Galatiya 5:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Maka baan ta kam banahan, sagannap ina ma nohoꞌ inislam man da initung intong, talpaksaꞌ ninsila mogbogan saraꞌ Nabi Musa labbasakayi.

Galatiya 5:3 ပူးပေါင်းရင်းမြစ်များ

Matiyu 23:16

“Siya-siya kam, siga pa-mmean agama! Ni kaawam bi, subay ga kam jama buta nondaꞌ jama buta. Baꞌ-bāꞌ bi bong jama napa makoy awon langga mehe binuwat saksiꞌ na, yaꞌ dari oy na san ya yaꞌ mogbogan bay sapa na. Sugaꞌ bong ya napa makoy awon mmas ni jawom langga looy binuwat saksiꞌ na, baꞌ-bāꞌ bi talpaksaꞌ subay ya mogbogan bay sapa na.

Matiyu 23:18

Baꞌ-bāꞌ bi, bong jama napa makoy awon pangulbanan binuwat saksiꞌ na, yaꞌ dari oy na san ya yaꞌ kanaalla ni bay sapa na. Sugaꞌ bong ya napa makoy awon kulban taꞌ pangulbanan binuwat saksiꞌ na, baꞌ-bāꞌ bi, talpaksaꞌ subay ya mogbogan bay sapa na.

Lukas 16:28

Luu gi silay ndooy danganakan ku lima. Sōn doꞌ sila binandaan ni si Lasarus, taggahaꞌ sila pun lay du mintu tumiluꞌ pitu pa jawom kamalasahiyan meꞌ tuu.’

Salsila siga Rasul 15:1

Na ni waktu looy du siꞌ, luu na baw takka pa Antiyok siga Yahudi man Yahudiya. Bbuwatan da lay noan siga sukuꞌ si Isa ma saꞌ Yahudi, yuk da, “Bong ina kam yaꞌ bay inislam meꞌ ndang bay tinaat ni saraꞌ Nabi Musa, masi du kam yaꞌ salamat.”

Salsila siga Rasul 2:40

Na sarī man ilooy siꞌ, meka gi bitsala si Pitel man na noan sila kabanahan. Sigi-sigi ya nganjunjung ninsila, yuk na, “Bean bi na bay halling ku siꞌ mari kam salamat man mulkaꞌ ma labuꞌ bbos-bbos ni siga jama maat ni angkat-angkatan batnaa.”

Salsila siga Rasul 20:21

Tōꞌ ku ni bangsa ku Yahudi yaꞌ du luu bay pagtingkahan na ka tōꞌ ku ningkaam ma saꞌ Yahudi. Saliꞌ-saliꞌ du kam bay sohoꞌ ku nawbatan dusa bi ka lillaꞌ pa Tuhan sampay nohoꞌ pitsayaꞌ ni Papuꞌ tabi si Isa.

Suwat si Pol pa mman Baanan Sukuꞌ si Isa ndooy ni Rom 2:25

Kitabi itu bangsa Yahudi manganna hagaan hāl meꞌ tabi ngislam. Boꞌ bana du baw lay, basta bogbogan tabi jaꞌ mimon saraꞌ Tuhan ilooy kasohean. Bong niyaꞌ, malaingkan sibuꞌ du karuha tabi ka yaꞌ bay inislam.

Galatiya 3:10

Boꞌ sagannap ma mangasa ni hulas-sangsāꞌ da mogbogan saraꞌ man da initung intong, yaꞌ sina sila koleꞌ supaat. Ilooy du takoleꞌ da mulkaꞌ batan yaꞌ tabogbog da labbasakayi. Boꞌ magbēꞌ du bana ka suwat njawom kitab, ilooy ma yuk na, “Njawom mulkaꞌ soysoy yaꞌ mogbogan mimon saraꞌ njawom kitab.”

Galatiya 5:2

Indanan bi bitsala ku. Bong ina kam nohoꞌ inislam sabap kanna bi inaa man bi initung meꞌ Tuhan intong, malaingkan yaꞌ sina luu pūs Almasi ningkaam samasakali.

Galatiya 5:6

Dari meꞌ kitabi itu tibuuk na ka si Isa Almasi, katoonan tabi na yaꞌ luu pagbiddaan pa Tuhan bong jama bay inislam atawa niyaꞌ. Ilooy du puntukan banahan yana pangando tabi niiya ma takita ni aseꞌ tabi ni pagkahi tabi manusiyaꞌ.

Epesus 4:17

Na ni kapatut bay dean Papuꞌ Isa niyaku, ituu halap ku ningkaam: Amay-amay daa na kam mmeꞌ meꞌ uwahan siga kapil batan yaꞌ sina luu sōng pamiki da.

1 Tesaloneka 4:6

Daa kam buwat dusa ni siga pagkahi bi, labi na hāl jina. Saꞌ ba, ndang lay na kam bandaan kami, soysoy ina buwat meꞌ naa, mastiꞌ pinidjalaꞌ jaꞌ meꞌ Tuhan.

1 Yahiya 4:14

Kami situ mismu bay ngita Anak Tuhan. Sangkon kabāꞌ kami tud mawjud Mmaꞌ na bay mapitu iya nohoꞌ nalamat manusiyaꞌ.