Hibrani 11:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Na bong inawnan nulut ni kahandak Tuhan, tunmanūn meꞌ jama kasulut niiya bong yaꞌ luu pangando da niiya. Sarī man naa, soysoy doman patapit pa Tuhan subay pitsayaꞌ luu ya. Maka subay ya pitsayaꞌ Tuhan nupaatan sagannap ma magkainagon lungbid ka iya.

Hibrani 11:6 ပူးပေါင်းရင်းမြစ်များ

Panagnaan 15:1

Na paddus meꞌ looy, yaꞌ gi hallom, lay na baw si Ibram tinammuhan meꞌ Tuhan. Njawom pandapat na, yuk Tuhan niiya, “Ū Ibram, daa ko tawu ni oy maka oy na. Luu na pin situ ku ngagpangan kau. Maka buwanan ta du sina ko ladjikiꞌ mehe.”

Matiyu 11:26

Kon nu nganggantaꞌ meꞌ naa sabap tud numan ni pamiki nu meꞌ looy.”

Matiyu 5:12

Bila ina mintu kam lumangga na meꞌ naa, pagakun bi atay bi batan luu sina mintu tungbas bi mehe ni sulgaꞌ. Intomun bi, ngkon ilay siga kanabi-nabihan pinaehe banahan sabap meꞌ da bay kanaalla natasan jinisan kabinsanaan kalnaꞌ Tuhan.”

Matiyu 6:16

“Maka bila kam puwasa, daa na du kam ngakig jama ma magbawuꞌ-bawuꞌ jaꞌ sutsiꞌ. Jama meꞌ sila ilay, sigi-sigi ngaluraꞌ pilay-pitu man da magpasipat sila jama puwasa. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Matiyu 6:5

“Maka bila kam maku duwaa pa Tuhan, daa na du kam ngakig jama ma magbawuꞌ-bawuꞌ jaꞌ sutsiꞌ. Sila ina tigiꞌ maku duwaa bila meka na jama kumpo ni langga atawa ni mayran bong pin sila takita leꞌ manusiyaꞌ. Sugaꞌ baan ta kam banahan, pag taabut da takita meꞌ jama, ngkod looy du silay tungbas takoleꞌ da.

Malkus 16:17

“Na sagannap ma pitsayaꞌ niyaku, meka sina mintu sipat kawasa tapōꞌ da. Kapalakka na sina sila siga seytan man jawom baran jama makoy awon ku. Maka kabitsala gi sina sila ni jinisan pallun ma yaꞌ san bay pingkaꞌ kapandoyan da.

Lukas 12:31

Sangkon pakutuun bi na meꞌ bi mmeꞌ ni pamarinta Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 8:24

Sangkon meꞌ halling sambat ku na siꞌ, taboo bi jaꞌ sina dusa bi matoy. Batan bong kam yaꞌ pitsayaꞌ aku na Almasi, basta yaꞌ sina kuhi puwas dusa bi.”

Suwat si Pol pa mman Baanan Sukuꞌ si Isa ndooy ni Rom 10:14

Sugaꞌ yaꞌ baw sina luu jama nohoꞌ sinalamat ni Papuꞌ bong yaꞌ doꞌ sila bay duhuꞌ pitsayaꞌ niiya. Damikiyan, yaꞌ du luu pitsayaꞌ niiya bong sila yaꞌ bay duhuꞌ kale umanat mahap pasal iya. Maka yaꞌ du luu bay kale bong yaꞌ doꞌ luu bay duhuꞌ masaplagan sila.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Hibrani 11:26

Maka honaꞌ-honaꞌ na, gam na ya natas pinadiyoꞌ sabapan holat na ni katakka Almasi bbos-bbos man na nnaa lakkop leꞌ mimon altaꞌ ni Ejip. Batan ilooy ya pandang na supaat man Tuhan ni sinōng.

Hibrani 3:12

Sangkon siga danganakan, iyakin kam taggahaꞌ luu laat njawom pamiki bi moo kam yaꞌ pitsayaꞌ ni kabanahan sampay man bi na nikutan Tuhan sabanna ma llum saumu.

Hibrani 4:2

Batan kitabi pun itu, lay na du kale umanat mahap pasal pahaliyan bay hinalliꞌ ningkitabi meꞌ karuha umanat bay takale leꞌ kabboꞌ-bboan tabi. Sat na jaꞌ kuwan ninsila, yaꞌ sila bay kapaasok sabap yaꞌ sila bay pitsayaꞌ ni umanat Tuhan ninsila.

Hibrani 4:6

Kon ilay Tuhan bay magpalman meꞌ looy batan kabboꞌ-bboan tabi ilay, san lay na binaan umanat mahap pasal pahaliyan looy sampay sinohoꞌ paasok, yaꞌ du sila bay ngasip. Sugaꞌ ni masa batnaa, luu na pahaliyan sarī. Maka bukaꞌ na lawang na man manusiyaꞌ paasok.

Hibrani 7:19

Batan yaꞌ luu njawom saraꞌ ma kasutsiꞌ ni pangatayan manusiyaꞌ supaya sila mahap na pa Tuhan. Sangkon lay na Tuhan muwanan kitabi pag-asa mas mahap man saraꞌ man tabi mahap na niiya.

Hibrani 7:25

Sangkon, tapajatu na na banahan nalamat sagannap ma doman mahap na pa Tuhan, basta sila pitsayaꞌ jaꞌ niiya. Iya ilay llum saumu-umu maka wā ya makuhan sila timbang pa Tuhan.

2 Pitel 1:10

Sangkon siga danganakan, pagbuli-bulihan bi na meꞌ bi mean bay halap ku siꞌ mari luu buktiꞌ lay na kam lliyun sampay pineneꞌ meꞌ Tuhan binuwat sukuꞌ na. Meꞌ naa ina, yaꞌ na luu masa bi kapagdusa.

2 Pitel 1:5

Sangkon subay pagbuli-bulihan bi meꞌ bi matabeꞌ kawul-piil ayad ni pangando bi ni Papuꞌ Isa. Maka subay du pagbuli-bulihan bi meꞌ bi koleꞌ pangahati pasal kahandak Tuhan ningkaam.

2 Pitel 3:14

Sangkon, siga kakasi ku, halloman bi ngagad siga pakaradjaan looy mintu binakbul, subay kam tattap paintong. Maka subay yaꞌ luu sutsutan njataꞌ bi supaya mahap na jaꞌ kam pa Tuhan.

Siga Pakaradjaan bay Pinalahil 21:8

Sugaꞌ kuwan sagannap ma nuwak aku sabap tawu sila bininsanaꞌ sampay sagannap ma yaꞌ kuhi pitsayaꞌ niyaku, saꞌ sila sukuꞌ ku. Sila ina ka sagannap ma buwat kasabuhan, ma mapatoy jama, ma magjina, ma makoy ilmuꞌ seytan, ma numba siga tuhan-tuhan, sampay mimon ma ngandustaꞌ, ilooy du sukuꞌ da yana danaw looy ma pannoꞌ leꞌ api ka manilang ngereꞌ. Boꞌ ilooy na silay inawnan kapatoy ni kaduwa na.”