Hibrani 1:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 1:3 ပူးပေါင်းရင်းမြစ်များ

Matiyu 22:24

Dari yuk da, “Tuwan Guru, njawom saraꞌ Nabi Musa bong luu lalla ndahan boꞌ lay na matoy yaꞌ gi bay anakan, talpaksaꞌ konoꞌ pinūt bawu na meꞌ danganakan na supaya tabangunan na awon danganakan na bong sila bay hanak.

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Yahiya 1:14

Na Palman ilay bay dari manusiyaꞌ sampay lay gi pingkaꞌ magdambuwaꞌ ka kami. Biddaꞌ na ehe aseꞌ na maka bana sadjaꞌ mimon bitsala na. Kami mismu bay kasakup ehe kaayaran na, yana kaayaran Anak tungga ma bay pitu lakka man Mmaꞌ na Tuhan.

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 1:4

Iya ilay yana poonan kaallum, boꞌ kaallum na ina yana sūꞌ man manusiyaꞌ ngita arat-tabiat Tuhan.

Salsila siga Rasul 2:33

Boꞌ lay gi ya inangkat pa sulgaꞌ sampay lay na pinatingkōꞌ ni bihing Mmaꞌ na Tuhan huwin pa kawnan njawom kabantugan mehe. Boꞌ lay gi ya binuwanan kapatut matannaan siga sukuꞌ na Rū Sutsiꞌ meꞌ ndang bay njanjiꞌ meꞌ Mmaꞌ na. Dari ituu tu siꞌ ma bahau jaꞌ bay takita bi sampay takale bi ni baanan kami poonan man Rū Sutsiꞌ ma bay pinatannaꞌ ningkami.

Salsila siga Rasul 7:56

Dari yuk si Esteben, “Ndaun bi doꞌ ba! Takita ku na lawang sulgaꞌ bukaꞌ! Alay na Anak Manusiyaꞌ nangge ni bihing Tuhan huwin pa kawnan!”

Suwat si Pol pa mman Baanan Sukuꞌ si Isa ndooy ni Rom 1:16

Tud manganna situ ku ni kawasa Tuhan njawom umanat mahap tuktuk na pinasaplag. Sangkon yaꞌ ku loman masaplag. Batan katoonan ku mimon jama ma pitsayaꞌ ni umanat mahap tattap jaꞌ nammu kasalamatan, nagnaꞌ man bangsa Yahudi sampay pa kabangsa-bangsahan ma saꞌ Yahudi.

Suwat si Pol pa mman Baanan Sukuꞌ si Isa ndooy ni Rom 8:34

Maka bong luu halling mastiꞌ pinidjalaꞌ jaꞌ kitabi bbos-bbos sabapan dusa tabi, magsāꞌ sila, batan lay na bay tinanggung meꞌ si Isa dusa tabi jaman na bay nongan umu na kalnaꞌ kitabi. Kahapan, lay na du ya pinakallum pabalik sampay lay na pinatingkōꞌ ni bihing Tuhan huwin pa kawnan. Boꞌ ndooy na ya wā makuhan kitabi tabang pa Tuhan.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Kolossa 3:1

Na kitabi itu ma pitsayaꞌ ni Almasi, meꞌ tabi ngingat, lay na kitabi tabeꞌ niiya pinakallum pabalik sabap lay na kitabi buwanan Tuhan kaallum bahau. Sangkon, isbat tabi na hāl sulgaꞌ man Almasi ningkōꞌ ni bihing Tuhan huwin pa kawnan.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

Hibrani 1:13

Maka disu gi tandaꞌ Anak Tuhan patingkat man siga malaikat meꞌ tuu: Sila ilay, yaꞌ luu san disu bay baan Tuhan meꞌ bay halling na ni Anak na, ilooy ma yuk na, “Ningkōꞌ na ko ni bihing ku huwin pa kawnan boꞌ nnaꞌ ku mimon banta nu ni diyoꞌ pāt battis nu.”

Hibrani 10:12

Boꞌ ni panghuluꞌ imam ma asahan tabi ilay, yana si Isa Almasi, ilooy ya bay songan na yana baran na mismu sakayi labba du man muwasan dusa manusiyaꞌ. Boꞌ tasakup na na silay saumu-umu. Pag-anu, boꞌ na lay na ningkōꞌ ni bihing Tuhan huwin pa kawnan.

Hibrani 12:2

Maka subay kitabi tattap magpadduman njataꞌ si Isa. Batan iya suntuan numbul satu man tabi ngita pangando sukup pa Tuhan. Maka sabapan na, patakkoꞌ na pin pangando tabi. Bistahun bi doꞌ, atas na bay natasan kabinsanaan nilansang taꞌ tehang kalnaꞌ kitabi. Maka san kaiyaan niiya binuwat meꞌ looy, yaꞌ du bay paruli na. Batan pinandang meꞌ na kagakan ma takoleꞌ na ni sinōng pag taabut na ngita jama sakiyan salamat. Pag batnaa, lay na ya ningkōꞌ ni bihing Tuhan huwin pa kawnan ndooy ni sulgaꞌ.

