Galatiya 5:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Boꞌ jama ma pinagbayaan meꞌ Rū Sutsiꞌ ina, sibuꞌ karuha da ka poon kayu ayad jaꞌ buwaꞌ na. Batan jinisan kahapan takita ni kawul-piil da, yana aseꞌ, kagakan, sannang atay, pasensiya, bbuwatan ayad ni pagkahi da ka arat mahap. Tapangandohan sila

Galatiya 5:22 ပူးပေါင်းရင်းမြစ်များ

Matiyu 12:33

Yuk si Isa lagi ninsila, “Manusiyaꞌ ina meꞌ karuha poon kayu. Tiyap-tiyap poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du. Sangkon ni buwaꞌ na takila bi jaꞌ sina bong poon kayu mahap atawa maat.

Lukas 13:9

Bong mintu lay na buwaꞌ pag taun balik, saribu salamat. Bong hati niyaꞌ, boꞌ na sa tabbongan ta.’ ”

Yahiya 15:16

Na kitabi itu bagay, saꞌ man kaam bay meneꞌ aku. Arapun aku ya bay meneꞌ kaam. Sampay bay gi kam inuwakilan meꞌ ku ngalataan lahat buwat kaayaran ka masaplag pasal aku. Meꞌ looy ilay, sibuꞌ du karuha bi ka kayu mahap jaꞌ buwaꞌ na. Boꞌ buwaꞌ bi ina natas sampay pa ahirat. Sangkon oy-oy paku bi man Mmaꞌ ku ni awon ku, nduwan jaꞌ sina kam.

Yahiya 15:2

Iya notoan mimon engas ku ma yaꞌ buwaꞌ. Kuwan sagannap engas ku ma pabuwaꞌ, llassahan meꞌ na mari magsasōng gi eka buwaꞌ da.

Yahiya 15:5

“Na meꞌ halling sambat ku na siꞌ, aku na situ poon anggul sabanna. Kuwan kaam, yana siga engas ku. Basta kam langkit ka aku, maka aku pun langkit ka kaam, malaingkan sibuꞌ du karuha bi ka engas ma buwaꞌ paeka. Sugaꞌ bong ina kam pasakkat mman ku, malaingkan yaꞌ luu tapabuwat bi ma kaboo kabantugan pa Tuhan.

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 15:14

Na siga danganakan, manganna situ ku kaam tud jama mahap maka lawom pangahati bi ni kabanahan pasal Tuhan. Sangkon, bistahan ku pandoy du sina kam sipaintom-paintom.

Suwat si Pol pa mman Baanan Sukuꞌ si Isa ndooy ni Rom 15:3

Minsan Almasi mismu, yaꞌ du bay magpasannang nganduwan dī na, gam pin kalnaꞌ kitabi, lay gi ya bay natasan jinisan kabinsanaan. Boꞌ sikatuwaꞌ du ka suwat njawom kitab, ilooy ma yuk Almasi, “Ū Tuhan, bitsala pangka man jama madiyoꞌ kau, lay na labuꞌ pa jataꞌ ku.”

Suwat si Pol pa mman Baanan Sukuꞌ si Isa ndooy ni Rom 15:30

Siga danganakan, pagka kitabi njawman sakup Papuꞌ tabi si Isa Almasi, maka pagka kitabi sikaaseꞌ-kaaseꞌ sabapan pabuwatan Rū Sutsiꞌ njawom atay tabi, junjung ku na ningkaam, limbangan bi sa ku maku duwaa pa Tuhan.

Suwat si Pol pa mman Baanan Sukuꞌ si Isa ndooy ni Rom 6:22

Kahapan, lay na kitabi pinaddusan man kawasa napsu tabi ma bay kaboo-boo ningkitabi buwat dusa. Pag batnaa, lay na kitabi dari ata Tuhan. Dari sutsiꞌ na arat-tabiat tabi maka luu na kasampulnaan nyawa tabi saumu-umu.

Suwat si Pol pa mman Baanan Sukuꞌ si Isa ndooy ni Rom 7:4

Na siga danganakan, meꞌ naa du sina karuha tabi batnaa. Sibuwa, njawman sakup saraꞌ kitabi. Sugaꞌ batnaa, paddus na kitabi, batan meꞌ tabi ngingat, lay na kitabi tabeꞌ ni kapatoy Almasi taꞌ tehang. Dari pagka lay na kitabi tabeꞌ ni kapatoy na, sibuꞌ na du karuha tabi ka danda ma sumunsayaꞌ halin pa sakup sarī. Pag batnaa, luu na kitabi njawman sakup Papuꞌ tabi ma bay pinakallum pabalik. Kon meꞌ looy supaya kitabi kaboo kabantugan pa Tuhan. Kitabi itu sibuwa, yaꞌ luu kapansahaliyan tabi pa Tuhan. Ibaratan poon kayu, sibuwa yaꞌ kitabi bay buwaꞌ, pag batnaa bohoꞌ kitabi buwaan.

