Galatiya 6:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Daa kam ngandupang dī bi saula-ula talimbuhan bi Tuhan. Oy-oy ina bay pabuwat tabi, mastiꞌ moleꞌ du pa kitabi. Bong ibaratan tanom, oy-oy bay tanom tabi, inaa du sina kattom tabi.

Galatiya 6:7 ပူးပေါင်းရင်းမြစ်များ

Lukas 16:25

“Sugaꞌ tampung Nabi Ibrahim, ‘Nges, intomun doꞌ jaman nu llum ni junyaꞌ. Lay jaꞌ ko masannang dī nu ngissahan jinisan pakaradjaan ayad halloman nu ni junyaꞌ. Boꞌ si Lasarus itu, ilooy du bay takissa na katiksaan. Pag batnaa, iya doꞌ baw magparasahan ayad. Kuwan kau, nnaa na jaꞌ ko njawom tiksaꞌ.

Lukas 21:8

Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

1 Korin 15:33

Sugaꞌ daa kam ngandupang dī bi ngakig pamiki meꞌ looy. Arapun ituu kannahun bi: Bong ina tabi samod ka jama maat, song hallom kalakkotan du tabi meꞌ kadarihan da.

1 Korin 3:18

Na bong luu kam nnaa mista halul-akka kam ni hāl junyaꞌ, boꞌ masi gi kam awam ni hāl Tuhan, ngandupang jaꞌ kam dī bi bong kam manganna halul-akka kam. Gam na kam milang dī bi dupang supaya kam pinabuwat halul-akka meꞌ Tuhan.

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

2 Korin 9:6

Hāl muwan ina, papaham kam. Sibuꞌ du sina karuha na ka jama naburan bani. Soysoy ngumit meꞌ na bay naburan bani, pag kattom na, dangkitiꞌ du. Sugaꞌ soysoy ina bay nabud paeka, pag kattom na, mastiꞌ meka du.

Galatiya 6:3

Bong luu kam nnaa yaꞌ nabangan pagkahi bi sabap meꞌ bi mista lumabi kam man kasohean, ngandupang jaꞌ kam dī bi. Tud yaꞌ baw sina kam hagaan man pagkahi bi.

Epesus 5:6

Daa kam kuhi ndupang meꞌ jama ma māꞌ yaꞌ du maat siga kalaatan meꞌ looy siꞌ. Basta mehe baw silay laat na. Batan siga kalaatan meꞌ looy ilay yana poonan man Tuhan mōꞌ mulkaꞌ na ni mimon ma amu-amu nulang kahandak na.

2 Tesaloneka 2:3

Daa kam mmeꞌ-mmeꞌ ninsila, batan inawnan llaw katakka Papuꞌ, yaꞌ sina takita ngkod-ngkoran yaꞌ gi luu duhuꞌ sakiyan manusiyaꞌ nuwak Tuhan. Maka subay luu doꞌ duhuꞌ pōꞌ disu pa-mmean ma tukang nulang saraꞌ Tuhan. Iya ilay sukuꞌ nalkaꞌ.

Yaꞌkub 1:22

Daa sat pakale jaꞌ kam ni palman na, arapun bean bi du. Batan bong ina yaꞌ bean bi, ngandupang jaꞌ kam dī bi bong kam mista salamat kam.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

1 Yahiya 1:8

Na bong yuk tabi yaꞌ luu dusa tabi, ngandupang jaꞌ kitabi dī tabi maka lawak kitabi man kabanahan.

1 Yahiya 3:7

Siga anak, daa kam kuhi pinagsian meꞌ jama bong sila māꞌ bahasa dari san kitabi buwat dusa. Arapun ituu ya kannahun bi: Sagannap ma tattap buwat kaintongan, sila na jama intong meꞌ karuha Almasi.

Suwat Lakka man si Jūd 1:18

Saꞌ ba, ndang lay sila halling ningkaam, luu ni sinōng pōꞌ siga pangaludjum ma nganduwan napsu da sadjaꞌ ni jinisan hāl tagga pa Tuhan?