Hibrani 1:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Tud kasulutan ko ni kaintongan, sugaꞌ dugahan ko ni mimon kalaatan. Sangkon aku itu, yana Tuhan nu, bay muwanan kau kagakan ka kabantugan labi man sikamimon.”

Hibrani 1:9 ပူးပေါင်းရင်းမြစ်များ

Lukas 4:18

“Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Yahiya 1:41

Dari pag poleꞌ si Andru, lay doꞌ piha na danganakan na si Saymon. Pag tatammu na, yuk na, “Luu na la takka Almasi! Boꞌ lay gi kami sitammu ka iya!” (Hatiyan Almasi, ilooy ma bay inuwakilan meꞌ Tuhan magsultan saumu-umu.)

Yahiya 10:17

“Tud kinaasean ku meꞌ Mmaꞌ ku batan atas ku nongan umu ku kalnaꞌ siga bili-bili ku. Sugaꞌ llum du sina ku pabalik.

Yahiya 20:17

Yuk si Isa niiya, “Daa ku kuwangkutan nu. Pawus gi situ ku pa jataꞌ pa mman Mmaꞌ ku. Sugaꞌ tugun ku ningkau, pilay na ko pa mman siga danganakan ta. Baan nu sila pilay na ku pa jataꞌ pa mman Mmaꞌ ku, yana Mmaꞌ bi, pa mman Tuhan ku, yana Tuhan bi.”

Yahiya 3:34

Batan pagka Almasi bay pinapitu meꞌ Tuhan, mastiꞌ masampay jaꞌ ya palman Tuhan. Boꞌ tumatandaꞌ du batan njataꞌ na man Tuhan bay matannaꞌ mimon kawasa Rū Sutsiꞌ.

Salsila siga Rasul 4:26

Siga sultan ka ga pa-mmean ntuu ni junyaꞌ magtaayun nulang kau ka Almasi nu.’

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.

Suwat si Pol pa mman Baanan Sukuꞌ si Isa ndooy ni Rom 12:9

Na meꞌ kitabi itu sikaaseꞌ-kaaseꞌ, subay hilas aseꞌ tabi. Subay kitabi wā lammis ni kalaatan. Maka subay kitabi wā makutuꞌ kaayaran.

Suwat si Pol pa mman Baanan Sukuꞌ si Isa ndooy ni Rom 15:13

Na meꞌ Tuhan ina pag-asa tabi, kamura-murahan buwanan na du kam kagakan mehe maka kasannangan njawom atay bi sabap meꞌ bi pitsayaꞌ ni Papuꞌ Isa. Kamura-murahan sabap meꞌ bi pitsayaꞌ, ginaosan du kam meꞌ kawasa Rū Sutsiꞌ supaya pabasag na pin holat bi pa Tuhan.

1 Korin 1:9

Tuhan ina taasahan. Boꞌ iya na sina bay ngaliyun kitabi supaya kitabi kapagrahasiyaꞌ na ka Anak na, yana Papuꞌ tabi si Isa Almasi.

2 Korin 11:31

Bay bitsala ku ilay siꞌ, tud bana silay. Tasayu du sina meꞌ ilooy ma tawop pinudji saumu-umu, yana Tuhan, Mmaꞌ Papuꞌ tabi si Isa.

Galatiya 5:22

Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.

Pilipi 2:9

Sangkon, lay na ya pinatingkat meꞌ Tuhan man sikamimon. Maka lay gi ya binuwanan gallahan hagaan man mimon gallahan.

Hibrani 2:11

Dari pagka si Isa bay nutsiꞌ atay tabi, tibuuk na kitabi ka iya. Sangkon Mmaꞌ na ina, yana Mmaꞌ tabi na du. Dari ilooy na silay kon si Isa yaꞌ iyaꞌ ngawnan kitabi ga danganakan na.

Hibrani 2:9

Sugaꞌ mindoga doꞌ kitabi ni si Isa. Iya ilay bay du ginantaꞌ diyoꞌ man siga malaikat samantalaꞌ. Kon na ilay meꞌ looy supaya ya lumingkaꞌ doꞌ njawom kabinsanaan sampay matoy kalnaꞌ manusiyaꞌ sikamimon, tandaꞌ aseꞌ Tuhan ninsila. Dari sabap bay ya nongan umu na man na nanggung dusa tabi, lay na hinudhuran njataꞌ na pudji ka kabantugan mehe.

Hibrani 7:26

Danan si Isa ilay tawop binuwat panghuluꞌ imam ma asahan tabi sabap sutsiꞌ ya. Yaꞌ luu sutsutan njataꞌ na maka yaꞌ luu tamak na. Yaꞌ ya bay pingkaꞌ mmeꞌ meꞌ uwahan siga baldusa. Maka sa langkaw-langkaw langit, mas langkaw gi kabantugan na ka kapatut na.

1 Pitel 1:3

Pudji tabi Tuhan, Mmaꞌ Papuꞌ tabi si Isa Almasi. Ni kabasag timbang na, lay na ya bay muwanan kitabi kaallum bahau. Lay na kapakitabi kaallum bahau sabap meꞌ tabi tabeꞌ ni Almasi pinakallum pabalik. Sangkon tatantu tabi na

1 Yahiya 1:3

Dari tuntutan kami na kam ilooy ma bay tasakup kami niiya supaya dambuwaꞌ atay na kitabi maka supaya saliꞌ-saliꞌ na kitabi dambuwaꞌ atay ka Tuhan sampay Anak na si Isa Almasi.

Siga Pakaradjaan bay Pinalahil 2:15

Pag batnaa, sampay kaam kasohean nnaa, sibuꞌ du karuha bi ka si Balaam magsian sukuꞌ Tuhan, yana kaam ma mmeꞌ ni tōꞌ ga si Nikolay.