Suwat si Pol pa mman Baanan Sukuꞌ si Isa ndooy ni Rom 8:5

Na soysoy ina pinagbayaan meꞌ napsu na, numbul satu njawom pamiki na meꞌ na nulut dī na. Sugaꞌ sagannap ma pinagbayaan meꞌ Rū Sutsiꞌ, numbul satu njawom pamiki da meꞌ da nganduwan kahandak Rū Sutsiꞌ.

1 Korin 13:13

Dari luu situ tallu pakaradjaan subay tattap kinanna meꞌ tabi, yana pangando pa Tuhan ka holat ni siga janjiꞌ Tuhan sampay aseꞌ pa Tuhan ka pagkahi tabi manusiyaꞌ. Sugaꞌ ni ituu siꞌ sikatallu, ilooy patingkat hagaan, yana aseꞌ.

Galatiya 5:13

Kaam ina siga danganakan, lay na kam lliyun meꞌ Tuhan pa jawom okoman na supaya kam paddus na man jawom sakup saraꞌ. Sugaꞌ amay-amay daa pakoyun bi kasumunsayaan bi bilang daawa man nganduwan napsu bi. Arapun pakutuun bi na meꞌ bi sikaaseꞌ-kaaseꞌ sampay sitabang-tabang.

Epesus 4:23

Sugaꞌ pag batnaa, bean bi na Rū Sutsiꞌ mari tahalin na pamiki bi ka pangatayan bi.

Epesus 5:9

Batan tiyap-tiyap ina jama njawom karantaan, mastiꞌ tumatandaꞌ ni tangge-tingkōꞌ na kaayaran, kaintongan ka kabontohan.

Pilipi 1:11

Kamura-murahan tattap na pin kam buwat kaintongan man tabang si Isa Almasi ni jataꞌ bi, pamaehe sanglit ka kabantugan pa Tuhan.

Kolossa 1:10

Maka kamura-murahan mōꞌ na pin kam kawul-piil ma kasulut ni Papuꞌ Isa mari kam wā tawop inawnan sukuꞌ na. Maka njawom duwaa kami, kamura-murahan tamba-manamba na pin kaayaran pabuwat bi maka magsasōng na pin meꞌ bi lungbid ka Tuhan.

2 Tesaloneka 3:2

Maka pakuhan bi du kami duwaa, kamura-murahan man tabang Tuhan, yaꞌ du kami kongoy-kongoy meꞌ siga jama dahulakaꞌ ma doman minsanaꞌ kami. Batan meka gi sina yaꞌ pitsayaꞌ ni umanat kami.

1 Timuti 3:11

Damikiyan, kuwan nda tukang nabang, subay du hatu maka subay yaꞌ pandoy mitna. Subay ya pandoy ngagak dī na sampay taasahan buwat mimon ma sinukuꞌ niiya.

1 Timuti 4:12

Timuti, daa ko loman nōꞌ bong sabagay luu nnaa nahawi kau sukat yaꞌ gi sangkad umu nu. Gam pin buwat na pin ko suntuan ayad ni mimon sukuꞌ si Isa nnaa. Pakitahan nu sila kawul-piil ayad ka aseꞌ. Maka subay tumatandaꞌ kasutsian nu ka basag pangando nu ni si Isa.

1 Pitel 1:22

Na pagka lay na du kam mmeꞌ ni tōꞌ sabanna, pasutsiꞌ na pin sina pangatayan bi. Sangkon pakutuun bi na meꞌ bi sikaaseꞌ-kaaseꞌ. Maka subay hilas aseꞌ bi meꞌ karuha jama magdanganakan.

1 Pitel 1:8

Minsan ina kam yaꞌ bay pingkaꞌ ngita si Isa ngabut sampay batnaa, maaseꞌ du kam niiya maka tattap du pangando bi niiya. Sangkon pannoꞌ atay bi meꞌ kagakan saꞌ alang-alang,

1 Pitel 5:12

Na ni kapasal suwat tuu, luu situ bay sohoꞌ ku nuwatan bitsala ku, yana si Saylas, disu danganakan tabi kanaalla. Suwat tuu itu man ku mataggu iman bi maka man ku maintoman kaam pasal ehe aseꞌ-tabang Tuhan ningkaam mari kasengan bi.