Galatiya 5:5 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵ Boꞌ kitabi baw itu ma pitsayaꞌ sampay mangasa ni gaos Rū Sutsiꞌ, holat tabi arat-tabiat tabi sigi-sigi hinalin ngkod-ngkoran yaꞌ gi kitabi intong gi man intong.

Galatiya 5:5 ပူးပေါင်းရင်းမြစ်များ

Panagnaan 49:18

Pag-anu siꞌ, lay doꞌ si Yaꞌkub patagong mitsala ni anak na sakāng. Pag-anu, boꞌ na halling na baw pa Tuhan, “Papuꞌ, itu na pin ku ngagad katakka kasalamatan ma papitu nu bbos-bbos.”

Suwat si Pol pa mman Baanan Sukuꞌ si Isa ndooy ni Rom 5:21

Sibuwa ilay, mimon manusiyaꞌ takawum meꞌ napsu da buwat dusa. Dari pag toklas na, matoy sila maka tiksaꞌ nyawa da. Sugaꞌ batnaa, sabapan aseꞌ Tuhan, lay na kitabi initung intong. Maka sabapan pabuwatan Papuꞌ tabi si Isa Almasi, luu na kasampulnaan nyawa tabi saumu-umu.

1 Korin 1:7

Boꞌ na, ni hāl siga ladjikiꞌ ma pamuwan Rū Sutsiꞌ, yaꞌ na luu kulang bi samasakali halloman bi ngagad ni katakka Papuꞌ tabi si Isa Almasi.

Epesus 2:18

Dari sabapan Almasi, labba man kami siga Yahudi sampay na kaam ma saꞌ Yahudi, saliꞌ-saliꞌ na kitabi kapatapit pa mman Mmaꞌ tabi Tuhan. Batan saliꞌ-saliꞌ na kitabi lay pinaasokan Rū na, yana Rū Sutsiꞌ.

Pilipi 3:9

Maka ituu gi tu hagaan niyaku ni hāl meꞌ ku initung meꞌ Tuhan intong. Sugaꞌ kaintongan ku itu, saꞌ ga sabap meꞌ ku bay mogbogan saraꞌ agama, arapun sabap meꞌ ku pitsayaꞌ ni si Isa Almasi. Batan kaintongan ku tu, yana ladjikiꞌ man Tuhan niyaku.

1 Tesaloneka 1:10

Maka lay gi sila māꞌ ngagad na kam ni Anak na, yana si Isa, pabeleng pa junyaꞌ man sulgaꞌ. Maka yuk da, pitsayaꞌ kam pus si Isa bay pinapatoy, lay na ya pinakallum meꞌ Mmaꞌ na Tuhan. Maka pitsayaꞌ na du kam iya tukang maddusan siga sukuꞌ na man mulkaꞌ Tuhan ma takka bbos-bbos.

2 Tesaloneka 3:5

Kamura-murahan tinabangan du kam meꞌ Papuꞌ mari pasōng pangahati bi pasal aseꞌ Tuhan ningkaam. Maka kamura-murahan natas na pin kam njawom kabinsanaan meꞌ bay karuha Almasi.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.