Galatiya 6:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Bong luu kam nnaa yaꞌ nabangan pagkahi bi sabap meꞌ bi mista lumabi kam man kasohean, ngandupang jaꞌ kam dī bi. Tud yaꞌ baw sina kam hagaan man pagkahi bi.

Galatiya 6:3 ပူးပေါင်းရင်းမြစ်များ

Lukas 18:11

Parisi looy siꞌ, njawom duwaa na, yuk na, ‘Tuhan, mehe meꞌ ku magsuku ningkau yaꞌ ku baldusa meꞌ jama kasohean. Yaꞌ ku nangkaw. Yaꞌ ku buwat kalaatan. Yaꞌ ku magjina. Maka yaꞌ ku pangalupig meꞌ karuha lalla looy ma tukang ninga sukay.

Salsila siga Rasul 5:36

Bong ina pagtuyuan da siga pakaradjaan ma bay jaꞌ tinulun-tulun meꞌ manusiyaꞌ, yaꞌ du sina luu sōng na. Pamintangan bi na jaman lalla looy ma bay naggaꞌ parinta Rom, yana si Tiyudas. Saꞌ ba, bay ya ngangkat dī na saula-ula iya pa-mmean patingkat? Boꞌ luu na ga mpat hatus jama bay mmeꞌ niiya. Sugaꞌ song hallom, lay du ya pinapatoy meꞌ siga sundalu. Kuwan ga raayat na, lay na magkanatan sampay yaꞌ du bay lanjut garaꞌ da.

Suwat si Pol pa mman Baanan Sukuꞌ si Isa ndooy ni Rom 12:16

Maka ingatun bi dī bi pantay-pantay ka siga pagkahi bi. Daa kam maglangkaw atay, gam pin subay kam mangatas panun ka jama miskin. Maka daa kam mista halul-akka gi kam man kasohean.

Suwat si Pol pa mman Baanan Sukuꞌ si Isa ndooy ni Rom 12:3

Na meꞌ aku tu bay pineneꞌ binuwat disu rasul si Isa man aseꞌ Tuhan, junjung ku na ningkaam, daa kam mista dī bi langkaw man pagkahi bi. Subay kam papatong mamiki pasal dī bi batan saꞌ sina sat kaam bay sinukuan kapandoyan meꞌ Tuhan, arapun sampay mimon pagkahi bi ma pitsayaꞌ ni si Isa.

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.

1 Korin 3:18

Na bong luu kam nnaa mista halul-akka kam ni hāl junyaꞌ, boꞌ masi gi kam awam ni hāl Tuhan, ngandupang jaꞌ kam dī bi bong kam manganna halul-akka kam. Gam na kam milang dī bi dupang supaya kam pinabuwat halul-akka meꞌ Tuhan.

1 Korin 8:2

Soysoy mista dī na halul-akka, boꞌ yaꞌ luu aseꞌ na, mastiꞌ kulang pangahati na.

2 Korin 12:11

Na man sabapan kadarihan bi, lay na ga ku talpaksaꞌ mōꞌ dupang ku magpabantug. Subay siꞌ bay ku dapitan bi tuktuk ku pinitnahan. Minsan yaꞌ luu pūs ku, yaꞌ baw tu ku samasakali tamban meꞌ sagannap ma buwat dī da subay ga rasul si Isa patingkat man kasohean.

2 Korin 3:5

Boꞌ na, katoonan kami na du bong inawnan kapandoyan kami, saꞌ situ lakka man dī kami, arapun lakka man Tuhan.

Galatiya 2:6

Na san meꞌ looy kadarihan kasohean, bong siga pa-mmean sukuꞌ si Isa ndooy, yaꞌ san luu bay tatammu da njawom umanat kami ma subay na pin sinaup atawa pun sinampunan. Boꞌ na, minsan sila tanyag jama langkaw ntan da, yaꞌ du ku bay loman ninsila batan ndang katoonan ku Tuhan yaꞌ magsitingka manusiyaꞌ.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

Yaꞌkub 1:22

Daa sat pakale jaꞌ kam ni palman na, arapun bean bi du. Batan bong ina yaꞌ bean bi, ngandupang jaꞌ kam dī bi bong kam mista salamat kam.

Yaꞌkub 1:26

Na bong ina kam luu mangaku mag-agama boꞌ yaꞌ san pandoy ngagak behe bi, ngandupang jaꞌ kam dī bi. Agama meꞌ looy ilay yaꞌ luu kapuspusan na.

1 Yahiya 1:8

Na bong yuk tabi yaꞌ luu dusa tabi, ngandupang jaꞌ kitabi dī tabi maka lawak kitabi man kabanahan.