim ngandean junyaꞌ niiya sampay ni ga panubuꞌ na bbos-bbos. Na Tuhan ilay bay nganjanjiꞌ meꞌ looy, saꞌ ga sabap meꞌ Nabi Ibrahim bay mogbogan saraꞌ, arapun sabap meꞌ na pitsayaꞌ pa Tuhan. Sampay ilooy na man na bay initung intong. Sangkon, bong inawnan mogbogan saraꞌ, yaꞌ luu kabigiꞌ-bigian na ni bay janjiꞌ Tuhan ni Nabi Ibrahim.

Suwat si Pol pa mman Baanan Sukuꞌ si Isa ndooy ni Rom 9:30

Dari hantak bitsala ku ilay siꞌ, kuwan siga jama ma saꞌ Yahudi, san sila yaꞌ bay miha jalan man da initung meꞌ Tuhan intong, lay na du nammu kaintongan sabap meꞌ da pitsayaꞌ ni si Isa.

Galatiya 5:5

Boꞌ kitabi baw itu ma pitsayaꞌ sampay mangasa ni gaos Rū Sutsiꞌ, holat tabi arat-tabiat tabi sigi-sigi hinalin ngkod-ngkoran yaꞌ gi kitabi intong gi man intong.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

Hibrani 11:1

Na bong ina luu pangando tabi pa Tuhan, tatantu tabi takoleꞌ tabi jaꞌ mimon ma agad tabi ma bay njanjiꞌ meꞌ Tuhan. Minsan yaꞌ lagi takita tabi ilooy ma hinolat meꞌ tabi, pagka luu pangando tabi, yaꞌ na tabi hawal-hawalan mastiꞌ luu jaꞌ masa na takoleꞌ tabi.

Hibrani 12:25

Sangkon, amay-amay daa tuwakun bi umanat Tuhan ningkaam batnaa. Mamintang doꞌ kam ni bay jaman kabboꞌ-bboan tabi. Bong sila bay pinidjalaꞌ sabap meꞌ da nuwak bitsala lalla looy man junyaꞌ, yana Nabi Musa, labi na saꞌ kitabi pinidjalaꞌ bong tuwak tabi na baw bitsala lalla looy ma lakka man sulgaꞌ.

Hibrani 5:7

Na jaman si Isa ntuu ni junyaꞌ, daran ya maku duwaa maka tamūd njawom duwaa na ngattap na ga boheꞌ mata na sambayan na killahap. Bbuwatan na nganjunjung pa Tuhan batan isu-isu Tuhan kasalamat iya man kapatoy na. Dari sabap iya jama lillaꞌ jaꞌ pa Tuhan, lay du bay pinaruli duwaa na.

Hibrani 8:5

Sugaꞌ langga looy ilay ni junyaꞌ sampay siga taat kaimaman mattoꞌ yana bay sipat sadjaꞌ man nabangan kitabi ngahati hāl Tuhan. Sangkon, yaꞌ gi ga Nabi Musa bay buwat langga da ndooy ni lahat lau-lau yaꞌ maglumaꞌ, yuk Tuhan niiya, “Amay-amay subay sibuꞌ banahan hātan na ka mimon bay pakitahan ku kau ndooy taꞌ punu.”

1 Pitel 3:20

Sila ilay siꞌ yana nyawa sagannap ma yaꞌ bay kuhi ngasip ni Tuhan ni jaman Nabi Nū buwat bahitlaꞌ. San tahaꞌ pasensiya Tuhan ngagad ga jama looy nawbat, yaꞌ du sila kuhi. Dari lay jaꞌ sila katis matoy leꞌ dunuk sampay lay na pinalisu nyawa da ni tahanan jama matoy. Ilooy du bay salamat wawuꞌ jama, yana ga Nabi Nū batan lay sila taꞌ bahitlaꞌ inangkat meꞌ boheꞌ dunuk.

2 Pitel 1:1

Ituu itu aku, si Saymon Pitel, disu ata si Isa Almasi. Maka aku itu disu rasul na. Itu suwat ku pa mman bi ma pitsayaꞌ na du ni si Isa Almasi, yana Tuhan tabi ka tukang nalamat kitabi. Ni kaintong na, yaꞌ ya minig jama, batan kaam pun ina, meꞌ kami na du, bay kaladjikian saliꞌ-saliꞌ buwatan hagaan, yana pangando tabi niiya.

2 Pitel 2:5

Damikiyan, manusiyaꞌ ma yaꞌ tawu pa Tuhan ni bay jaman Nabi Nū, yaꞌ du bay pinabiya meꞌ Tuhan amu-amu buwat dusa. Saꞌ ba, palas njataꞌ da, lay sila katis matoy ndunukan? Ilooy du bay sinalamat meꞌ Tuhan yana Nabi Nū ma bay masaplag lān kaintongan ninsila. Maka luu gi soheꞌ na pituꞌ lay du salamat.

2 Pitel 3:6

Maka mimon-mimon taꞌ babaw junyaꞌ mattoꞌ bay pingkaꞌ binasa meꞌ dunuk mehe man sabapan palman Tuhan du.