Hibrani 10:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Maka lay gi kam nulung siga pagkahi bi ma njawom jīl. Minsan bay inagaw altaꞌ bi, yaꞌ du bay lungay kagakan bi. Batan tasayu bi na luu na siga supaat njataꞌ bi mas hagaan man altaꞌ ni junyaꞌ, boꞌ natas lagi saumu-umu.

Hibrani 10:34 ပူးပေါင်းရင်းမြစ်များ

Matiyu 19:21

Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Lukas 10:42

Sugaꞌ disu du patingkat gunahan ni jama, yana ituu na situ ma bay peneꞌ si Mariyam. Boꞌ yaꞌ na sina talakkahan mman na.”

Lukas 12:33

Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 9:25

San ina sawpama mimon altaꞌ njawom junyaꞌ lay takoleꞌ bi, oy pus na bong tiksaꞌ du nyawa bi saumu-umu pag taabut bi ni ahirat?

Salsila siga Rasul 21:33

Pag-anu siꞌ, lay na pasōng komandel looy pa mman si Pol nungkuban iya sampay lay gi sohoꞌ na si Pol pinusas ka karina duwa. Pag lupus, tilaw komandel looy ni baanan Yahudi ndooy, “Soy tu jama tuu? Oy tu dusa na?”

Salsila siga Rasul 28:20

“Na kon ku itu bay nawag kaam mari kam tahappatan ku balharapan bong oy sabap ku pinusas ka karina meꞌ tuu. Kon ku itu meꞌ tuu sabap meꞌ ku pitsayaꞌ luu na bay takka tukang nalamat ma masi inagad meꞌ bangsa tabi Israil.”

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

2 Korin 5:1

Na baran tabi itu meꞌ sapantun lumaꞌ sandaꞌ-sandaꞌ jaꞌ man tabi pahantiꞌ halloman tabi taꞌ junyaꞌ. Maka katoonan tabi du, bong lay na langkat, mastiꞌ luu du gantiꞌ na lumaꞌ bahau ndooy ni sulgaꞌ. Intong na, baran bahau. Boꞌ lumaꞌ looy ilay mintu saꞌ na meꞌ hantang lumaꞌ ma pinabuwat meꞌ manusiyaꞌ, batan lakka man Tuhan ka natas saumu-umu.

Epesus 3:1

Dari kalnaꞌ kaam siga bangsa saꞌ Yahudi, itu na ga ku lay tajīl sabap meꞌ ku bay masaplagan kaam kabanahan pasal si Isa Almasi.

Epesus 4:1

Na meꞌ aku itu disu sosohoan Papuꞌ njawom jīl sabap meꞌ ku masaplag, junjung ku na ningkaam, bogbogan bi kawul-piil ma tawop ni jama ma bay lliyun meꞌ Tuhan binuwat sukuꞌ na.

Epesus 6:20

Ituu tu man ku halling meꞌ tuu batan luu situ ku ntuu tatalungkuꞌ njawom jīl sabap meꞌ ku masaplag. Pakuhan bi na pin ku duwaa mari ku nawakka mitsala batan ndang inaa pataꞌ subay pabuwat ku.

Pilipi 1:7

Pataꞌ du baw situ ku mamiki meꞌ looy siꞌ pasal kaam sabap yaꞌ kam kuhi lakka man jawom atay ku. Batan man maruhuꞌ lagi ngabut sampay batnaa, yaꞌ kam bay jamu nabangan aku. Njawom jīl ku atawa ni poan masaplag sampay nampungan jama ma nual pasal umanat mahap, basta mehe du bay tabang bi niyaku.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.

1 Timuti 6:19

Bong ina tud bean da du palbiatan tuu, sibuꞌ du sina sila ka bay ngannaan dī da altaꞌ para ni ahirat ma yaꞌ na kuhi lungay saumu. Maka takissa da na kaallum sabanna.

2 Timuti 1:16

Sugaꞌ kuwan si Onesiporus ka ga paglūng na, kamura-murahan pinanimbangan du sila meꞌ Papuꞌ. Batan takdang na ilay bay takka pitu pa Rom, yaꞌ bay luu katagong na miha ngkod-ngkoran ku yaꞌ gi bay tatammu na. Yaꞌ san ya bay iyaꞌ takita magpangandaꞌ aku san ku bay taingkot ka karina. Daran ya bay magamgaman aku.

2 Timuti 2:9

Salla na, sabap meꞌ ku masaplag, daran na ga ku bininsanaꞌ. Sampay lay na ga taabut man ku tatalungkuꞌ njawom jīl binuwat subay ga jama tukang ngalangga saraꞌ. Sugaꞌ san itu ku pinusas ka karina, bong inawnan umanat Tuhan, basta yaꞌ baw sina takoleꞌ kinarinahan.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Hibrani 11:16

Sugaꞌ iya bay agad da yana paglahat mahap gi man mimon paglahat ni junyaꞌ, yana paglahat man sulgaꞌ. Dari sabapan kainagon da magdautan daira ma ndang bay pinanyap meꞌ Tuhan ninsila, gāk sina Tuhan inawnan Tuhan da.

Hibrani 13:14

Ndang-ndang, yaꞌ du luu daira tabi kakka ni junyaꞌ tuu. Ilooy ya agad tabi yana daira ma natas saumu lakka man sulgaꞌ.

Hibrani 13:3

Maka daa takupan bi pagkahi bi njawom jīl atawa pun sagannap ma bininsanaꞌ ni poan. Ngaddoꞌ kam pa lassa ninsila ma njawom tiksaꞌ.

Hibrani 9:15

Sangkon Almasi ilay, iya na bay mōꞌ pagsulutan bahau antaraꞌ Tuhan ka sukuꞌ na. Batan ni jataꞌ kapatoy na, lay na puwasan na mimon dusa tabi bay ngalangga siga saraꞌ ni pagsulutan sibuwa. Dari sagannap ma bay lliyun pa jawom okoman Tuhan, takoleꞌ da na mimon supaat ma ndang bay njanjiꞌ meꞌ Tuhan ni sukuꞌ na. Sila ina meꞌ sapantun jama bay koleꞌ pusaka mehe ma natas saumu.

Yaꞌkub 1:2

Siga danganakan, bila kam tumabbaꞌ njawom jinisan kasusahan, bilangun bi jaꞌ kagakan.

1 Pitel 1:4

koleꞌ kitabi mimon ma ndang luu na bay hinalliꞌ meꞌ Tuhan ni sulgaꞌ para ni siga sukuꞌ na. Boꞌ ilooy na silay tabilang pusaka ma yaꞌ luu masa na, yaꞌ luu salla na, sampay yaꞌ kuhi baluba.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.