Hibrani 4:14

Lipara luu du panghuluꞌ imam asahan tabi ma yaꞌ luu sibuꞌ sabanding na, lay na duhuꞌ pilay pa sulgaꞌ, yana si Isa Almasi, Anak Tuhan. Sangkon, subay yaꞌ labbahan tabi ilooy ma kinapitsayaan meꞌ tabi pasal iya.

Hibrani 7:27

Yaꞌ ya sibuꞌ ka kaimaman panubuꞌ si Libay ma subay na pin nongan kulban pa Tuhan llaw-llaw. Bbuwatan da duhuꞌ nong para ni dusa da mismu, boꞌ da nong para ni dusa siga raayat da. Boꞌ ni si Isa ilay, sakayi labba du ya bay nongan umu na bilang kulban para ni dusa mimon manusiyaꞌ. San yaꞌ na binalikan saumu.

Hibrani 8:1

Na hantak bitsala ku ilay siꞌ, luu na panghuluꞌ imam asahan tabi ma lay na ningkōꞌ ni bihing Tuhan Sangat Kawasa huwin pa kawnan ndooy ni sulgaꞌ.

Hibrani 9:16

Na jama altaan ina, bong bay buwat suwat pusaka, meꞌ tuu aturan na: Subay lai na ya matoy boꞌ takoleꞌ pusaka na meꞌ jama ma bay pineneꞌ pinusakahan njawom suwat.

Hibrani 9:26

Batan bong siꞌ ilay yaꞌ bay tasakup lahaꞌ na muwasan dusa sakayi labba du, malaingkan talpaksaꞌ ya min meka malasahi labba man waktu junyaꞌ bay pinapayak. Sugaꞌ iya ilay bay pitu pa junyaꞌ ni masa batnaa ma pinag-awnan ahil jaman supaya tasongan na na umu na man ngalakkahan dusa tabi sakayi labba du.

1 Pitel 1:21

Dari sabapan pabuwatan Almasi, pitsayaꞌ na kam pa Tuhan ma bay makallum Almasi pabalik sampay lay muwanan iya kabantugan mehe. Dari tattog na pangando bi pa Tuhan maka luu na pag-asa bi koleꞌ mimon ma bay janjiꞌ Tuhan ni sukuꞌ na.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

2 Pitel 1:16

Na mimon ilay bay bāꞌ kami ningkaam maruhuꞌ pasal kawasa Papuꞌ tabi si Isa Almasi maka ni bay kalahil na pa junyaꞌ, bana jaꞌ silay labbasakayi. Saꞌ silay ga aka bay jaꞌ pinabuwat-buwat meꞌ jama ma alistu buwat kana-kana. Arapun tud mata kami mismu bay ngita ehe kawasa-kapatut na ma yaꞌ luu sibuꞌ sabanding na.

2 Pitel 1:17

Kami mismu bay soheꞌ na taꞌ punu jaman Mmaꞌ na Tuhan bay matannaan iya sahayaꞌ sampay muwanan iya kabantugan mehe. Bay gi takale kami suwara Tuhan Sangat Kawasa ndooy pōꞌ man taꞌ langit jaman na magpalman, ilooy ma yuk na, “Inaa ina Anak ku, kakasi ku. Kasulutan ku banahan niiya.”

1 Yahiya 1:7

Sugaꞌ bong itu kitabi tattog njawom dantaꞌ meꞌ karuha Tuhan, dambuwaꞌ atay na kitabi. Maka puwas na dusa tabi sabapan lahaꞌ Anak Tuhan, yana si Isa. Sangkon sutsiꞌ na kitabi.

1 Yahiya 3:5

Sugaꞌ ndang katoonan bi na du, Almasi bay pitu pa junyaꞌ supaya tapuwasan na dusa manusiyaꞌ. Boꞌ iya ilay, yaꞌ luu dusa na samasakali.

Suwat Lakka man si Jūd 1:25

Isu-isu iya Tuhan. Maka iya na sina bay nalamat kitabi man sabapan pabuwatan Papuꞌ tabi si Isa Almasi. Kaayaran Tuhan ina yaꞌ luu sibuꞌ sabanding na. Pudji tabi ya. Iya ina Tuhan Mahatinggi, Sangat Kawasa ma magbayaꞌ ni mimon-mimon labba man kapayak alam ngabut batnaa sampay saumu-umu ni sinōng. Amin! Wassalam

Siga Pakaradjaan bay Pinalahil 3:21

“Na soysoy ina kanaalla mmeꞌ niyaku tanne-pasuꞌ, malaingkan buwanan ku sina mintu kapatut ningkōꞌ ni bihing ku mmeꞌ marinta niyaku. Aku pun itu, lay du ku magkanaalla mmeꞌ ni Mmaꞌ ku tanne-pasuꞌ sampay luu na pin ku ningkōꞌ ni bihing na mmeꞌ marinta.

Siga Pakaradjaan bay Pinalahil 4:11

“Kau ina Papuꞌ kami maka Tuhan kami. Tawop ko binuwanan pudji ka kabantugan mehe. Kau Sangat Kawasa batan kau bay mapayak mimon-mimon. Yaꞌ luu oy maka oy na bong saꞌ man kahandak nu.”